ބިދޭސީ މަސައްކަތްތެރިންގެ މަޢުލޫމާތު އަދާ ހަމަކުރުމަށް

މިނިސްޓްރީ އޮފް ހޯމްލޭންޑް ސެކިއުރިޓީ އެންޑް ޓެކްނޮލޮޖީގެ ޑިޕަރޓްމަން އޮފް ފޮރިން ލޭބާއިން ދިވެހި ރާއްޖޭގައި ދިރިއުޅޭ ހުރިހާ ބިދޭސީ މަސައްކަތްތެރިންގެ ބައޯމެޓްރިކްސް ހޯދުމަށް ކުރިޔަށް ގެންދާ "އޮޕަރޭޝަން ކުރަނގި ފޭސް 2"  ޕްރޮގްރާމްގައި މިރަށުގައި ދިރިއުޅޭ ހުރިހާ ބިދޭސީންގެ މަޢުލޫމާތު "ނާރެސް" ޕޯޓަލްގައި އަދާހަމަ ކުރުމަށް ބޭނުންވެއެވެ.

އެހެންކަމުން، 10 ނޮވެމްބަރ 2024 އިން ފެށިގެން 15 ޑިސެމްބަރ 2024 ވަނަ ދުވަހާއި ހަމައަށް ރަސްމީ ކޮންމެ ދުވަހެއްގެ ހެނދުނު 10:00 އާއި 12:00 އާއި ދެމެދު މިރަށުގައި ދިރިއުޅޭ ބިދޭސީންގެ މަޢުލޫމާތު ނެގުމުގެ މަސައްކަތް މި އިދަރާއިން ކުރުމަށް ވަނީ ހަމަޖެހިފައެވެ. ބިދޭސީންގެ މަޢުލޫމާތު ޙިއްސާކުރެއްވުމަށް ބިދޭސީން ފޮނުވުމަކީ އެބިދޭސީއަކާ ހަވާލުވެ ހުންނެވި ފަރާތެއްގެ ޒިންމާއެކެވެ.

މަތީގައިވާ މުއްދަތުގައި މަޢުލޫމާތު ހުށަނާޅާ ފަރާތްތަކާއި ޤަވާއިދާއި ޙިލާފަށް އުޅޭ ފަރާތްތަކުގެ މަޢުލޫމާތު ކަމާބެމޭ މުވައްސަސާތަކަށް ހުށަހަޅައި، އެފަރާތާއިމެދު ޤަވާއިދުން ފިޔަވަޅު އެޅޭނެ ވާހަކަ މަޢުލޫމާތަށްޓަކައި ދެންނެވީމެވެ.

ވީމާ، މިކަމުގައި ބިދޭސީން ގެންގުޅުއްވާ ފަރާތްތަކުގެ އެހީތެރިކަމާއި އެއްބާރުލުން ދެއްވުން އެދި ދެންނެވީމެވެ.

                  07     ނޮވެމްބަރ     2024