ދިވެހިރާއްޖެ
މަސައްކަތްތެރިންގެ މަޢުރަޒާއިގުޅޭ
މިހިނގާ 2024 ވަނަ އަހަރުގެ ޑިސެންބަރު މަހު 14 ވަނަ ދުވަހު ބޭއްވުމަށް ހަމަޖެހިފައިވާ "މަސައްކަތްތެރިންގެ މަޢުރަޒު 2024" 14 ޑިސެންބަރު 2024 ހޮނިހިރު ދުވަހު ކުރިއަށް ގެންދިއުމަށްވަނީ ހަމަޖެހިފައެވެ. މި މަޢުރަޒުގައި ތަކެތި ވިއްކުމަށް ތައްޔާރުކުރައްވާ ބޭފުޅުން 12 ޑިސެންބަރު 2024 ވާ ބުރާސްފަތި ދުވަހުގެ 14:00 ގެ ކުރިން، ތަކެތީގެ ލިސްޓާއި އަދި ވިއްކާ އަގު މިއިދާރައާއި ޙިއްސާކުރެއްވުމަށް ދަންނަވަމެވެ. ތަކެތި ނަންނޯޓް ކުރެއްވުމުގައި އަދި ހަވާލުމުގައި މިއިދާރައިގެ ފަރާތުން ހަރަކާތްތެރިވާނީ އެސިސްޓެންޓް ކައުންސިލް އޮފިސަރ އަޙްމަދު އަރްޝަދު، ފޯން: 7640884 އެވެ.
ނަންނޯޓް ކުރާތަކެތި ގެނައުމަށް ހަމަޖެހިފައިވާ ގަޑިތައް:
- ވަގުތުން ތައްޔާރުކުރާ ކާބޯތަކެތި (14 ޑިސެންބަރު 2024 ވާ ހޮނިހިރު ދުވަހުގެ 14:00 ގެ ކުރިން)
- އެހެނިހެން ބާވާތްތަކާއި ތަކެތި (14 ޑިސެންބަރު 2024 ވާ ހޮނިހިރުދުވަހުގެ 10:00 ގެ ކުރިން)
ނޯޓް : ވިއްކުމަށް ގެންނަ ތަކެތި ހުންނަންވާނީ ރަނގަޅަށް ބަންދު ކުރެވި ލޭބަލް ކުރެވިފައެވެ.
މިފަދަ އެންމެހާ ކަންކަމުގައި ތިޔަ ލޮބުވެތި ރައްޔެތުންގެ ފަރާތުން ލިބެމުންދާ އެހީތެރިކަމާއި އެއްބާރު ލެއްވުމަށްޓަކައި އިޚުލާޞްތެރިކަމާއި އެކު ޝުކުރު ދެންނެވީމެވެ.
މިހެންވެ މިކަން ޢާންމުކޮށް އެންގުމަށްޓަކައި އިޢުލާނުކުރީމެވެ.