ދިވެހިރާއްޖޭގެ އިސްލާމީ ޔުނިވަރސިޓީގެ ޤާނޫނު ނަންބަރ 2015/11 ( ދެވަނަ އިޞްލާޙު 2019/8) ގެ 21 ވަނަ މާއްދާގެ (ޅ) ގައި ބަޔާން ކޮށްފައިވާ އެލުމްނާއިގެ ތެރެއިން ޔުނިވަރސިޓީ މަޖިލިހަށް އިންތިޚާބުކޮށްފައިވާ މެންބަރުގެ ދައުރު 2024 ޑިސެމްބަރު 10 ވަނަ ދުވަހު ހަމަވާތީ، 2024 ނޮވެމްބަރު 26 ވަނަ ދުވަހުން ފެށިގެން އެ މަޤާމަށް ކުރިމަތިލުމުގެ ފުރުޞަތު ހުޅުވާލައިފީމެވެ.
ކައުންސިލް މެންބަރުކަމަށް ކުރިމަތިލުމަށް ބޭނުންވާ އެޕްލިކޭޝަން ފޯމު، ބަންދުނޫން ކޮންމެ ދުވަހެއްގެ 09:00 ން 14:00 އާއި ދެމެދު މިޔުނިވަރސިޓީގެ ރިސެޕްޝަނުން ލިބެންހުންނާނެއެވެ. އަދި އެޕްލިކޭޝަން ފޯމު މި ޔުނިވަރސިޓީގެ ވެބްސައިޓުންވެސް ޑައުންލޯޑު ކުރެވޭނެއެވެ.
ވީމާ، ތިރީގައިވާ ދާއިރާއަށް ކުރިމަތިލުމަށް ބޭނުންވާ ފަރާތްތަކުން 2024 ޑިސެމްބަރު 07 ވަނަ ދުވަހުގެ 13:00ގެ ކުރިން، ފުރިހަމަކޮށްފައިވާ އެޕްލިކޭޝަން ފޯމާއި، ހުށައަޅަންޖެހޭ ލިޔެކިޔުން ތަކާއިއެކު، ދިވެހިރާއްޖޭގެ އިސްލާމީ ޔުނިވަރސިޓީގެ ރިސެޕްޝަނަށް ނުވަތަ އީމެލް އެޑްރެހަށް [email protected] އަށް ފޮނުވުން އެދެމެވެ.
މެންބަރުން އިންތިޚާބުކުރުމަށް ކަނޑައަޅާފައިވާ ދާއިރާ:
1. ޔުނިވަރސިޓީގެ އެލަމްނައިގެ ތެރެއިން އިންތިޚާބުކުރާ މެންބަރު
ޝަރުޠު:
ހ.ދިވެހިރާއްޖޭގެ އިސްލާމީ ޔުނިވަރސިޓީގެ އިންތިޚާބުތަކާބެހޭ ޤަވާޢިދުގެ ކ. ގައި ބާޔާންކުރާ ޝަރުޠު ފުރިހަމަވުން.
ށ. ދިވެހިރާއްޖޭގެ އިސްލާމީ ޔުނިވަރސިޓީގެ ޤާނޫނު ނަންބަރ 2015/11 ( ދެވަނަ އިޞްލާޙު 2019/8) ގެ 21 ވަނަ މާއްދާގެ (ޅ) ގައި ބަޔާންކުރާ ފަދަ މީހަކަށްވުމާއި ހަމަ މިޤާނޫނުގެ 22 ވަނަ މާއްދާގައި ބަޔާންކުރާ ޝަރުޠުތައް ހަމަވުން.