ކޮންމެ އަހަރެއްގެ އެއްބައިވަންތަކަމުގެ ދުވަހު މިކައުންސިލުން ޢާއްމުކޮށް ބާއްވަމުން އަންނަ ހަފްލާ ގައި މިދިޔަ އަހަރުވަނީ ކަނދޮޅުދޫ އަދި ދުވާފަރަށް އެކި ރޮނގު ރޮނގުން ޚިދުމަތް ކުރައްވާފައިވާ ފަރާތްތަކަށާއި މިހާރުވެސް ޚިދުމަތުގައި ދެމި ތިއްބެވި ބައެއް ފަރާތްތަކަށާއި ރީތި ނަން ރަށަށް ހޯއްދެއްވާފައިވާ ފަރާތްތަކަށް ކަނދޮޅު އެވޯޑްގެ ނަމުގައިވަނީ އެވޯޑަށް ދީފައެވެ.

މިއަހަރުގެ އެއްބައިވަންތަކަމުގެ ދުވަހު ކަނދޮޅު އެވޯޑްގެ އިތުރަށް، ސާނަވީ އަދި މަތީ ސާނަވީ އިމްތިޙާނުން ޤައުމީ ގަދަ 10 ގައި ހިމެނިފައިވާ ކަނދޮޅުދޫ އަދި ދުވާފަރުގެ ދަރިވަރުންނަށް " އެދުރު ޢަބްދުލްއަޒީޒް އެވޯޑް " ގެ ނަމުގައި އެވޯޑެއް ދިނުމަށްވަނީ ޤަޞްދުކުރެވިފައެވެ. މިއެވޯޑް ދިނުމުގެ މަޤްޞަދަކީ މިރަށުގެ ދަރިވަރުންގެ ހިތްތަކުގައި ތަޢުލީމީ ރޫޙް އާލާކޮށް ދިރުވުމާއި އެކު އުނގެނުމަށް ހިތްވަރު ދިނުމެވެ. މި އެވޯޑަށް ކުރިމަތިލެވޭނީ ކަނދޮޅުދޫ އަދި ދުވާފަރުގައި ރަށްވެހިވެފައިވާ ފަރާތްތަކަށް އެކަންޏެވެ.

އެދުރު ޢަބްދުލްއަޒީޒް އެވޯޑަށް ކުރިމަތި ލައްވަން ބޭނުންވެލައްވާ ފަރާތްތަކުން މިހިނގާ ނޮވެމްބަރ މަހުގެ 20 ވާ ބުދަ ދުވަހުގެ 14:00 ގެ ކުރިން މިއިދާރާއަށް ފޯމް ހުށަހަޅުއްވުން އެދެމެވެ. އަމިއްލައަށް ނުވަތަ އެހެން ފަރާތެއް މެދުވެރިކޮށްވެސް ހުށަހެޅިދާނެއެވެ. މިއިދާރާގެ ކައުންޓަރުން ފޯމް ލިބެންހުންނާނެއެވެ.

ހުށަހަޅަންޖެހޭ ތަކެތި :

• އެވޯޑަށް އެދި ހުށަހަޅާ ފޯމް
• ޤައުމީ ގަދަ 10 ގައި ހިމެނިފައިވާކަން އަންގައިދޭ ލިޔުން
• ދ.ރ.އ ކާޑުގެ ދެފުށުގެ ސާފުގެ ކޮޕީ
• އެވޯޑަށް ކުރިމަތިލައްވާ ފަރާތުގެ ޕްރޮފައިލް

ވީމާ، މިކަން އާއްމުކޮށް އަންގާ ޢިއުލާން ކުރީމެވެ.