ރަށުގެ ގެތަކާއި، ގޯތިތަކުގެ މަގުތައް ސާފުކުރުމާއިބެހޭ   

      ގއ.ކަނޑުހުޅުދޫ މަގުމަތި ކުނިކެހުމާއި ބެހޭ ގަވާއިދު (2013/R-2049) ގެ 3 ވަނަ މާއްދާގައިވާގޮތުން، "ކޮންމެ ފަރާތަކުންވެސް އެފަރާތަކަށް އެރަށެއްގެ ބިމުން ދޫކޮށްފައިވާ ގޯތީގެ ވަށައިގެންވާ މަގުތަކާއި އެގޯއްޗެއްގެ މަގަށްވާ ސަރަޙައްދުގައި އެގޯއްޗަކާވީ ފަޅީގެ ދެބައިކުޅަ އެއްބައި ކުނިކަހައި ސާފުކޮށް ބެލެހެއްޓުމަކީ، އެގޯތީގެ ވެރިފަރާތުގެ ނުވަތަ އެގޯތީގައި ދިރިއުޅޭ ފަރާތުގެ ޒިންމާއެކެވެ". ނަމަވެސް ގއ. ކަނޑުހުޅުދޫގެ ވަރަށް ގިނަ ގެތަކާއި، ގޯތިތަކު މަގުތައް، ސާފުކޮށް ބަލަހައްޓަމުން ނުދާކަމަށް ވަނީ ފާހަގަ ކުރެވިފައެވެ.  އަދި މިކަމުގެ ސަބަބުން މަގުތަކުގެ ސާފުތާހިރުކަން ގެއްލި، މަގުމަތީގައި ހިނގާ ބިގާވެ އުޅުމަށް ދަތިތަކާ ކުރިމަތިވެއެވެ.

      އެހެންކަމުން ގއ.ކަނޑުހުޅުދޫގައި ދޫކޮށްފައިވާ އެންމެހައި ގޯތިތަކުގެ ވަށައިގެންވާ މަގުތަކާއި އެގޯއްޗަކާވީ ފަޅީގެ ދެބައިކުޅަ އެއްބައި، ކުނިކަހައި ސާފުކޮށް ބެލެހެއްޓުމަށް ގޯތިތަކުގެ ވެރިންނަށާއި، ގޯތިތަކުގައި ދިރިއުޅޭ ފަރާތްތަކަށް އަންގައި އިލްތިމާސްކުރަމެވެ.