އިޢުލާން

ފެމިލީ ޕްރޮޓެކްޝަން އޮތޯރިޓީގެ އޮފީސް ހިންގުން އައު އިމާރާތަކަށް ބަދަލުކުރުމަށް ހަމަޖެހިފައިވާތީ، މި އޮތޯރިޓީގެ ބެލުމުގެދަށުގައިވާ ހަރުމުދަލާއި، ލިޔެކިޔުންތަކާއި މިނޫންވެސް ހިފާގެންގުޅޭ ތަކެތި އައު އޮފީސް ޖާގައަށް ބަދަލުކޮށް ރާވައި ތަރުތީބުކޮށްދޭނެ ފަރާތެއް ހޯދުމަށް ބޭނުންވެއެވެ.

ވީމާ، މި މަސައްކަތަށް ޝައުޤުވެރިވެލައްވާ ފަރާތްތަކުން، ތިރީގައިވާ ތާރީހަށް މަޢުލޫމާތު ސާފުކުރެއްވުމަށް ވަޑައިގަތުމަށްފަހު، މި އިޢުލާނާއެކު ޝާއިއު ކޮށްފައިވާ ކަރުދާހުގައި ހިމެނޭ މަޢުލޫމާތުގެ މައްޗަށް ބިނާކޮށް އަންދާސީ ހިސާބު ހުށަހެޅުއްވުމަށް ދަޢުވަތު އަރުވަމެވެ.

މަޢުލޫމާތުސާފުކުރުމަށް ބޭއްވޭ ބައްދަލުވުން

• ތާރީޚު: 17 ޑިސެންބަރު 2024 (އަންގާރަ)
• ގަޑި: މެންދުރުފަހު 14:30 ގައި
• ތަން: ފެމިލީ ޕްރޮޓެކްޝަން އޮތޯރިޓީ (2 ވަނަ ފަންގިފިލާ، ހ. މައިޒާންދޮށުގެ، ސޯސަން މަގު، މާލެ)
• އިތުރު މަޢުލޫމާތު:
  • މަޢުލޫމާތު ސާފުކުރެއްވުމަށް ވަޑައިނުގަންނަވާ ފަރާތްތައް ބިޑުގައި ބައިވެރި ނުކުރެވޭނެއެވެ.
  • މަޢުލޫމާތު ސާފުކުރުމަށް ހާޒިރުވާ ފަރާތްތަކަށް، އައު އޮފީސް ޖާގައަށް ގެންދަން ޖެހޭ ތަކެތީގެ އަންދާޒީ ލިސްޓެއް ޙިއްޞާކުރެވޭނެއެވެ. އަދި މީގެ ތެރެއިން ބައެއް ތަކެތި ދައްކާލެވޭނެއެވެ.

އަންދާސީ ހިސާބު ހުށަހެޅުން

• ތާރީޚު: 22 ޑިސެންބަރު 2024 (އާދިއްތަ)
• ގަޑި: މެންދުރުފަހު 14:30 ގައި
• ތަން: ފެމިލީ ޕްރޮޓެކްޝަން އޮތޯރިޓީ (2 ވަނަ ފަންގިފިލާ، ހ. މައިޒާންދޮށުގެ، ސޯސަން މަގު، މާލެ)
• އިތުރު މަޢުލޫމާތު:
  • ގަޑިއަށް ހާޒިރު ނުވާ ފަރާތްތައް ބިޑުގައި ބައިވެރި ނުކުރެވޭނެއެވެ.
  • އަންދާސީ ހިސާބު ހުށަހެޅުއްވުމަށް ވަޑައިގަންނަވާ އެންމެހާ ބޭފުޅުންގެ ކުރިމަތީގައި ސިޓީއުރަ ކަނޑައި، ހުށަހަޅާފައިވާ އަގުތައް ޙިއްޞާކުރެވޭނެއެވެ.