ވޭޖް އެމްޕްލޯއިމަންޓް އުސޫލުން މުޙައްމަދު އަބޫބަކުރު ޕްރީސްކޫލްގައި މަސައްކަތްކުރާނެ މުވައްޒަފަކު ހޯދުމަށް ހުޅުވާލުން

 މި ކައުންސިލްގެ ފަރާތުން ބ. ކިހާދޫގައި ހިންގަމުންދާ މުޙައްމަދު އަބޫބަކުރު ޕްރީސުކޫލްގައި ކިޔަވާދެމުންދާ ޓީޗަރުން ސަލާމާއި ޗުއްޓީގައި ހުންނަވާ ދުވަސްތަކުގައި ވޭޖް އެމްޕްލޯއިމަންޓް އުސޫލުން މުޙައްމަދު އަބޫބަކުރު ޕްރީސްކޫލްގައި މަސައްކަތްކުރާނެ މުވައްޒަފެއް ހޯދުމަށް ބޭނުންވެއެވެ. ވީމާ މި މަސައްކަތް ކުރުމަށް ޝައުގުވެރިވާ ފަރާތްތަކުން ވަޒީފާއަށް އެދޭ ފޯމް އަދި އެހެނިހެން ލިޔެކިޔުންތައް 2024 ޑިސެމްބަރ 18 ވާ ބުދަ ދުވަހުގެ 12:00 ގެ ކުރިން މިއިދާރާއަށް ހުށަހެޅުއްވުން އެދެމެވެ. މި ވަޒީފާއަށް 1 ފަރާތަށްވުރެ ގިނަ ފަރާތްތަކުން ކުރިމަތިލައިފިނަމަ ވަޒީފާއަށް ހޮވޭ ފަރާތެއް ކަނޑައަޅާނީ ކައުންސިލްގެ ފަރާތުން ކުރިޔަށްގެންދާ އިންޓަރވިއުއަކަށް ފަހުއެވެ.

ބޭނުންވާ އަދަދު: 1

ވަޒީފާގެ މުއްދަތު: ވަޒީފާއަށް ނެގޭ ތާރީޙުން ފެށިގެން 31 ޑިސެންބަރ 2025 ނިޔަލަށް.

ޝަރުތު:

• ކިޔަވައިދިނުމުގެ ދާއިރާއިން ދިވެހިރާއްޖޭގެ ޤައުމީ ސަނަދުތަކުގެ އޮނިގަނޑުގެ ލެވެލް 3 ނުވަތަ މަތީ ސެޓްފިކެޓެއް ހާސިލްކޮށްފައިވުން. ( އާލީ ޗައިލްޑް ހުޑް އެޑިޔުކޭޝަން ދާއިރާއިން ސަނަދު އޮތް ފަރާތެއްނަމަ އެ ފަރާތަކަށް އިސްކަން ދެވޭނެއެވެ)
• އުމުރުން 18 އަހަރު ފުރިފައިވުން
• ދިވެހި ރައްޔިތެއް ކަމުގައިވުން

މަސައްކަތުގެ މަސްއޫލިއްޔަތުތައް:

• ކައުންސިލުން އެކުލަވާލާފައިވާ މަންހަޖާ އެއްގޮތަށް ބޭބީ ނާސަރީ އަދި ނާސަރީ ކުދިންނަށް އުނގަންނައި ދިނުން.
• ބޭބީ ނާސަރީ އަދި ނާސަރީ ކުދިންނަށް ކިޔަވައި ދިނުމަށް ބޭނުންވާ ލެސަންޕްލޭން ތައްޔާރުކޮށް އުނގަންނައި ދިނުމަށް ބޭނުންވާ އެހީތެރިކަން ފޯރުކޮށްދިނުމާއި އިތުރުހަރަކާތްތައް ހިންގުން.
• ކައުންސިލުން ޕްރީސްކޫލުގެ ކިޔެވުމާއި ގުޅިގެން ނިންމާ ނިންމުންތައް ތަންފީޒުކުރުމަށް ފުރިހަމަޔަށް އެއްބާރުލުންދީ އެފަދަ ނިންމުންތައް ތަންފީޒުކުރުމުގައި އިދާރީގޮތުން ކުރަންޖެހޭ އެންމެހާކަންތައް ސެކްރެޓަރީ ޖެނެރަލް ނުވަތަ ސްޕަވައިޒަރުގެ ލަފަޔާއި އިރުޝާދުގެމަތީން ކުރުން.

މަސައްކަތު ވަޤުތު: ދުވާލަކު 6 ގަޑިއިރު

މުސާރަ: މަސައްކަތަށް ނިކުންނަވާ ކޮންމެ ދުވަހަކު، ގަޑި އިރަކަށް 50 ރުފިޔާ (ޕެންޝަން ކޮންޓްރިބިއުޝަން ހިމެނިގެން)

ވަޒީފާއަށް އެދޭ ފޯމާއި ލިޔުންތައް އީމެއިލް ކުރައްވާނީ [email protected] އަށެވެ. މި ވަޒީފާއަށް ކުރިމަތިލުމަށް އެދޭ ފޯމް ރަސްމީ ގަޑީގައި ކިހާދޫ ކައުންސިލްގެ އިދާރާއިން ލިބެން ހުންނާނެއެވެ.