ފެލިދޫއަށް ނިސްބަތްވާ ކަނޑުގައި ދުއްވާ އުޅަނދުފަހަރާއި އަދި ރަށުގައި ދުއްވާ އެއްގަމު އުޅަނދުފަހަރުން ލިބޭ އަހަރީފީ އަކީ އެރަށެއްގެ އާމްދަނީއަށް ލިބޭފައިސާގެ ގޮތުގައި 2023 ވަނަ އަހަރު ސަރުކާރުން ވަނީ ކަނޑައަޅުއްވާފައެވެ. މިގޮތުން ރަށަށް ރަޖިސްޓްރީކޮށްފައިވާ ބައެއް އެއްގަމު އަދި ކަނޑުގެ އުޅަނދުން ރަށުގެ އާމްދަނީއަށް ކޮންމެވެސް މިންވަރެއް ދަނީ ލިބެމުންނެވެ. އެހެންނަމަވެސް ގިނަ ޢަދަދެއްގެ ކަނޑު އުޅަނދު ފަހަރާއި އެއްގަމު އުޅަނދުފަހަރު ފެލިދޫއަށް ރަޖިސްޓްރީކޮށްފައިނެތުމުން އާމްދަނީގެގޮތުގައި ރަށަށް ލިބެންޖެހޭ ބޮޑުބައެއް ލިބެމުންނުދެއެވެ. މިކަމަކީ އާމްދަނީގެ ގޮތުން ރަށަށް ލިބޭ އާމްދަނީގެ ބޮޑުބައެއް ހިއްސާވާ ކަމެކެވެ. އެހެންކަމުން ރަށުގެ އުޅަނދުފަހަރުން ލިބޭ އާމްދަނީއަކީ ރަށަށް ލިބޭ އަދި ރަށުގެ ތަރައްޤީއަށް ހޭދަކުރާ އެއްޗަކަށް ހެދުމުގެ މަޤްޞަދުގައި ފެލިދޫގައި ދުއްވާ އެއްގަމު އުޅަނދު އަދި ކަނޑުގެ އުޅަނދު ފެލިދޫއަށް 1 ޖެނުއަރީ 2025 ގެ ކުރިން ރަޖިސްޓްރީ ކުރުމަށްފަހު ދުއްވޭގޮތަށް 16 އޮކްޓޯބަރ 2024 ގައި ބޭއްވުނު ކައުންސިލްގެ 11 ވަނަ އާއްމު ޖަލްސާއިން ވަނީ ފާސްކޮށްފައެވެ.

ވީމާ، 1 ޖެނުއަރީ 2025 އިން ފެށިގެން ފެލިދޫ ބަނދަރުގައި ދާއިމީކޮށް ބާއްވާ ކަނޑުގެ އުޅަނދާއި ރަށުގައި ފެލިދޫގައި ދުއްވާ އެއްގަމު އުޅަނދުފަހަރު ފެލިދޫއަށް ރަޖިސްޓްރީނުކޮށް ދުއްވުމަކީ މަނާކަމެއްކަމުގައި އާއްމުކޮށް އަންގާ އިޢުލާންކުރީމެވެ.