އިޢުލާން

މަސްވެރިންގެ ދުވަހާއިގުޅިގެން މަސްރޭހެއް ބޭއްވުމާއިބެހޭ.

          10 ޑިސެމްބަރ 2024 ވަނަ ދުވަހަކީ މަސްވެރިންގެ ދުވަހުގެ ގޮތުގައި ފާހަގަ ކުރަމުންދާ ދުވަހަކަށް ވާތީ، މަސްވެރިކަމުގެ ސިނާޢަތުގައި މަސައްކަތްކުރައްވާ ފަރާތްތަކުން އެ ކުރައްވާ ބުރަ މަސައްކަތުގެ އަގުވަޒަންކޮށް އެފަރާތްތަކަށް ހިތްވަރުދިނުމާއި، މި ސިނާޢަތަށް މިރަށުގެ އިތުރު ޒުވާނުން ހޭލުންތެރިކުރުވައި ރަށުގެ މުޖުތަމަޢުގައި އެކަކު އަނެކަކަށް އޮންނަ ގުޅުން ބަދަހި ކުރުމުގެ މަޤުސަދުގައި މަސްވެރިންގެ ދުވަހާއި ގުޅިގެން "ހެނބަދޫ މަސްރޭސް 2024" ގެ ނަމުގައި މަސްރޭހެއް ބޭއްވުމަށް ވަނީ ހަމަޖެހިފައެވެ. މި މަސްރޭސް ބޭއްވުމަށް ހަމަޖެހިފައިވަނީ 07 ޑިސެމްބަރ 2024 ވާ ހޮނިހިރު ދުވަހުއެވެ.

          ވީމާ، މި މަސްރޭހުގައި ބައިވެރިވާން ބޭނުންވާ ޓީމުތަކުން 05 ޑިސެމްބަރ 2024 ވާ ބުރާސްފަތި ދުވަހުގެ މެންދުރު 14:00 ގެ ކުރިން ނަންނޯޓްކުރެއްވުން އެދެމެވެ. ނަންނޯޓް ކުރައްވާއިރު ޓީމު ލިސްޓާއި، ޓީމުގެ ނަމާއި އަދި މަހަށް ފުރާ އުޅަނދުގެ ނަން ނޯޓުކުރަންވާނެއެވެ. މަސްރޭހުގެ ޤަވާއިދު މިކައުންސިލް އިދާރާގެ ކައުންޓަރުން ލިބެން ހުންނާނެވާހަކަ ދަންނަވަމެވެ. އަދި މި މަސްރޭހާއި ގުޅޭ އިތުރު މަޢުލޫމާތު ސާފުކުރެއްވުމަށް މިކައުންސިލްގެ އެގްޒެކިއުޓިވް އަލްފާޞިލް އަޙްމަދު ރަޝީދު، (ފޯން ނަންބަރ: 7531753) އަށް ގުޅުންވުން އެދެމެވެ. 

            މިހެންވެ މިކަން ޢާއްމުކޮށް އެންގުމަށްޓަކައި އިޢުލާން ކުރީމެވެ.

23 ޖުމާދަލްއޫލާ 1446

25 ނޮވެމްބަރ 2024