މަޤާމް:

ސައުތުއަރި މެރިންޕާކު ސަރަހައްދު ރައްކާތެރިކޮށް ބެލެހެއްޓުމާއި ބެހޭ އެޑްވައިސަރީ ކޮމިޓީގެ މެންބަރު

މެންބަރުން ބޭނުންވާ ޢަދަދު:

ފަހެއް (05)

1. ރިސޯޓްތަކުގެ ރެޕްރެސެންޓޭޓިވް 1 (އެކެއް)
2. ގެސްޓް ހައުސް ނުވަތަ ޑައިވް ސެންޓަރތަކުގެ ރެޕްރެސެންޓޭޓިވް 1 (އެކެއް)
3. މި ސަރަހައްދުގައި ހަރަކާތްތެރިވާ އެން.ޖީ.އޯ އަކުން ފަރާތެއް -1 (އެކެއް)
4. މަސްވެރިކަމުގެ ދާއިރާގެ ރެޕްރެސެންޓޭޓިވް 1 (އެކެއް)
5. ލިވްއެބޯޑް ދާއިރާގެ ރެޕްރެސެންޓޭޓިވް 1 (އެކެއް)

އަސާސީ ޝަރުތުތައް:

1)      ރިސޯޓް ތަމްސީލުކުރާ ފަރާތްތަކުން، ތިރީގައިވާ ޝަރުތުތައް ފުރިހަމަ ވާންވާނެއެވެ.

• ތަމްސީލްކުރާ ވިޔަފާރި އަކީ މިނިސްޓްރީ އޮފް އިކްނޮމިކް ޑިވަލޮޕްމަންޓް ގައި ރަޖިސްޓްރީ ކޮށްފައިވާ ވިޔަފާރިއެއްކަމުގައިވުން
• ތަމްސީލްކުރާ ވިޔަފާރި އަކީ އަރިއަތޮޅު ދެކުނުބުރީގައި ޤާއިމްވެފައިވާ ވިޔަފާރިއެއްކަމުގައިވުން
• ކުރިމަތިލާ މެންބަރަކީ ތަމްސީލް ކުރާ ދާއިރާގެ އެންމެހާ ފަރާތްތައް ތަމްސީލު ކުރާގޮތަށް، އެފަރާތްތަކާއިއެކު މަޝްވަރާކޮށްގެން ކޮމިޓީއަށް ޚިޔާލު ހުށަހަޅާ ފަރާތެއްކަމުގައިވުން

2)      ގެސްޓް ހައުސް ނުވަތަ ޑައިވް ސެންޓަރ ތަމްސީލުކުރާ ފަރާތްތަކުން، ތިރީގައިވާ ޝަރުތުތައް ފުރިހަމަ ވާންވާނެއެވެ.

• ތަމްސީލްކުރާ ވިޔަފާރި އަކީ މިނިސްޓްރީ އޮފް އިކްނޮމިކް ޑިވަލޮޕްމަންޓް ގައި ރަޖިސްޓްރީ ކޮށްފައިވާ ވިޔަފާރިއެއްކަމުގައިވުން
• ތަމްސީލްކުރާ ވިޔަފާރި އަކީ އަރިއަތޮޅު ދެކުނުބުރީގައި ޤާއިމްވެފައިވާ ވިޔަފާރިއެއްކަމުގައިވުން
• ކުރިމަތިލާ މެންބަރަކީ ތަމްސީލް ކުރާ ދާއިރާގެ އެންމެހާ ފަރާތްތައް ތަމްސީލު ކުރާގޮތަށް، އެފަރާތްތަކާއިއެކު މަޝްވަރާކޮށްގެން ކޮމިޓީއަށް ޚިޔާލު ހުށަހަޅާ ފަރާތެއްކަމުގައިވުން

3)      މި ސަރަހައްދުގައި ހަރަކާތްތެރިވާ އެން.ޖީ.އޯ ރެޕްރެސެންޓޭޓިވް ތިރީގައިވާ ޝަރުތުތައް ފުރިހަމަ ކުރަން ވާނެއެވެ.

• ކުރިމަތިލާ މެންބަރަކީ ތަމްސީލް ކުރާ ދާއިރާގެ އެންމެހާ ފަރާތްތައް ތަމްސީލު ކުރާގޮތަށް، އެފަރާތްތަކާއިއެކު މަޝްވަރާކޮށްގެން ކޮމިޓީއަށް ޚިޔާލު ހުށަހަޅާ ފަރާތެއްކަމުގައިވުން

4)      މަސްވެރިކަމުގެ ދާއިރާގެ ގޮނޑިއަށް ކުރިމަތިލާ މެންބަރަކީ މަސްވެރިކަމުގެ ދާއިރާއިން މަސައްކަތް ކުރާ މީހަކަށްވުން ނުވަތަ މަސްވެރިކަމުގެ ދާއިރާއިން މަސައްކައްކުރާ ޖަމިއްޔާ/ޖަމާއަތެއްގެ މެންބަރަކަށްވުން.

5)      ލިވްއެބޯޑް ދާއިރާގެ ގޮނޑިއަކަށް ކުރިމަތިލާ މެންބަރަކީ ލިވްއެބޯޑެއްގައި މަސައްކަތް ކުރާ މީހަކަށްވުން.

ކޮމިޓީގެ މަސްއޫލިއްޔަތުތައް:

(1)   ހިމާޔަތްކޮށްފައިވާ ސައުތުއަރި މެރިންޕާކު ސަރަހައްދު ބެލެހެއްޓުމާއި ބެހޭ ކަންކަމުގައި ލަފާދިނުން

(2)  ސައުތުއަރި މެރިންޕާކު ސަރަހައްދު ބެލެހެއްޓުމުގައި ދިމާވާ މައްސަލަތައް ޙައްލުކުރުމަށް ލަފާދިނުން

(3)  ސައުތުއަރި މެރިންޕާކު ސަރަހައްދުގައި ބާއްވާ ޚާއްޞަ އިވެންޓްތަކުގެ ކަންކަމުގައި ލަފާދިނުން

(4)  ސައުތުއަރި މެރިންޕާކު ސަރަހައްދު ބޭނުންކުރާ ފަރާތްތަކުން ފީއެއް ނަގާނަމަ އެކަމަށް ލަފާ ދިނުން

އުޖޫރަ:

މި މަސައްކަތަކީ އުޖޫރައެއް ކަނޑައެޅިފައިވާ މަސައްކަތެއް ނޫނެވެ.

މަޤާމަށް ކުރިމަތިލާ ފަރާތްތަކުން ހުށަހަޅަންޖެހޭ ތަކެތި:

1. ސައުތުއަރި މެރިންޕާކު ރައްކާތެރިކޮށް ބެލެހެއްޓުމާއި ބެހޭ އެޑްވައިސަރީ ކޮމިޓީގެ މެންބަރުކަމަށް އެދި ހުށަހަޅާ ސިޓީ؛
2. މެންބަރުކަމަށް ކުރިމަތިލައްވާ ފަރާތުގެ ވަނަވަރު؛
3. މެންބަރުކަމަށް ކުރިމަތިލައްވާ ފަރާތުގެ މުއްދަތު ހަމަނުވާ އައިޑީ ކާޑުގެ ކޮޕީ؛
4. މެންބަރުކަމަށް ކުރިމަތިލައްވާ ފަރާތުގެ ތައުލީމީ ސެޓްފިކެޓް؛
5. މެންބަރުކަމަށް ކުރިމަތިލައްވާ ފަރާތުގެ ތަޖުރިބާގެ ލިއެކިޔުން؛
6. މެންބަރުކަމަށް ކުރިމަތިލައްވާ ފަރާތް ނިސްބަތްވާ ޖަމިއްޔާ/ ޖަމާއަތް/ ވިޔަފާރީގެ ރަޖިސްޓަރީ؛
7. މެންބަރުކަމަށް ކުރިމަތިލައްވާ ފަރާތް ނިސްބަތްވާ ޖަމިއްޔާ/ ޖަމާއަތް/ވިޔަފާރީގެ ޕޯޓްފޯލިއޯ؛
8. މެންބަރުކަމަށް ކުރިމަތިލައްވާ ފަރާތް ނިސްބަތްވާ ޖަމިއްޔާ/ ޖަމާއަތުން/ ވިޔަފާރީން ހިންގާފައިވާ ޕްރޮޖެކްޓްތަކުގެ ތަފްސީލު.

މެންބަރުން ހޮވުމުގެ އިވެލުއޭޝަން ކްރައިޓީރިއާ

އެކަކަށް ވުރެގިނަ ފަރާތުން އެއް ދާއިރާއަކަށް ކުރިމަތިލައިފިނަމަ، މެންބަރުން ހޮވޭނީ ކުރިމަތިލާ ފަރާތްތްކުގެ ތަޢުލީމާއި ތަޖުރިބާއަށް ބެލުމަށް ފަހުގައެވެ.

1. ތަޢުލީމީ ފެންވަރު: އޯލެވެލް އަށް 10 މާކްސް، އޭލެވެލް/ޑިޕްލޯމާ 20 މާކްސް އަދި ޑިގްރީ  30 މާކްސް. (މާކުސް ދެވޭނީ އެންމެ މަތީ ތައުލީމީ ފެންވަރަށެވެ)
2. ތަޖުރިބާ: ކުރިމަތިލާ ފަރާތުން، ކުރިމަތިލާ ދާއިރާއާއި ގުޅޭ ގޮތުން އަމިއްލައަށް މަސައްކަތް ކޮށްފައިވާ ކޮންމެ އަހަރަކަށް 1 މާކުސް، ގިނަވެގެން 20 މާކުސް.
3. ހުށައަޅާ ޖަމިއްޔާއިން/ ވިޔަފާރީން ހިންގާފައިވާ ދާއިރާއާއި ގުޅުން ހުރި ކޮންމެ ޕްރޮޖެކްޓަކަށް 10 މާކުސް، ގިނަވެގެން 20 މާކުސް.

ހުށަހަޅަންޖެހޭ ގޮތާއި ސުންގަޑި:

މަޤާމަށް އެދި ހުށަހަޅަންޖެހޭ ތަކެތި ހުށަހަޅާނީ  21 ނޮވެމްބަރ 2024 ވާ ބުރާސްފަތި ދުވަހުގެ  14:00ގެ ކުރިން، މިނިސްޓްރީ އޮފް ކްލައިމެޓް ޗޭންޖް، އެންވަޔަރަންމަންޓް، އެންޑް އެނަރޖީ އަށެވެ. ލިޔުންތައް [email protected] އީ-މެއިލް މެދުވެރިކޮށް ވެސް ބަލައިގަނެވޭނެއެވެ.