ޓެނިސް އެސޯސިއޭޝަން އޮފް މޯލްޑިވްސްގެ އިންތިޚާބުގައި ޕްރޮކްސީ ކަނޑައެޅުމާއި ޕްރޮކްސީ ޙަވާލުކުރުން

ޓެނިސް އެސޯސިއޭޝަން އޮފް މޯލްޑިވްސްގެ 5 ވަނަ އިންތިޙާބާ ބެހޭ ޤަވާއިދުގެ 6 ވަނަ މާއްދާގައިވާ ގޮތުގެ މަތިން މެންބަރުންގެ ތެރެއިން އެސޯސިއޭޝަންގެ އިންތިޚާބުގައި ވޯޓު ލުމުގައި ބައިވެރިނު ވެވޭ މެންބަރުންގެ ބަދަލުގައި ޕްރޮކްސީ މެދުވެރިކޮށް، އެހެންމީހަކު ލައްވައި ވޯޓު ދެވިދާނެއެވެ. އެސޯސިއޭޝަންގެ ވޯޓު ދިނުމުގެ ޙައްޤު ލިބިފައިވާ މެންބަރަކަށް އިންތިޚާބީ ޖަލްސާއަށް ހާޒިރު ނުވެވޭނަމަ، އެމެންބަރެއްގެ ފަރާތުން ޕްރޮކްސީގެ ގޮތުގައި ޢުމުރުން 18 އަހަރުން މަތީގެ ދިވެހި ރައްޔިތަކު އެޖަލްސާއަށް ފޮނުވިދާނެއެވެ. މިގޮތުން ފޮނުވާ ޕްރޮކްސީއަށް އިންތިޚާބުގައި ބައިވެރިވެ ވޯޓް ދެވޭނެއެވެ. އެއްވެސް މީހަކަށް 1 ޕްރޮކްސީ ވޯޓަށްވުރެ ގިނައިން ޕްރޮކްސީ ވޯޓެއް ނުލެވޭނެކަމުގައި ދަންނަވަމެވެ.

އިންތިޙާބާ ބެހޭ ޤަވާއިދުގައިވަ ގޮތުގެ މަތިން އިންތިޚާބީ ޖަލްސާގައި މެންބަރުގެ ފަރާތުން ވޯޓުލާން ފޮނުވާ ޕްރޮކްސީގެ މަޢުލޫމާތު 31 އޮކްޓޯބަރ 2024 ވާ ބުރާސްފަތި ދުވަހުގެ 1545 ގެ ކުރިން އެސޯސިއޭޝަނަން އެކަމަށްޓަކައި ކަނޑައަޅާފައިވާ ފޯމް މެދުވެރިކޮށް ހުށަހަޅަން ވާނެއެވެ.

އެސޯސިއޭޝަނަށް ހުށައެޅޭ ފޯމްތަކުގެ ތެރެއިން ޞައްޙަނޫން މަޢުލޫމާތު އެކުލެވޭ ފޯމާއި ފޯމުގެ ޞައްޙަކަން ކަށަވަރުނުކުރެވޭ ފޯމްތައް ބާޠިލް ކުރެވޭނެއެވެ.