އިޢުލާން

މިކައުންސިލް އިން 2024 ނޮވެމްބަރ 28 އިން 30 އަށް ދިޔުމަށް ހަމަޖެހިފައިވާ ތަޖުރިބާ ދަތުރުގައި އާންމު ރައްޔިތުންގެ ތެރެއިން 2 ފަރާތެއް މިއަހަރު މި ދަތުރުގައި ބައިވެރިކުރުމަށް ވަނީ ނިންމާފައެވެ. މި ތަޖުރިބާ ދަތުރުގެ މައިގަނޑު ބޭނުމަކީ ރަށުގައި ލޯކަލް ޓުއަރިޒަމް ތައާރަފް ވެގެން ދިޔުން ކަމުން، މިކަންކަން ފަށައިފައިވާ ރަށްތަކުން އެކަން ކުރަމުންދާ ގޮތް ބަލައި މައުލޫމާތު ހޯދުންކަމުން ކައުންސިލުން ބޮޑަށް އިސްކަންދޭނީ ޓުއަރިޒަމް ދާއިރާއަށް ޝައުގުވެރިކަން ހުރި 2 ފަރާތަކަށް މި ފުރުޞަތު ދޭން ކަމުގައި ދަންނަވަމެވެ.

ވީމާ، މި ދަތުރުގައި ބައިވެރިވުމަށް ޝައުގުވެރިވެލައްވާ ފަރާތްތަކުން 2024 ނޮވެމްބަރ 21 ވާ ބުރާސްފަތި ދުވަހުގެ މެންދުރުފަހު 13:00ގެ ކުރިން ރަސްމީގަޑީގައި 6580049 ގުޅައި ނަންނޯޓު ކުރުން އެދެމެވެ. ނަންނޯޓު ކުރާ ފަރާތްތަކުގެ ތެރެއިން މި ދަތުރުގައި ބައިވެރިކުރާނެ 2 ފަރާތެއް ކަނޑައަޅާނީ ކައުންސިލުންނެވެ. އަދި މި ދަތުރުގެ ހުރިހާ ހަރަދެއް ހަމަޖައްސާނީ ކައުންސިލުގެ ފަރާތުން ކަމުގައި ދަންނަވަމެވެ. މިކަމާއި ގުޅޭގޮތުން އިތުރު މަޢުލޫމާތު ސާފުކުރެއްވުމަށް ކައުންސިލްގެ ރައީސް - މުޙައްމަދު އާޞިފް 9944231 އަށް ގުޅުއްވައިގެން މަޢުލޫމާތު ސާފުކުރެއްވުން އެދެމެވެ.