އެކްސްޕްރެޝަން އޮފް އިންޓަރެސްޓް ހުށަހެޅުމުގެ ދަޢުވަތު –ޤާނޫނީ ޚިދުމަތް ހޯދުން

ދެފަރާތުގެ ދެމެދުގައި އެއްބަސްވުމުގައި ސޮއިކުރެވޭ ތާރީޚުން ފެށިގެން 5 އަހަރުގެ މުއްދަތަށް ޤާނޫނީ ޚިދުމަތް ފޯރުކޮށްދިނުން

ހުވަދުއަތޮޅު ދެކުނުބުރީ ފަރެސްމާތޮޑާ  ކައުންސިލުން، އެކައުންސިލަށް ޤާނޫނީ ޚިދުމަތް ފޯރުކޮށް ދިނުންއެދި، ކަމާއިގުޅޭގޮތުން ދިވެހިރާއްޖޭގައި ޢަމަލުކުރަމުންދާ ޤާނޫނުތަކާއި އެއްގޮތަށް ރަޖިސްޓަރީ ކުރެވިގެން ހިންގާ އަދި ޤާބިލް ޤާނޫނީ ޚިދުމަތް ފޯރުކޮށްދޭ ކުންފުނިތަކަށް، އެކްސްޕްރެޝަން އޮފް އިންޓަރެސްޓް ހުށަހެޅުމުގެ ދަޢުވަތު  އަރުވަމެވެ. ޤާނޫނު ނަންބަރު:2010/7 (ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުމުގެ ޤާނޫނު) ގެ ދަށުން އުފައްދާފައިވާ ހުވަދުއަތޮޅު ދެކުނުބުރީ ފަރެސްމާތޮޑާ  ކައުންސިލުން ދަނީ އެ ކައުންސިލުގެ "ލީގަލް ޕްރެކްޓިޝަނަރ" އެއްގެ ގޮތުގައި ފަރާތެއް ޢައްޔަންކުރުމުގެ މަސައްކަތްކުރަމުންނެވެ. މިގޮތުން ޢައްޔަންކުރެވޭ ޤާނޫނީ ލަފާދޭ ކުންފުނިން/ފަރާތުން، 5 އަހަރުގެ މުއްދަތަށް ޤާނޫނީ ޚިދުމަތް މި ކައުންސިލަށް ފޯރުކޮށްދޭންވާނެއެވެ.

މަޤްޞަދު

މި ޕްރޮކިއުމަންޓްގެ މައިގަނޑު އަދި ޖުމުލަ މަޤްޞަދަކީ ތިރީގައި ބަޔާންކުރެވިފައިވާ އަދި އެނޫންވެސް ކައުންސިލުން އެދޭ ކަންކަމުގައި  ޤާނުނީ ޚިދުމަތް ފޯރުކޮށްދޭނުމަށް އެކަށޭނަ ފަރާތެއް ޢައްޔަންކުރުމެވެ.

1. ކައުންސިލުގެ ޤާނޫނީ މެންޑޭޓާއި، އިދާރީ ޤާނޫނުތަކާއި ގަވާއިދުތަކާއި، އަދި ކައުންސިލުގެ ހިންގުމާއި ގުޅޭ ޤާނޫނީ ލިޔެކިޔުންތަކާއި އަދި ކޮންޓްރެކްޓްތައް ޑްރާފްޓްކުރުމާއި، ރިވިއުކުރުމާއި، ސައްޙަކަން ކަނޑައެޅުމުގެ ޤާނުނީ ލަފާ ފޯރުކޮށްދިނުން.
2. ޤާނޫނާއި ޤަވާއިދު އަދި ސިޔާސަތު އަދި މިނޫންވެސް މިފަދަ އެކި ދާއިރާތަކުން ޤާނޫނީ މަޝްވަރާ އެކުލަވާލުން (ލީގަލް އޮޕީނިއަން ފޯމިއުލޭޓްކުރުން).
3. ޤާނޫނީ ކަންކަމުގައި އެކަށީގެންވާ ދިރާސާ ކުރުމަށްފަހު ޤާނޫނީ މައްސަލަތައް ޙައްލުކުރުމުގައި ލަފާދިނުން.
4. ދިވެހިރާއްޖޭގައި ޢަމަލުކުރަމުންދާ ޤާނުނުތަކާއި، މުޢާމަލާތްކުރުމާއި، މުދާ ހޯދުމާއި ނައްތާލުމާއި ގުޅޭގޮތުން ޤާނޫނީ ޚިދުމަތް ފޯރުކޮށްދިނުން.
5. ޤާނޫނީ އިދާރާތައް ހިމެނޭގޮތުން، ދިވެހިރާއްޖޭގެ ކޯޓުތަކުގައި، ޓްރައިބިއުނަލްތަކުގައި، އަދި މިނޫންވެސް ޤާނޫނީ ގޮތުން ހިނގާ މަރުޙަލާތަކުގައި ކައުންސިލު ތަމްސީލުކުރުން.
6. ކައުންސިލުގެ ގަވާއިދުތަކާއި، އުޞޫލުތަކާއި، ސިޔާސަތުތަކާއި، ޤަރާރުތަކާއި އަދި މިނޫންވެސް މިފަދަ ކަންކަމާއި ގުޅޭ ލިޔުންތައް ޑްރާފްޓްކުރުމުގައި އެހީތެރިކަން ފޯރުކޮށްދިނުން.
7. އެކި ފަރާތްތަކުން ކައުންސިލަށް ދައްކަންޖެހޭ ފައިސާ ހޯދުމުގައި އެހީތެރިކަން ފޯރުކޮށްދިނުން.
8. އެކި ފަރާތްތަކުން ކައުންސިލަށް ދައްކަންޖެހޭ ފައިސާ ހޯދުމަށް ކޯޓުގައި ދަޢުވާކުރުން.
9. އެކި ފަރާތްތަކާއި ކައުންސިލާ ދެމެދު ޖެހޭ މައްސަލަތަށް ހައްލުކުރުމަށް ކޯޓުގައި ދަޢުވާކުރުން
10. ކައުންސިލުގެ ހިންގުމާއިގުޅޭ އެހެނިހެން ކަމެއް އަދި/ނުވަތަ އިންސިޑެންޝަލްކަންކަމުގައި ލަފާފޯރުކޮށްދިނުން.
11. ސުލޫކީ ކަންކަމުގައި ލަފާ ދިނުން.
12. ކައުންސިލުން ޢަމަލުކުރުން ލާޒިމު ޤާނޫނޫތަކާއި ގުޅޭގޮތުން ކައުންސިލަރުންނާއި، މެނޭޖްމަންޓާއި އަދި މުވައްޒަފުންނަށް ތަމްރީނުދިނުން.

ޝައުޤުވެރިކަން ފާޅުކުރާ ކޮންޒަލްޓަންޓުންގެ ކޮލިފިކޭޝަން

ޝައުޤުވެރިވާ ޤާނޫނީ ފާމްތައް/ފަރާތްތަކުގެ ތެރެއިން، ކޮންޒަލްޓެންސީގެ ޚިދުމަތަށް ޝޯޓްލިސްޓްކުރެވޭނީ، ތިރީގައިވާ ޢަސާސީ ޝަރުޠުތައް ފުރިހަމަވާ ޤާބިލު ފާމްތައް/ފަރާތްތަކެވެ.

(ހ) ކަމާއިގުޅޭ ދިވެހިރާއްޖޭގެ ޤާނޫނުތަކާއި އެއްގޮތަށް ރަޖިސްޓަރީކުރެވިގެން ހިންގާ ފާމެއް/ފަރާތެއްކަމުގައިވުން، (ކަމާއިގުޅޭ ދިވެހިރާއްޖޭގެ ޤާނޫނުތަކާއި އެއްގޮތަށް ރަޖިސްޓަރީކުރެވިގެން ހިންގާ ފާމެއް/ފަރާތެއްކަން ކަށަވަރުކުރުމުގެ ގޮތުން ރަޖިސްޓަރީގެ ކޮޕީއެއް ހުށަހަޅަންވާނެއެވެ.)

(ށ) ފާމްގައި މަދުވެގެން 2 (ދޭއް) ޤާނޫނީ ވަކީލުން ތިބެންވާނެއެވެ. އަދި މީގެތެރެއިން މަދުވެގެން 1(އެކެއް) ވަކީލު ވާންވާނީ ހައިކޯޓް އަދި ސްޕްރީމް ކޯޓްގައި ވަކާލާތުކުރުމުގެ ހުއްދަ އޮތްފަރާތަކަށެވެ. (ޤާނޫނީ ވަކީލުކަން ކުރުމާއި، ހައިކޯޓް އަދި ސްޕްރީމްކޯޓްގައި ވަކާލާތުގެ ކުރުމުގެ ހުއްދަތަކުގެ ކޮޕީތައް އެއްހީރަސްކުރާންވާނެއެވެ.)

(ނ) ބޮޑެތި ކުއްތަކުގެ ތެރެއިން ކުށެއް ސާބިތުވެފައިވާ ފަރާތެއްކަމުގައި ވެގެންނުވާނެއެވެ. (އެކްސްޕްރެޝަން އޮފް އިންޓްރެސްޓް ހުށަހެޅުމުގެ ސުންގަޑިއަށް ސައްހަ، ދިވެހި ފުލުހުންގެ އިދާރާއިން/މިފަދަ ލިޔުން ދޫކުރާ އިދާރާއަކުން  ދޫކޮށްފައިވާ ސެޓްފިކެޓް އޮފް ގުޑް ކޮންޑަކްޓް (ސެޓްފިކެޓް އޮފް ކްލިއަރެންސް) ގެ ސައްހަ ސެޓިފައިޑް ކޮޕީއެއް އެޓޭޗް ކުރަންވާނެ) 

(ރ) ކައުންސިލާއި ދެކޮޅަށް ފިޔަވަޅު ނޭޅުމަށް/ލިޓިގޭޓް ނުކުރުމަށް އިޤްރާރުވާ ނުވަތަ އެއްބަސްވާ ފަރާތަކަށް ވާންވާނެއެވެ.(ކޮންޓްރެކްޓްގެ މުއްދަތުގެ ތެރޭގައި ކައުންސިލާއި އަދި ކައުންސީލު ތަމްސީލުކުރާ ފަރާތަކާއި ދެކޮޅަށް ފިޔަވަޅެއް ނާޅާނޭކަން/ލިޓިގޭޓް ނުކުރާނެކަން ބަޔާންކޮށް، ކުންފުނީގެ ލެޓަހެޑްގައި ލިޔެ، ހުއްދަދެވިފައިވާ ފަރާތަކުން ސޮއިކޮށް އަދި ކުންފުނީގެ ތައްގަނޑު ޖަހާފައިވާ ލިޔުމެއް އެއް ހީރަސްކުރަންވާނެއެވެ.)

ނޯޓް: ޝޯޓްލިސްޓްކުރެވޭ ފަރާތްތަކުން ދިވެހި ދަޢުލަތުގެ މާލިއްޔަތު ޤަވާއިދުގައި ހިމެނިފައިވާ ޕްރޮކިއުމަންޓާއި ގުޅޭ އިޖުރާޢުތަކަށް ފުރިހަމައަށް ތަބަޢަވާންވާނެއެވެ. އަދި އިތުރު މަޢުލޫމާތު ކޮންޒަލްޓެންސީ ކަރުދާހުގެ ޒަރިއްޔާއިން ހިއްސާކުރެވޭނީ ހަމައެކަނި ޝޯޓްލިސްޓްކުރެވޭ ފަރާތްތަކަށެވެ.

އެކްޕްރެޝަން އޮފް އިންޓަރެސްޓް ހުށަހެޅުމުގެ ސުންގަޑި އަކީ 17 ނޮވެމްބަރ 2024 ވާ އާދީއްތަ ދުވަހުގެ 13:00 އެވެ. މިކަމަށް ޝައުޤުވެރިވާ ފާރާތްތަކުން 17 ނޮވެމްބަރ 2024 ވާ އާދީއްތަ ދުވަހުގެ 13:00 ގެ ކުރިން އެކްޕްރެޝަން އޮފް އިންޓަރެސްޓް  [email protected]  މެއިލް އަށް މެއިލް ކުރެއްވުން އެދެމެވެ.

އިތުރު މަޢުލޫމާތު ސާފުކުރެއްވުމަށް ގުޅުއްވާނީ:

• ކައުންސިލްގެ ނަންބަރު: 6840082
• ސެކްރެޓަރީ ޖެނެރަލް – ފިރުޝާން ތަޢުފީޤް
• ފޯން: 7570886
• އީމެއިލް: [email protected]

 މިހެންވެ، މިކަން އާއްމުކޮށް އެންގުމަށްޓަކައި އިޢުލާން ކުރީމެވެ.