އިޢުލާން

ވަޒީފާގެ ފުރުޞަޠު

 

މިއިދާރާއަށް ކޮންޓްރެކްޓް އުޞޫލުން މަސައްކަތް ކުރާނެ މުވައްޒަފަކު ބޭނުންވެއްޖެ.

މަޤާމް ކައުންސިލް އެސިސްޓެންޓް (ބަނދަރު ބެލެހެއްޓުމަށް)

ބޭނުންވާ ޢަދަދު 1 ( އެކެއް )

މަޤާމުގެ ގިންތި ކޮންޓްރެކްޓް ( 1 އަހަރު )

ވަޒީފާ އަދާކުރަންޖެހޭ ތަން ނައިވާދޫ ކައުންސިލްގެ އިދާރާ 

މަޤާމު ރޭންކް ކްލެސިފިކޭޝަން ޝަރުޠު މުސާރަ ސަރވިސް އެލަވަންސް

ކައުންސިލް އެސިސްޓެންޓް އެސް. އެސް. 1 ސަޕޯޓް ސްޓާފް ގްރޭޑް 1 ލިޔަންކިޔަން އެނގުން  3100.0 ރުފިޔާ 1000.00 ރުފިޔާ

އެހެނިހެން އެލަވަންސް 1. ދިވެހިރާއްޖޭގެ ޕެންޝަނާބެހޭ ޤާނޫނުގެ ދަށުން ލިބިދެވޭ ޕެންޝަން ކޮންޓްރިބިއުޝަން.

2. ސަޕޯޓިންގ ކޯ އެލަވަންސްގެ ގޮތުގައި މަހަކު 1200.00 ރުފިޔާ.

3. ހަމަޖެހިފައިވާ އުސޫލުން މިނިމަމް ވޭޖް އެލެވެންސް.

4. ސްޕެޝަލް ޑިއުޓީ އެލަވަންސްގެ ގޮތުގައި މަޤާމުގެ މުސާރައިގެ %35

5. ހަމަޖެހިފައިވާ އުސޫލުން އިތުރުގަޑީގެ ފައިސާ.

 

ވަޒީފާއަށް އެންމެ ޤާބިލް ފަރާތެއް ހޮވުމަށް ބެލޭނެ ކަންތައްތައް 1. ތަޢުލީމާއި ތަމްރީން.

2. މަސައްކަތުގެ ތަޖްރިބާ.

3. މަސައްކަތުގެ ހުނަރާއި، ފެންވަރާއި، ޤާބިލުކަމުގެ ސިފަތައް.

އަސާސީ ޝަރުތު ހަމަވުން %50

އަސާސީ ޝަރުތައްވުރެ އިތުރަށް ލިބިފައިވާ ތަޢުލީމް %5

އަސާސީ ޝަރުތައްވުރެ އިތުރަށް ލިބިފައިވާ ތަޖުރިބާ %5

އިންޓަރވިއު %40

ނޯޓް: މަޤާމަށް އައްޔަން ކުރުމަށް، ވަޒީފާއަށް އެދިފައިވާ މީހާއަށް ކްރައިޓީރިއާގެ ހުރިހާ ބަޔަކުން ލިބުނު ޕޮއިންޓްގެ ޖުމްލަ 70% (ހަތްދިހަ) އިންސައްތައަށް ވުރެ މަތިވާން ޖެހޭނެއެވެ.

 

މަޤާމުގެ މަސްއޫލިއްޔަތު ތަކާއި ވާޖިބުތައް 1. ކައުންސިލް އިދާރާގެ މަސައްކަތްތަކާއި ކައުންސިލްގެ ނިންމުންތައް ތަންފީޒްކުރުމާއި ގުޅޭ އެންމެހާ ކަންކަމުގައި ކައުންސިލަށާއި ސެކެޓްރީ ޖެނެރަލްއަށް ފުރިހަމައަށް ޖަވާބުދާރީވުން.

2. ކައުންސިލުން ފާސްކުރާ ނިންމުންތައް ތަންފީޒްކުރުމަށް ފުރިހަމައަށް އެއްބާރުލުން ދީ އެފަދަ ނިންމުންތައް ތަންފީޒްކުރުމުގައި އިދާރީގޮތުން ކުރަންޖެހޭ އެންމެހާ ކަންތައްތައް ސެކްރެޓަރީ ޖެނެރަލްގެ ނުވަތަ ސްޕަވައިޒަރުގެ ލަފައާއި އިރްޝާދުގެ މަތިން ކުރުން.

3. ބަނދަރަށް ލަފާފުރާ އުޅަނދުތައް ބަނދަރު ބޭނުންކުރަނީ ބަދަރު ބެލެހެޓުމުގެ ޤަވާއިދާ އެއްގޮތަށްތޯ ބަލާ ޗެކްކުރުން.

4. ކައުންސިލުގެ ފަރާތުން ބަނދަރު ބެލެހެއްޓުމަށާއި މިގަވާއިދުގެ ދަށުން ނަގަން ޖެހޭ ފީ ކައުންސިލުން އަންގާ ގޮތަކަށް ނެގުން.

5. ބަނދަރަށް މުދާ ބޭލުމާއި ބަނދަރުން މުދާ ބަރުކުރުމުގައި ޢަމަލުކުރަނީ ޤަވާއިދާ އެއްގޮތަށްތޯ ބަލާ، ދައްކަންޖެހޭ ފީ  ދައްކާފައިވޭތޯ ބަލާ ޗެކްކުރުން.

6. ސިމެންތި، ހިލަ، ހިލަވެލި، ދޮންވެލި، އަކިރި، ގެރިގުއި ފަދަ ތަކެތި ބަރުކޮށްގެން ނުވަތަ ބަރުކުރަން ބަނދަރަށް އަންނަ އުޅަނދުފަހަރުން އެފަދަ ތަކެތި އަރުވައި ބާލަން ވާނީ، ކައުންސިލުން ކަނޑައަޅާ ބަނދަރުގެ ސަރަހައްދަކަށްތޯ ބަލައި ޗެކްކުރުން.

7. ބަނދަރާއި ބަނދަރު ސަރަހައްދު ސާފުކޮށް ބޭއްވުމަށް މަސައްކަތްކުރުން.

8. މުދާ އަރުވައި ބޭލުމުގެ ސަބަބުން ނުވަތަ އެނޫންވެސް ސަބަބަކާހެދި އެއްގަމު ސަރަހައްދަށް އެޅޭ ތެލާއި ކުނިފަދަ ތަކެތި ނެގުމަށް، އެމަސައްކަތް ނިމުމުން އެމަސައްކަތްކުރި ނުވަތަ ކުރުވި ފަރާތަށް އެންގުން.

9. ސިމެންތި، ދޮންވެލި، ހިލަ، ހިލަވެލި، ކާޑު ފަދަ ބަސްތާތައް ބަނދަރުގެ އެއްގަމުގައި ޖައްސަނީ ސަތަރި، ނުވަތަ ތަރަފާލު އަޅައިގެންތޯ ބަލައި ޗެކްކުރުން.

10. އެއްވެސް އުޅަނދެއް ތޮށިގަނޑުގައި ޖެހި ނުވަތަ މުދާ ބާލައި ބަރުކުރުމުގެ ތެރޭގައި، ނުވަތަ އެނޫންވެސް ސަބަބަކާ ހުރެ، ތޮށިގަނޑަށް ގެއްލުން ވެއްޖެނަމަ، އެވީ ގެއްލުމެއް ބަލައި އެ އުޅަނދެއްގެ ވެރިފަރާތް ނުވަތަ އެ އުޅަނދަކާ ހަވާލުވެފައިވާ ފަރާތާ ގުޅޭ މަޢުލޫމާތު ކައުންސިލަށް އެންގުން. އަދި އެ އުޅަނދެއް ފުރައިގެންދިއުމުގެ ކުރިން އެކަން ހައްލުކޮށްފައިތޯ ބެލުން.

11. އުޅަނދުތަކުގެ ވާ އައްސަނީ ކައުންސިލުގެ ފަރާތުން ބަނދަރުގައި ވާ އެޅުމަށް، ނުވަތަ ވާ އެއްސުމަށް ކަނޑައަޅާފައިވާ އެއްޗެއްގައި ނުވަތަ ތަނެއްގައިތޯ ބަލާ ޗެކްކުރުން.

12. މުދާ އަރުވައި ބޭލުމާއި މީހުން އަރައި ފޭބުމާއި ފެރީ އުޅަނދުތައް ގާތް ކުރުމަށް ކައުންސިލުން ކަނޑައަޅާ ސަރަހައްދުގައި އެނޫން އެހެން ބޭނުމަކު އުޅަނދުފަހަރު ބާއްވާފައިވޭތޯ ބެލުން އަދި އެފަދަ ހާލަތެއްގައި އުޅަނދު އެ ސަރަހައްދުން ދުރުކުރަން ވެރިފަރާތަށް އެންގުން

13. ފަޅުތެރޭގައި ވާ އެޅުމާއި ލޮތާރި އެޅުން ފަދަ ކަންތައްތައް ކުރަނީ ކައުންސިލުން ކަނޑައަޅާ އާންމު އުސޫލާ އެއްގޮތަށްތޯ ބަލައި ޗެކްކުރުން.

14. ރަސްމީ ޖެޓީ ނުވަތަ ރަސްމީ ފާލަމުގެ ބޭނުން ހިފުމަށް ދަތިވާގޮތަށް، ފާލަން ނުވަތަ ޖެޓީ ކައިރީގައި އެއްވެސް އުޅަނދެއް އަޅާފައި ވޭތޯ ބަލާ ޗެކްކުރުން. އަދި އަޅާފައިވާނަމަ އެ އުޅަނދެއް ނެގުން.

15. ބަނދަރުތެރޭގައި މަސްކިރަނީ، ބަނދަރުތެރޭގައި މަސްކިރުމަށް ކައުންސިލުން އާންމުކޮށްފައިވާ އުސޫލުތަކާ އެއްގޮތްވާ ގޮތުގެ މަތިންތޯ ބަލައި ޗެކްކުރުން.

16. ދަތުރުވެރިން ދަތުރުކުރާ އުޅަނދުފަހަރު ބަނދަރަށް ވަދެނިކުމެ ހަދަނީ ކައުންސިލުގެ ހުއްދަ ލިބިގެންތޯ ބަލައި ޗެކްކުރުން.

17. މަސް މާރުކޭޓު ފިޔަވައި ބަނދަރުގެ އެހެން އެއްވެސް ތަނެއްގައި އެއްވެސް ބާވަތެއްގެ މަހެއް ނުވަތަ މަސްތަކެއް ކެނޑުމާއި ވިއްކާތޯ ބަލައި ޗެކްކުރުން.

18. ބަނދަރު ސަރަހައްދުގެ ފަޅުތެރެއަށް އުޅަނދެއް ފެތިއްޖެނަމަ، ނުވަތަ އަޑިއަށް ގޮސްފިނަމަ، އެ އުޅަނދެއް ގިނަވެގެން 48 (ސާޅީސް އަށެއް) ގަޑިއިރުގެ ތެރޭގައި ނަގާތޯ ބެލުން އަދި އުޅަނދު އޮތް ތަނުން ނެގުމުގެ ކުރިން ފޮޓޯ ނުވަތަ ވީޑިއޯ ނަގައި އުޅަނދު ނެގުމުގެ ކުރިން އުޅަނދު އޮތް ހާލަތު ބަޔާންކުރާ ރިޕޯޓެއް ތައްޔާރުކޮށް ކައުންސިލަށް ހުށަހެޅުން.

19. ބަނދަރު ސަރަހައްދުގެ ފަޅުތެރެއަށް އާންމުކޮށް މޫދަށް އެރި އުޅޭތޯ ބެލާ ޗެކްކުރުން. އަދި އެކަން ހުއްޓުވުން..

20. ބަނދަރު ސަރަހައްދުގެ ފަޅުތެރޭގައި އުޅަނދު ދުއްވަނީ އެންމެ އެކަށީގެންވާ މިންވަރުގެ ސްޕީޑެއްގައިތޯ ބަލައި ޗެކްކުރުން.

21. ބަނދަރުގެ ފެން ކިއޮސްކް އިން ފެނާއި ކަރަންޓް ކުއްޔަށް ދޫކުރުމާއި، މިގޮތަށް ދޫކުރެވޭ ފެނާ ކަރަންޓުގެ މަޢުލޫމާތު ލޮގްކޮށް ބެލެހެއްޓުމާއި ފައިސާ ބަލައިގަނެ ކައުންސިލުން ކަނޑައަޅާ ގޮތެއްގެ މަތީން އެފައިސާ ކައުންސިލާ ޙަވާލުކުރުން.

22. ރަށުގެ ރަސްތުނޑި ސަރަހައްދާއި ހުޅަނގުފަރާތު ގޮނޑުދޮށް ސަރަހައްދު ބެލެހެއްޓުމާއި އެސަރަހައްދު ތަކުގައި ޤަވާޢިދާ ޚިލާފަށް ހިނގަމުންދާ ކަންކަން ހުއްޓުވާ އެކަންކަން ކައުންސިލަށް ރިޕޯޓްކުރުން.

ހުށަހަޅަންޖެހޭ ލިޔުންތައް 1. ފުރިހަމަ ކޮށްފައިވާ ވޭޖް އަދި ކޮންޓްރެކްޓް ވަޒީފާއަށް އެދޭ ފޯމު (މި ފޯމު އިދާރާގެ ކައުންޓަރުން ލިބެންހުންނާނެއެވެ.)

2. ވަޒީފާއަށް އެދޭފަރާތުގެ ވަނަވަރު ( ގުޅޭނެ ފޯނު ނަންބަރާއި،އީމެއިލް އެޑްރެސް އެނގޭގޮތަށް )

3. ވަޒީފާއަށް އެދޭ ފަރާތުގެ ދިވެހި ރައްޔިތެއްކަން އަންގައިދޭ ކާޑުގެ (މުއްދަތުހަމަވެފައިވީ ނަމަވެސް) ދެފުށުގެ ލިޔުންތައް ފެންނަ، ލިޔެފައިވާ ލިޔުންތައް ކިޔަން އެނގޭ ފަދަ ކޮޕީއެއް. ނުވަތަ އައި.ޑީ. ކާޑު ގެއްލިފައިވާ ނަމަ، އެ ފަރާތެއްގެ އުފަންދުވަހުގެ ސެޓްފިކެޓު، ޕާސްޕޯޓް ނުވަތަ ޑްރައިވިންގ ލައިސަންސް.

4. ލިބިފައިވާ ތަޢުލީމީ ސެޓުފިކެޓުތަކުގެ ކޮޕީ؛ 

(ހ)  މޯލްޑިވްސް ކޮލިފިކޭޝަންސް އޮތޯރިޓީއިން ލެވަލް ކަނޑައަޅައި ތައްގަނޑު ޖަހާފައިވާ، މަތީ ތަޢުލީމުދޭ ރާއްޖެއިން ބޭރުގެ މަރުކަޒަކުން ދޫކޮށްފައިވާ ތަޢުލީމީ ސެޓުފިކެޓުތަކުގެ ކޮޕީއާއި ޓްރާންސްކްރިޕްޓުގެ ކޮޕީ؛ ނުވަތަ: ސެޓްފިކެޓު ނެތް ޙާލަތްތަކުގައި، ކޯސް ފުރިހަމަކުރިކަމުގެ ލިޔުމުގެ ކޮޕީއާއި، މޯލްޑިވްސް ކޮލިފިކޭޝަންސް އޮތޯރިޓީން ދޫކޮށްފައިވާ އެސެސްމަންޓް ރިޕޯޓްގެ ކޮޕީ އަދި ޓްރާންސްކްރިޕްޓްގެ ކޮޕީ

(ށ) ރާއްޖޭގެ މަތީ ތައުލީމުދޭ މަރުކަޒަކުން ދޫކޮށްފައިވާ ތައުލީމީ ސެޓުފިކެޓުތަކުގެ ކޮޕީއާއި ޓްރާންސްކްރިޕްޓްގެ ކޮޕީ؛ ނުވަތަ ކޯސް ފުރިހަމަކުރިކަމުގެ ލިޔުމުގެ ކޮޕީއާއި ޓްރާންސްކްރިޕްޓްގެ ކޮޕީ.

5. މަސައްކަތުގެ ތަޖުރިބާ އަންގައިދޭ ތިރީގައިވާ މިންގަނޑަށް ފެތޭ ލިޔުންތަކުގެ ކޮޕީ: 

(ހ) ސިވިލް ސަރވިސްގެ ވަޒީފާއެއްގައި، ދައުލަތުގެ މުއައްސަސާއެއްގައި، ސަރުކާރު ހިއްސާވާ ކުންފުންޏެއްގައި ވަޒީފާ އަދާކޮށްފައިވާ ނަމަ އަދާކޮށްފައިވާ ވަޒީފާ، އަދި ވަޒީފާގެ މުއްދަތާއި (އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްއޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީ ނަމަވެސް) ވަކިވަކިން ބަޔާންކޮށް އެ އޮފީހަކުން ދޫކޮށްފައިވާ ލިޔުން.

(ށ) ސިވިލް ސަރވިސްގެ ތަޖުރިބާގެ ތެރެއިން https://myaccount.csc.gov.mv/ އިން ފެންނަންނެތް ތަޖުރިބާގެ މުއްދަތުތައް ހާމަކޮށްދިމުގެ ގޮތުން އަދާކޮށްފައިވާ ވަޒީފާ، އަދި ވަޒީފާގެ މުއްދަތާއި (އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްއޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީ ނަމަވެސް) ވަކިވަކިން ބަޔާންކޮށް އެ އޮފީހަކުން ދޫކޮށްފައިވާ ލިޔުން.

(ނ) އަމިއްލަ ކުންފުންޏެއް ނުވަތަ އަމިއްލަ އިދާރާއެއްގައި ވަޒީފާ އަދާކޮށްފައިވާ ނަމަ އަދާކޮށްފައިވާ ވަޒީފާ، ވަޒީފާ އަދާކުރި މުއްދަތާއި (އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްއޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީ ނަމަވެސް) ވަކިވަކިން ބަޔާންކޮށްފައިވާ އަދި މަސައްކަތްކޮށްފައިވާ ތަނުގެ މުވައްޒަފުންގެ އަދަދު ބަޔާންކޮށް އެ އޮފީހަކުން ދޫކޮށްފައިވާ ލިޔުން.

(ރ) ޤައުމީ ނުވަތަ ބައިނަލްއަޤުވާމީ ޖަމްއިއްޔާ ނުވަތަ ޖަމާއަތެއްގައި މަސައްކަތް ކޮށްފައިވާ ނަމަ، އަދާކޮށްފައިވާ ވަޒީފާ، އަދި ވަޒީފާ އަދާކުރި މުއްދަތާއި (އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްއޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީ ނަމަވެސް) ވަކިވަކިން ބަޔާންކޮށް އެ ތަނަކުން ދޫކޮށްފައިވާ ލިޔުން (މި ލިޔުމުގައި އަދާކޮށްފައިވާ މަޤާމަކީ މުސާރަދެވޭ މަޤާމެއްކަން ނުވަތަ ނޫންކަން ބަޔާންކޮށްފައި އޮންނަންވާނެއެވެ. ނުވަތަ ބަދަލުގައި އެކަން ބަޔާންކޮށް އެ ތަނަކުން ދޫކޮށްފައިވާ ރަސްމީ ލިޔުމެއް ހުށަހަޅަންވާނެއެވެ.)

(ބ) ދަޢުލަތުގެ އުވައިލައިފައިވާ އިދާރާއެއްގައި، ނުވަތަ އުވައިލައިފައިވާ އަމިއްލަ ކުންފުންޏެއް ނުވަތަ އަމިއްލަ އިދާރާއެއްގައި، ނުވަތަ އުވައިލައިފައިވާ ޤައުމީ ނުވަތަ ބައިނަލްއަޤްވާމީ ޖަމިއްޔާ ނުވަތަ ޖަމާއަތެއްގައި މަސައްކަތްކޮށްފައިވާ ނަމަ، އަދާކޮށްފައިވާ ވަޒީފާ އަދި ވަޒީފާގެ މުއްދަތާއި (އަހަރާއި މަހާއި ދުވަސް އެނގޭގޮތަށް)، ވަޒީފާގެ މަސްއޫލިއްޔަތުތައް (އެއް އިދާރާއެއްގެ ތަފާތު މަޤާމުތަކުގައި ވަޒީފާ އަދާކޮށްފައިވީ ނަމަވެސް) ވަކިވަކިން ބަޔާންކޮށް އެ އޮފީހަކުން ދޫކޮށްފައިވާ ލިޔުން ލިބެންނެތް ނަމަ، ރެކްރޫޓްމަންޓް އުޞޫލުގެ ޖަދުވަލު 8 ގައިވާ "އުވާލާފައިވާ ތަންތަނުގެ ތަޖުރިބާ އަންގައިދޭ ރެފަރެންސް ޗެކްފޯމް".

މަޤާމަށް އެދެންވީ ގޮތާއި ސުންގަޑި މަޤާމަށް އެދި ހުށަހަޅަންޖެހޭ ތަކެތި ހުށަހަޅާނީ 2024 ޑިސެމްބަރ 19 ވާ ބުރާސްފަތި ދުވަހުގެ މެންދުރު 13:00  ގެ ކުރިން ހދ. ނައިވާދޫ ކައުންސިލްގެ އިދާރާ އަށެވެ. ވަޒީފާއަށް އެދޭ ފޯމާއި ލިޔުންތައް އީމެއިލް [email protected] މެދުވެރިކޮށްވެސް ބަލައި ގަނެވޭނެއެވެ. އަދި އިޢުލާނުގެ ސުންގަޑި ހަމަވުމުގެ ކުރިން ސަރުކާރުން އަލަށް ބަންދު ދުވަހެއް ކަނޑައަޅައިފި ނަމަ، އެ ކަނޑައަޅާ ދުވަހުގެ އަދަދަށް ވަޒީފާއަށް އެދޭ ފޯމު ބަލައިގަނެވޭނެއެވެ.

އިންޓަރވިއުއާއި އިމްތިޙާން އޮންނާނެ ތަނާއި، މުއްދަތު މިމަޤާމަށް މީހަކު ހޮވުމަށް ބޭއްވޭ އިންޓަރވިއު އޮންނާނީ، 2024 ޑިސެމްބަރ 24 އާއި 31 އާ ދެމެދު ހދ.ނައިވާދޫ ކައުންސިލް އިދާރާގައެވެ. ވުމާއެކު މިވަޒީފާއަށް ކުރިމަތިލާ ފަރާތްތަކުން އެތާރީޚު ތަކުގައި އިންޓަރވިއުއަށް ޙާޟިރުވުމަށް ތައްޔާރުވެގެން ތިބުން އެދެމެވެ.

އިތުރު މަޢުލޫމާތު ހޯދުން މިއިޢުލާނާއި ގުޅިގެން އިތުރު މަޢުލޫމާތު ސާފުކުރުމަށް ގުޅާނީ 6520039 ނަންބަރު ފޯނާއެވެ. އީމެއިލްކުރާނީ [email protected]   އަށެވެ.

 

 

14 ޖުމާދުލްއާޚިރް 1446

15 ޑިސެމްބަރ 2024