މި ކައުންސިލުން އިންތިޒާމުކޮށްގެން މިހިނގާ 1446ވަނަ އަހަރު ރަމަޟާން މަހުގައި "ނިލަންދޫ ތަރި" ޤުރުއާން މުބާރާތުގެ ނަމުގައި ޤުރުއާން މުބާރާތެއް ބޭއްވުމަށް ވަނީ ނިންމާފައެވެ. މި މުބާރާތް ބޭއްވުމަށް ނިންމާފައިވާގޮތް ތިރީގައި ދަންނަވާފައި އެވަނީއެވެ.

މުބާރާތް ހުޅުވާލާފައިވާ ޢުމުރުފުރާ

2025 ޖަނަވަރީ 01 ގެ ނިޔަލަށް ޢުމުރުން 12 އަހަރު ފުރިފައިވާ ފ. ނިލަންދޫގެ ރަށްވެހީން.

މުބާރާތުގައި ބައިވެރިވުމުގެ ޝަރުޠު

• ދުނިޔޭގެ ފެންވަރުގެ މުބާރާތެއްގައި ބައިވެރިވެ ކާމިޔާބީއެއް ހޯދާފައިވާ ފަރާތެއްކަމުގައި ނުވުން.
• ޓީ.ވީ.އެމް އިން ގެނެސްދިން ދިވެހިރާއްޖޭގެ އެންމެ އަލިގަދަ ތަރީގެ ނުވަތަ މިނިސްޓްރީ އޮފް ޔޫތް ސްޕޯރޓްސް އެންޑް ކޮމިއުނިޓީ އެމްޕަވަރމެންޓް އިން ކުރިޔަށް ގެންދިޔަ ދިވެހިރާއްޖޭގެ ރަންތާޖު ޤުރުއާން މުބާރާތުގައި ގަދަ 03 ގައި ހިމެނިފައިވާ ފަރާތެއްނަމަ:

1 ވަނަ ލިބިފައިވާ ފަރާތެއް ކަމުގައި ނުވުން.

2 ވަނަ ލިބުނުތާ 5 އަހަރު ވެފައިވާ ފަރާތެއް ކަމުގައިވުން.

3 ވަނަ ލިބުނުތާ 3 އަހަރު ވެފައިވާ ފަރާތެއް ކަމުގައިވުން.

• ނިލަންދޫ ތަރި ޤުރުއާން މުބާރާތުގައި 1ވަނަ ލިބިފައިވާ ފަރާތެއް ކަމުގައި ނުވުން.

މުބާރާތުގައި އިންސާފުކުރެވޭ ބައިތައް

• ކީރިތި ޤުރުއާން ތިލާވާކުރުން.
• ކީރިތި ޤުރުއާން ޙިފްޡްކޮށް ކިޔެވުން.
• ޢުލޫމުލް ޤުރުއާންގެ ބައިތައް.
• ތަޖްވީދުގެ ބައިތައް.

މުބާރާތުގައި ހޮވުމަށް ކަނޑައަޅާފައިވާ ވަނަތަކާއި ދިނުމަށް ނިންމާފައިވާ އިނާމްތައް

• މުބާރާތުގެ 01 ވަނަ "ނިލަންދޫ ތަރި" އަށް -/18,000 (އަށާރަހާސް) ދިވެހި ރުފިޔާއާއި ހަނދާނީ ފިލާ ، ސޭޝް އަދި ރަންތާޖް.
• މުބާރާތުގެ 02 ވަނަ "ނިލަންދޫ ތަރި" އަށް -/10,000 (ދިހަހާސް) ދިވެހި ރުފިޔާއާއި ހަނދާނީ ފިލާ އަދި ސޭޝް.
• މުބާރާތުގެ 03 ވަނަ "ނިލަންދޫ ތަރި" އަށް -/8,000 (އަންހާސް) ދިވެހި ރުފިޔާއާއި ހަނދާނީ ފިލާ އަދި ސޭޝް.
• މުބާރާތުގެ އޮޑިޝަނުން ހޮވޭ 15 ބައިވެރިންގެ ތެރެއިން މުބާރާތުގެ 1،2، އަދި 3 ވަނައަށް ހޮވޭ ބައިވެރިން ފިޔަވައި ކޮންމެ ބައިވެރިއަކަށްދޭ -/1,500 (ފަނަރަ ސަތޭކަ) ދިވެހި ރުފިޔާއާއި ހަނދާނީ ފިލާ.

ވީމާ، މިމުބާރާތުގައި ބައިވެރިވުމަށް އެދިވަޑައިގަންނަވާ ފަރާތްތަކުން، 2025 ޖަނަވަރީ 09ވާ ބުރާސްފަތި ދުވަހުގެ 12:00 ގެ ކުރިން، މުބާރާތުގައި ބައިވެރިވުމަށްއެދޭ ފޯމް ފުރިހަމަކުރުމަށްފަހު މިއިދާރާއަށް ހުށަހެޅުއްވުން އެދެމެވެ. ފޯމް ދޫކުރުމާއި ބަލައިގަތުން އޮންނާނީ ރަސްމީ ބަންދުނޫން ކޮންމެ ދުވަހެއްގެ ހެނދުނު 08:30 ން 14:00 އަށެވެ. މުބާރާތުގެ ޤާވާޢިދު އަދި ބައިވެރިވުމަށް އެދޭ ފޯމް ދިވެހި ސަރުކާރުގެ ގެޒެޓާއި، މިއިދާރާގެ ވެބްސައިޓާއި، ފޭސްބުކް ޕޭޖާ އަދި މިއިދާރާގެ ކައުންޓަރުން ލިބެން ހުންނާނެއެވެ.

 01 ޑިސެންބަރު 2024