ބައުފަޅު ސަރަޙައްދަކީ އާންމުކޮށް ރައްޔިތުން މޫދަށް އެރޭ ސަރަޙައްދަކަށްވާތީ މި ސަރަޙައްދު ސާފުކޮށް ބޭއްވުމަށް ހުރިހާ ރައްޔިތުންގެ އެއްބާރުލުން ބޭނުންވެއެވެ. މިގޮތުން އަތިރިމައްޗަށް ކުނި ނޭޅުމަށާއި އަދި ބަދިގެ ޑަސްބިން ބައުފަޅުތެރެއަށް ނޭޅުމަށް ރައްޔިތުންނަށް ހަނދުމަކޮށްދެމެވެ. މީގެ އިތުރުން މިހިނގާ ނޮވެންބަރު 26 ވަނަ ދުވަހުންފެށިގެން 15 ދުވަހުގެ ނިޔަލަށް ސުކޫލް ދަރިވަރުންނަށް ފަތަން ދަސްކޮށްދިނުމުގެ ސެޝަންތަކެއް އިނގުރައިދޫ ސުކޫލުގެ ފަރާތުން 7:00 ން 17:30 އަށް މިސަރަޙައްދުގައި ކުރިޔަށް ގެންދިޔުމަށް ހަމަޖެހިފައިވާތީވެ، މިކަމަށް ޙާއްސަ ސަމާލުކަމެއް ދެއްވުމަށް އެންމެހާ ލޮބުވެތި ރައްޔިތުންނަށް އިލްތިމާސްކުރަމެވެ.

           މިފަދަ އެންމެހާކަންކަމުގައި އިނގުރައިދޫގެ ލޮބުވެތި ރައްޔިތުންގެ ފަރާތުން ވެދެއްވާ އެހީތެރިކަމާއި އެއްބާރުލެއްވުން ފާހަގަކޮށް ޝުކުރުދަންނަވަމެވެ.

            މިހެންވެ މިކަން އާންމުކޮށް އެންގުމަށްޓަކައި އިޢުލާނު ކުރީމެވެ.