އިޢުލާން

ތިރީގައި އެވަނީ 23 އޮކްޓޯބަރ ވަނަ ދުވަހު ބޭއްވުނު ނައިފަރު ކައުންސިލްގެ 2024 ވަނަ އަހަރުގެ 30 ވަނަ ބިޑް ކޮމެޓީ ޖަލްސާއިން ނިންމާފައިވާ ކަންކަމެވެ.

1)     ޅ. ބަނދަރުހިޔާ މަސައްކަތަށް ގެނެވުނު އުނިއިތުރުކުރުމުގެ މަސައްކަތަށް ހުށަހަޅާފައިވާ ވޭރިއޭޝަނާގުޅޭ ކަރުދާހަށް ގެނެވިފައިވާ ބަދަލުތަކަށް ނައިފަރު ކައުންސިލްގެ 2024 ވަނަ އަހަރުގެ 41 ވަނަ ޢާންމުޖަލްސާއިން ފާސްކޮށްފައިވާ ލިޔުންތަކާއި ގުޅިގެން، މާލިއްޔަތި ޤަވާޢިދުގެ 10.49 ވަނަ މާއްދާގެ ނ ގައި ބަޔާންކުރާ އަގަށްފެތޭތީވެ 34،650.00 ގެ ވޭރިއޭޝަންއެއް ގެނެސް އެއްބަސްވުމަށް ބަދަލް ގެނައުމަށް ފެންނަކަމަށް.

2)     ނައިފަރުގައި ތަރައްޤީ ކުރެވެމުންދާ ފުޓްސަލް ދަނޑުގައި ޓާރފް އެޅުމާއި، ކަރަންޓް ވަޔަރުކުރުމާއި ލައިޓްޕޯސްޓްތައްހަދާ ހަރުކޮށްދިނުމުގެ މަސައްކަތް ކުރަމުން އަންނަ ޓީ.އޭ.ސީ ކޮންސްޓްރަކްޝަން އިން މުއްދަތު އިތުރުކޮށްދިނުމަށް އެދި ފޮނުވާފައިވާ ސިޓީއާއި ގުޅިގެން ހުށަހަޅާފައިވާ ބައެއް ޑޮކިއުމަންޓްސް 2024 ވަނަ އަހަރުގެ 29 ވަނަ ބިޑްކޮމެޓީގެ ޖަލްސާއަށް ހުށަހެޅިފައިނުވާތީވެ، ނިންމުން އަލުން މުރާޖަޢާ ކޮށްދިނުމަށް އެދި ހުށަހަޅާފައިވާއިރު ޓީ.އޭ.ސީ ކޮންސްޓްރަކްޝަންއިން ހުށަހަޅާފައިވާ ލިޔެކިއުންތަކަށްބަލައި، ޝިޕްމަންޓް ކޮންސައިނީއަކީ ތާރޑްޕާޓީއަކަށްވާތީ، 2024 ވަނަ އަހަރުގެ 29 ވަނަ ބިޑްކޮމެޓީގެ ނިންމުން މުރާޖަޢާ ކުރަން ނުފެންނަކަމަށް.

3)     ނައިފަރު ކައުންސިލުންދޭ ކުރެހުމާއި އެއްގޮތަށް ވޭސްޓްމެނޭޖްމަންޓް ސެންޓަރުގައި އިމާރާތެއް އަޅައިދޭނެ ފަރާތެއް ހޯދުމަށް 2 ވަނަ ފަހަރަށް  ކުރެވުނު ނަންބަރު (IUL)327-A/327/2024/247 އިޢުލާނާއި ގުޅިގެން ހުށަހަޅާފައިވާ ބީލަންތަކުގެ އިވެލުއޭޝަންތައް އިސްލާޙްކުރުމަށްފަހު އަލުން ބިޑްކޮމެޓީއަށް ހުށަހެޅުމަށް ފެންނަކަމަށް.

4)     އިޤްތިޞާދީ މަސައްކަތް ކުރުމަށްޓަކައި ދެކުނު ސިނާއީ ސަރަހައްދުން އިމާރާތް ކުއްޔަށް ދޫކުރުމަށް ކުރެވުނު ނަންބަރު (IUL)327-A/327/2024/255 އިޢުލާނާއި ގުޅިގެން އިވެލުއޭޝަންއިން އެންމެ މަތިން މާކްސް ލިބިފައިވާ ޒުހައިރު ޔޫސުފަށް ބިން ނަންބަރު D5 ކުއްޔަށް ދިނުމަށް ފެންނަކަމަށް.

5)     އިޤްތިޞާދީ މަސައްކަތް ކުރުމަށްޓަކައި ދެކުނު ސިނާއީ ސަރަހައްދުން އިމާރާތް ކުއްޔަށް ދޫކުރުމަށް ކުރެވުނު ނަންބަރު (IUL)327-A/327/2024/255 އިޢުލާނާއި ގުޅިގެން ބިން ނަންބަރު D7އިވެލުއޭޝަންއިން އެންމެ މަތިން މާކްސް ލިބިފައިވާ 'ހެޔޮރޯދި' އަދި 'ސުޢޫދު ޔޫސުފް' މާކްސްގެ ގޮތުން އެއްވަރުވެފައިވާތީ މަޢުލޫމާތު ކަރުދާހުގެ ޖަދުވަލު 6ގައިވާ ގޮތުގެ މަތިން ޤުރުޢަތުލުމުގެ ކަންކަން އިދާރީ ގޮތުން ނިންމުމަށްފަހު ޤުރުޢަތުން ހޮވޭފަރާތަށް އެވަރޑް ކުރުމަށް ބިޑް ކޮމެޓީއަށް އަލުން ހުށަހެޅުމަށް ފެންނަކަމަށް.

ވީމާ، މިކަން އާއްމުކޮށް އަންގާ އިޢުލާން ކުރީމެވެ.