ދަނޑުވެރިކަން ކުރުމަށްޓަކައި ރ.ހުޅުދުއްފާރުން 1 ބިން ދޫކުރުމުގެ ފުރުޞަތު ހުޅުވާލަމެވެ.

• ދޫކުރުމަށް ހަމަޖެހިފައިވާ ބިން: ހުޅުދުއްފާރު ޞިއްޙީމަރުކަޒުގެ ދެކުނުން، ދަނޑުވެރިކަމަށް ޚާއްޞަ ކުރެވިފައިވާ ސަރަޙައްދުން 3000 އަކަފޫޓުގެ 01 ބިން.
• ބިންދޫކުރާ މުއްދަތު: 01 އަހަރު ދުވަސް (މުއްދަތު ހަމަވުމަށްފަހު ދަނޑުބިން ލިބޭ ފަރާތުން އެއްބަސްވުމުގެ މުއްދަތު އިތުރުކުރަން ބޭނުންވާނަމަ، އެފަރާތަކުން ކޮށްފައިވާ މަސައްކަތްތައް ބެލުމަށްފަހު އިތުރު އެއް އަހަރަށް އެއްބަސްވުމުގެ މުއްދަތު އިތުރުކުރެވިދާނެއެވެ.)

މިކަމަށް ޝަޢުޤުވެރިވާ ފަރާތްތަކުން 2024 ޑިސެމްބަރ 12 ވާ ބުރާސްފަތި ދުވަހުގެ އޮފީސް ބަންދުވުމުގެ ކުރިން ސިޓީއަކުން އެކަން މިއިދާރާއަށް އެންގެވުމަށް ދަންނަވަމެވެ. ބިމަށް އެދުނު ފަރާތްތައް ގިނަކަމަށްވާނަމަ، ދަނޑުބިންލިބޭ ފަރާތް ކަނޑައަޅާނީ ގުރުއަތުންނެވެ. މިސަރަޙައްދުން ދޫކުރުމަށް ކަނޑައެޅިފައިވާ ދަނޑުބިންތައް ދޫކުރެވޭނީ ހުޅުދުއްފާރުގެ ރައްޔިތުންނަށެވެ.

ވީމާ، މިކަން ޢާއްމުކޮށް އެންގުމަށްޓަކައި އިޢުލާންކުރީމެވެ.