ކޮޅުމަޑުލު އުފުރިޔާ އަދި ކޮޅުފުށި ބަލަހައްޓައިދޭނެ ފަރާތެއް ހޯދަން ބޭނުން ވެއްޖެއެވެ. މި މަސައްކަތުގެ މުއްދަތަކީ 5 އަހަރެވެ. އަގު ހުށައަޅާއިރު އަހަރަކަށް ދައްކަން ކަނޑާއަޅާ އަގު ހުށައެޅުއްވުން އެދެމެވެ.

ޝަރުތު:

 މިރަށްތަކައް އެދި ހުށަހެޅޭނީ މަޑިފުށީގެ ރައްޔިތުންގެ ތެރެއިން 18 އަހަރު ފުރިފައިވާ މަޑިފުށީގައި ރަޖިސްޓްރީގައި އޮތް މީހުންނަށެވެ. އަދި ރަށުގެ، ރަޖިސްޓްރީ ކޮށްފައިވާ ވިޔަފާރިތަކަށާއި ކުންފުނި ތަކަށެވެ.

ބީލަމުގައި ބައިވެރިވުން:

    މި ރަށް ބެލެހެއްޓުމަށް ބީލަން ހުށައެޅުމަށް ރެގިސްޓްރީ ވުމުގެ ސުންގަޑިޔަކީ  26 ނޮވެމްބަރ 2024 ވާ އަންގާރަ ދުވަހުގެ 13:30 ގެ ނިޔަލަށެވެ. ތިރީގައިވާ ރެޖިސްޓްރޭޝަން ލިންކް މެދުވެރިކޮށް ބީލަމިގައި ރެޖިސްޓްރީ ވެވޭނެއެވެ. ބިޑް ހުށައެޅުން އޮންނާނީ 27 ނޮވެމްބަރ 2024 ވާ ބުދަ ދުވަހުގެ 13:00 ގައި މަޑިފުށީ ކައުންސިލް އިދާރާގެ ޖަލްސާ ކުރާ މާލަމުގައެވެ.

ރެޖިސްޓްރޭޝަން ލިންކް :  

އަގު ހުށައެޅުމުގައި އުފުރިޔާ އަދި ކޮޅުފުށި ބަލަހައްޓައިދޭނެ އަގު ވަކިން ހުށައެޅޭނެ އެވެ. އަދި ވަކި ރަށަކަށް (އުފުރިޔާ ނުވަތަ ކޮޅުފުށި) އަގު ހުށައަޅާނަމަ ވަކިން އެރަށަކަށް ވެސް އަގު ހުށައެޅޭނެ ވާހަކަވެސް ދަންނަވަމެވެ. ބިޑް ކާމިޔާބު ކުރާ ފަރާތް ކަނޑައަޅާނީ އެންމެ މަތިން އަގު ހުށައަޅާ ފަރާތައް ބަލައިގެންނެވެ.

ވީމާ، ރައްތަށް ކުއްޔަށް ބަލަހައްޓަން ޝަޢުޤުވެރިވާ ފަރާތްތަކަށް މިއަދުން ފެށިގެން ރެޖިސްޓްރީ ވުމުގެ ފުރުސަތް ވަނީ ހުޅޫވާލެވިފައެވެ. އިތުރު މަޢުލޫމާތު ސާފުކުރެއްވުމަށް ގުޅުއްވާނީ މިއިދާރާގެ ނަމްބަރ 6780034 އަށެވެ. މި އިޢުލާނާއެކު ރައްތަށް ބަލަހައްޓާ ފަރާތާމެދު ވެވޭނެ އެއްބަސްވުމުކެ ނަކަލު ޝާއިރު ކުރެވިފައި ވާނެ އެވެ.