ބުރުނީ އެކި އެކި ސަރަހައްދު ތަކުގައި ކަނޑާފައިހުރި ރުއްގުޅިތަކާއި ރުއްތައް ނީލަންކިޔުން 20 ނޮވެމްބަރ 2024 ވާ ބުދަ ދުވަހު އޮއްނާނެއެވެ.

                 ނީލަން ކިއުމަށް ހަމަޖެހިފައިވަނީ ކޮންމެ ގުޅިބުރިއެއް އަދި ރުކެއް ވަކިންނެވެ. ނީލަން ފެށޭ އަގަކީ ގުޅިބުރިއަކަށް -/1 (އެއް) ރުފިޔާ އަދި ރުކެކަށް -/5 (ފަސް) ރުފިޔާއެވެ. ނީލަން ކިޔަމުންދާއިރު އަގަށް ފަހަރަކު އިތުރު ކުރެވޭނީ މަދުވެގެން -/5 (ފަސް) ރުފިޔާއެވެ.

                 ނީލަން ކާމިޔާބު ކުރާތާ 2 ދުވަސް ތެރޭގައި ކައުންސިލް އިދާރާއަށް ފައިސާ ދެއްކުމަށް ފަހު އެތަކެތި 3 ދުވަސް ތެރޭގައި ނީލަންކީ ސަރަހައްދުން ނަގަންވާނެއެވެ. އަދި އެންމެ މަތީ ނީލަން ހުށަހެޅި ފަރާތުން ނީލަމަށް ވާ ފައިސާ، މުއްދަތަށް ނުދައްކައިފިނަމަ، ދެން އެންމެ ބޮޑު އަގު ހުށަހެޅި ފަރާތަކަށް ފައިސާ ދައްކާ މުދާ ގެންދިއުމުގެ ފުރުޞަތު ދެވޭނެއެވެ.

                  ވީމާ، މި ނީލަމުގައި ބައިވެރިވެވަޑައިގަތުމަށް ޝައުގުވެރިވެލައްވާ ފަރާތްތަކުން 20 ނޮވެމްބަރ 2024 ވާ ބުދަ ދުވަހުގެ 13:00 އަށް ބުރުނީ ސިއްކަތަކުރުފާން މައިޒާންއަށް ވަޑައިގެން  ދެއްވުން އެދެމެވެ.

                  މިހެންވެ މިކަން އާންމުކޮށް އެންގުމަށްޓަކައި އިޢުލާނު ކުރީމެވެ.