އިޢުލާން

ގޯތީގެ ވަގުތީ ރަޖިސްޓްރީ ހެއްދުމާ ގުޅޭ     

          ދިރިއުޅުމަށްޓަކައި ބަންޑާރަ ގޯތި ދޫކުރުމަށް މިކައުންސިލްގެ ނަންބަރު (IUL)399-MS/399/2019/42 (12 ސެޕްޓެމްބަރު 2019) އިޢުލާނާ ގުޅިގެން ދޫކޮށްފައިވާ 2000 އަކަފޫޓުގެ ގޯތިތަކުގެ ސައިޒު 4000 އަކަފޫޓަށް ބޮޑުކުރުމަށް ހުއްދަލިބި ލޭންޑުޔޫސްޕުލޭން ފާސްކުރުމާއި ގުޅިގެން 09 ޑިސެމްބަރު 2024 ވަނަ ދުވަހު ގުރުއަތުލުމަށްފަހު 11 ޑިސެމްބަރު 2024 ވަނަ ދުވަހު ވަގުތީ ރަޖިސްޓްރީ ދޫކުރުމަށް ވަނީ ނިންމާފައެވެ. ވަގުތީ ރަޖިސްޓުރީ ދޫކުރުމަށް ހަމަޖެހިފައިވަނީ ގޯތީގެ ވެރިފަރާތުގެ އައިޑީ ކާޑު ހިއްޕަވައިގެން ވަޑައިގެންނެވުމުން ރަސްމީ ބަންދުނޫން ކޮންމެ ދުވަހަކު ހެނދުނު 09:00-12:00 އަށެވެ.

          ވަގުތީ ރަޖިސްޓުރީ ދޫކުރުމަށް ހަމަޖެހިފައިވަނީ 2021 ވަނަ އަހަރު ހައްދައިދީފައިވާ ވަގުތީ ރަޖިސްޓުރީތަށް މިއިދާރާއާއި ހަވާލުކުރުމުންނެވެ. އަދި ވަގުތީ ރަޖިސްޓްރީ ރަހުނު ކޮއްފައިވާނަމަ ރަހުނު ކޮއްފައިވާކަމުގެ ލިޔުމެއް ގެނެސްދިނުމުންނެވެ.

         ގޯތީގެ ވެރިފަރާތް ފިޔަވައި އެހެން ފަރާތަކުން ވަގުތީ ރަޖިސްޓުރީ އާއި ހަވާލުވާނަމަ ވެރިފަރާތުގެ އިޢުތިރާޛުނެތް ކަމުގެ ލިޔުމަކާއި ހަވާލުވުމަށް އަންނަ ފަރާތުގެ އައިޑީކާޑު ގެނެސްދެއްވުމަށް ދެންނެވީމެވެ.

                            09 ޖުމާދަލްއާޚިރު 1446 ހ

                            10 ޑިސެމްބަރު 2024 މ