އެޑިޔުކޭޝަން މެލޭޝިއާ ގްލޯބަލް ސާރވިސް (އީ އެމް ޖީ އެސް) ގެ

ޑިސްކައުންޓް ލިބޭ ޕްރޮގަރާމުތައް 2024 - 2025

މަތީ ތަޢުލީމާއި ތަމްރީނުގެ ފުރުސަތު ދިވެހި ދަރިވަރުންނަށް ފަހިކޮށްދިނުމުގެ ގޮތުން، އެޑިޔުކޭޝަން މެލޭޝިއާ ގްލޯބަލް ސާރވިސަސް އާއި މަތީ ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާބެހޭ ވުޒާރާއާ ދެމެދު 2024 ސެޕްޓެންބަރު 10 ގައި އެމް. އޯ. ޔޫ.އެއްގައި ވަނީ ސޮއިކޮށްފައެވެ. މެލޭޝިއާގެ ގިނަ ޔުނިވަރސިޓީތަކަކުން ހިންގާ، ވަރަށް ގިނަ ޕްރޮގްރާމްތަކެއް ކޯސްފީ އިން އެކިއެކި އިންސައްތައިގެ ޑިސްކައުންޓް ދިވެހި ދަރިވަރުންނަށް ލިބޭނެ ފުރުޞަތު، މި އެމް. އޯ. ޔޫ. ގެ ދަށުން، ވަނީ ހަމަޖެހިފައެވެ. މި ގޮތުން ކޯސްފީގެ ޑިސްކައުންޓް ހޯދުމަށް މިނިސްޓްރީން ދޫކުރާ އެންޑޯޒްމަންޓް ލެޓަރ އެއް ބޭނުންވެއެވެ. އެހެންކަމުން، އެކަމަށް އެދި މި މިނިސްޓްރީއަށް ހުށަހެޅުމުގެ ފުރުޞަތު ހުޅުވާލަމެވެ.

ތަޢާރަފް

ޤައުމު: މެލޭޝިޔާ

ފުރުސަތު: 556

- ފައުންޑޭޝަން

- ޑިޕްލޮމާ/އެޑްވާންސް ޑިޕްލޮމާ

- ބެޗްލަރސް ޑިގްރީ

- މާސްޓަރސް ޑިގްރީ

- ޑޮކްޓޯރަލް ޑިގްރީ (ޕީ.އެޗް.ޑީ ނުވަތަ ޑީ.އެލް.އޭ)

ޑިސްކައުންޓް ލިބޭނެ ޕްރޮގްރާމްތަކުގެ ލެވެލް

މި އިޢުލާނާ ގުޅިގެން ޑިސްކައުންޓް ލިބުމަށް އެދި ހުށަހެޅޭނެ ޕްރޮގްރާމްތަކާއި އެ ޕްރޮގްރާމްތައް ހިންގާ ކޮލެޖް / ޔުނިވަސިޓީތަކުގެ ލިސްޓް މި އިޢުލާނާއި އެއްކޮށް ހިއްސާކޮށްފައިވާ ލިންކް އަދި މިނިސްޓްރީގެ ވެބްސައިޓުން ލިބޭނެއެވެ.

ޑިސްކައުންޓް ދޭނެ ކޮލެޖް/ ޔުނިވަރސިޓީ އަދި ދާއިރާ:

ތިރީގައި މިވާ 3 ޙާލަތުގެތެރެއިން ޙާލަތެއްގައިވާ ފަރާތްތައް ފިޔަވައި އެހެން ކޮންމެ ދިވެއްސަކުވެސް މި ޑިސްކައުންޓަށް އެދުމަށް ޝަރުޠުހަމަވާނެއެވެ.

1- ޑިސްކައުންޓް ލިބިގެން ފުރިހަމަކުރުމަށް އެދޭ ޕްރޮގްރާމާ އެއް ފެންވަރެއްގެ ނުވަތަ އެއަށްވުރެން މަތީ ފެންވަރެއްގެ ޕްރޮގްރާމެއް، ފުރިހަމަކޮށްފައިވުން ނުވަތަ ފުރިހަމަ ކުރަމުން ދިޔުން؛

2- މި މިނިސްޓްރީ ނުވަތަ ޑިޕާޓްމަންޓް އޮފް ހަޔަރ އެޑިޔުކޭޝަން މެދުވެރިވެގެން މަތީ ތައުލީމް ހާސިލްކުރުމަށް މާލީ އެހީ ލިބިފައިވާ ފަރާތެއްނަމަ އަބުރާ ދައްކަން ޖެހިފައިވާ ފައިސާ ޑީފޯލްޓެއްވެފައިވުން.  

3- މި މިނިސްޓްރީ ނުވަތަ ޑިޕާޓްމަންޓް އޮފް ހަޔަރ އެޑިޔުކޭޝަން މެދުވެރިވެގެން ލިބެން ހަމަޖެހުނު ލޯނެއްގެ ފައިސާ ލިބެމުން ދިޔުން ނުވަތަ ސޮއިކޮށްފައިވާ ލޯނު އެއްބަސްވުމުގައި ފައިސާ ދޫކުރުމަށް ކަނޑައެޅިފައިވާ ތާވަލްގެ މުއްދަތުގެ ތެރޭގައި ވުން.

ޑިސްކައުންޓް ލިބުމަށް ޝަރުތުހަމަވާނެ ފަރާތްތައް:

އެންޑޯޒްމަންޓް ލެޓަރ ހޯދަން ހުށަހަޅަންޖެހޭ ތަކެތި:

1- ލިބިފައިވާ އެންމެ މަތީ ތަޢުލީމީ ސެޓުފިކެޓުގެ ކޮޕީ.

2- މުއްދަތު ހަމަނުވާ ޕާސްޕޯޓް ޑޭޓާ ޕޭޖްގެ ކޮޕީ. 

3- މި ޑިސްކައުންޓް ބޭނުންކޮށްގެން ކިޔަވަން އެދޭ ޕްރޮގްރާމަށް ވަނުމަށް ޔުނިވަރސިޓީން ދޫކޮށްފައިވާ ޕްލޭސްމަންޓް ލެޓަރ.

4- ޑިސްކައުންޓް ލިބިގެން ކިޔަވާ ޕްރޮގްރާމް ފުރިހަމަކޮށްގެން ލިބޭ ސަނަދު، މޯލްޑިވްސް ކޮލިފިކޭޝަންސް އޮތޯރިޓީ ވެލިޑޭޓްކުރާނެކަން ދޭހަކުރުމަށް އެ އޮތޯރިޓިން ދޫކުރާ، ރިކޮގްނިޝަން އޮފް އިންޓެންޑެޑް ޕްރޮގްރާމްސް ލެޓަރ.

5- މި މިނިސްޓްރީން ލޯން ދިނުމަށް ހޮވިފައި، ލޯނު އެއްބަސްވުމުގައި ސޮއިކޮށްފައި ނުވާ ދަރިވަރަކު ޑިސްކައުންޓަށް އެދޭ ނަމަ، އެ ދަރިވަރަކަށް މިނިސްޓްރީން ދޫކޮށްފައިވާ  ސްޕޮންސަރ ލެޓަރ.

6- މި މިނިސްޓްރީ ނުވަތަ ޑިޕާޓްމަންޓް އޮފް ހަޔަރ އެޑިޔުކޭޝަން މެދުވެރިވެގެން ލޯނު ނަގާފައިވާ ދަރިވަރަކު މި ޑިސްކައުންޓަށް އެދި ހުށަހަޅާނަމަ، ކުރިން ނެގި ލޯނުގެ ޑީފޯލްޓެއް ނޯންނާނެކަމާއި، ޑިސްކައުންޓް ލިބިގެން ކިޔަވާ މުއްދަތުގައި ވެސް އެ ލޯނު ދައްކަމުން ގެންދާނެކަން ބަޔާންކޮށް ހުށަހަޅާ ދަރިވަރުގެ ލިޔުމެއް.

ހުށަހަޅަންޖެހޭ ތަކެތި:

-   އެންޑޯޒްމަންޓް ލެޓަރއަށް އެދި ކޮންމެ ކެންޑިޑޭޓަކުވެސް  ހުށަހަޅާނީ އެންމެ އެޕްލިކޭޝަނެކެވެ.

-   އެންޑޯޒްމަންޓް ލެޓަރ ދޫކުރާނީ،  އެކަމަށް އެދި އެޕްލިކޭޝަން ހުށަހަޅާ ދަރިވަރުންގެ ތެރެއިން، ފުރިހަމަ އެޕްލިކޭޝަން ހުށަހެޅި ތަރުތީބުން، ކޮންމެ ޔުނިވަރސިޓީއަކުން ލިބިފައިވާ ޖާގަތައް ހުސްވަންދެނެވެ.

-   ކޮންމެ ކެންޑިޑޭޓަކު ހުށަހަޅާނީ ފުލްޓައިމް އެއް ކޯހަކަށް އެއް އެޕްލިކޭޝަންއެކެވެ.

-   ޕްރޮފެޝަނަލް ނުވަތަ ލައިސެންސިންގ ބޮޑީއަކުން ހުއްދަ ދޭ ޕްރޮގްރާމެއް ނަމަ، އެ ޕްރޮގްރާމް ހިންގާ ކޮލެޖް/ ޔުނިވަރސިޓީއާއި ޕްރޮގްރާމް ރާއްޖޭގެ ކަމާބެހޭ ޕްރޮފެޝަނަލް ނުވަތަ ލައިސެންސިންގ ބޮޑީ އަކުން ޤަބޫލުކުރާ އަދި އެކަޑަމިކް ރިކުއަރމަންޓް ގަބޫލުކުރާ ޕްރޮގްރާމްއަކަށްވުން. ޕްރޮފެޝަނަލް ނުވަތަ ލައިސެންސިންގ ބޮޑީ ތަކަކީ މޯލްޑިވްސް އެލައިޑް ހެލްތް ކައުންސިލްއާއި މޯލްޑިވްސް ނަރސިންގ އެންޑް މިޑްވައިފްރީ ކައުންސިލާއި މޯލްޑިވްސް މެޑިކަލް އެންޑް ޑެންޓަލް ކައުންސިލާއި ސިވިލް އޭވިއޭޝަން އޮތޯރިޓީ ފަދަ ވަކި ދާއިރާއަކުން ޕްރެކްޓިސްކުރުމުގެ ހުއްދަދޫކުރުމަށް ހަމަޖެހިފައި ހުންނަ ރާއްޖޭގެ ތަންތަނުންނެވެ.

*މި ޑިސްކައުންޓް ލިބިގެން ކިޔެވެންހުރި ޕްރޮގްރާމުތަކާއި އެ ޕްރޮގްރާމުތައް ހިންގާ ކޮލެޖް / ޔުނިވަސިޓީތަކާއި އަދަދުގެ ލިސްޓް އަދި ޕްރޮގްރާމްގެ ކޯޑް ތިރީގައިވާ ލިންކްއިން ލިބޭނެއެވެ.
  https://hems.gov.mv/scholarships/ ލިންކް:

*މި ޑިސްކައުންޓް ލިބުމާގުޅޭ އިތުރު މަޢުލޫމާތު މި އިޢުލާނާއެކު އެޓޭޗްކޮށްފައިވާ "އެނެކްސް 1" އިން ލިބޭނެއެވެ.

އިތުރު މަޢުލޫމާތު:

އެޕްލިކޭޝަން ހުށަހަޅާނީ https://myedu.egov.mv ޕޯޓަލް މެދުވެރިކޮށެވެ. އެ ޕޯޓަލްގައި، އެޕްލިކޭޝަންފުރާއިރު، ޑިސްކައުންޓް ލިބުމަށް އެދޭ ޕްރޮގްރާމުގެ ނަމާއެކު،  އެ ޕްރޮގްރާމަށް މި މިނިސްޓްރީން ދީފައިވާ ޕްރޮގްރާމް ކޯޑް ލިޔުމަށްވެސް ސަމާލުކަން ދިނުން އެދެމެވެ.

އިތުރު މަޢުލޫމާތު މި މިނިސްޓްރީގެ ވެބްސައިޓް  http://www.mohe.gov.mvއިންނާއި އަދި 1474 ނަންބަރު ފޯނުން ލިބޭނެއެވެ. އަދި އިތުރު މަޢުލޫމާތު ސާފުކުރެއްވުމަށް އީމެއިލް ކުރާނީ  [email protected]އަށެވެ.