ދިވެހިރާއްޖެ
ގދ.ފަރެސްމާތޮޑާ، މާތޮޑާ އަވަށު ހެރަހަމަގު ބަގީޗާ (ޕާކް) ތެރޭގައިވާ ރުއްގަހުގެ ބޭނުން އަމިއްލަ ފަރާތްތަކުން އަދިވެސް ކުރަމުންދާކަމުގެ ޝަކުވާ މި އިދާރާއަށް ދަނީ ލިބެމުންނެވެ. އަދި މިކަމުގެ ސަބަބުން ޕާކު ބަލަހައްޓާ މުވައްޒަފުންނަށް ދަތި އުނދަގޫތަކާ ކުރިމަތި ވަމުންދާކަންވެސް ވަނީ ފާހަގަ ކުރެވިފައެވެ.
ވީމާ، މިއަދުން ފެށިގެން 7 ދުވަހުގެ ތެރޭގައި، ޕާކުތެރޭގައި އެއްވެސް ފަރާތެއްގެ ރުކެއް، ގަހެއް، ނުވަތަ މުދަލެއް ވާނަމަ، މި އިދާރާއަށް އަންގަވައި ދެއްވުން އެދެމެވެ. އަދި އެބައެއްގެ ތަކެތިކަން މި އިދާރާއަށް ކަށަވަރު ކޮށްދެއްވުންވެސް އެދެމެވެ. މިއަދާހަމައަށް އައިއިރު އެއްވެސް ފަރާތަކުން ރަސްމީކޮށް މި އިދާރާއަށް މިއިން އެއްވެސް ކަމެއް ހުށަހަޅާފައި ނުވާކަންވެސް ފާހަގަ ކުރަމެވެ. އަދި ޕާކު ތެރޭގައިވާ ރުއް ގަހުގެ ބޭނުން މި އިދާރާގެ ހުއްދަނެތި އެއްވެސް ފަރާތަކުން ބޭނުން ނުކުރުމަށްވެސް އެންމެހައި ފަރާތްތަކަށް އިލްތިމާސް ކުރަމެވެ.