ވަޒީފާގެ ފުރުޞަތު

މަޤާމް

ވޭސްޓް މެނޭޖްމަންޓް އޮފިސަރ

މަޤާމުގެ ނަންބަރު

-

ބޭނުންވާ ޢަދަދު

1 (އެކެއް)

މަޤާމުގެ ގިންތި

ކޮންޓްރެކްޓް (2 އަހަރު)

މަޤާމުގެ ރޭންކް

-

މަޤާމުގެ ކްލެސިފިކޭޝަން

-

ވަޒީފާ އަދާކުރަންޖެހޭ ތަން

މާޅޮސްމަޑުލު ދެކުނުބުރީ ކެންދޫ ކައުންސިލްގެ އިދާރާ

މުސާރަ

-/3100 ރުފިޔާ (މަހަކު)

ސަރވިސް އެލަވަންސް

-/1000 ރުފިޔާ (މަހަކު)

ސަޕޯޓިންގް އެލަވަންސް

-/1200 ރުފިޔާ (މަހަކު)

އެހެނިހެން އެލަވަންސް:

-/1700 ރުފިޔާ (މަހަކު)

މަޤާމުގެ މައިގަޑު މަސްއޫލިއްޔަތުތަކާއި ވާޖިބުތައް

1. ރަށުގެ އިޖްތިމާޢީ ސަރަޙައްދުތަކާއި ރަށުގެ ގޭގެއިން ކުނި ނަގާ މެނޭޖްކުރުމުގެ މަސައްކަތް ކުރުން.
2. ރަށު ކައުންސިލުން ކަނޑައަޅާ ގޮތެއްގެ މަތީން ގޭގޭގައި އުފެދޭ ކުނި ވެހިކަލަށް އަޅާ ކޮށްޓަށް ގެންދިއުމަށްފަހު ޕިކަޕުން ހުސްކުރުމުގެ މަސައްކަތް ކުރުން.
3. ކުނި ނެގުމުގައްޔާއި، ޕިކަޕްގައި ކުރާ ދަތުރުތަކުގައި ޑްރައިވަރަށް އެހީތެރިވުން
4. ގޭގެއިން ނަގާ ކުނިގެ ބާވަތްތައް ވަކިކޮށްފައި ނުހުންނަ ކުނި ވަކިކުރުމުގެ މަސައްކަތްކުރުން (ފަތްކުނި، ދަގަނޑު، ޕްލާސްޓިކް، ބިއްލޫރި، ނެޕީ، ދަޅުފުޅި ފަދަ ކުނި)
5. ރަށުން އުކާލެވޭ ޚާއްސަކުނި ސްޕަވައިޒްކޮށް އެކަމުގެ ހިސާބު ބެލެހެއްޓުން.
6. ކުނީފީ ނުދައްކާ ފަރާތްތަކަށް ހަނދާންކޮށްދީ ނޯޓިސް ފޮނުވުން.
7. ކުނި މެނޭޖްކުރުމުގެ މަސައްކަތުގައި މުވައްޒަގެއަމިއްލަ ރައްކާތެރި ކަމަށް އަޅަންޖެހޭ އެންމެހާ ފިޔަވަޅުތައް އަޅާ ކަށަވަރު ކުރުން.
8. ކުނި ކޮށީގައި ކުނި ބެހެއްޓުމަށް އިންތިޒާމްތައް ހަމަޖައްސާ، އިންތިޒާމްތައް ދެމެހެއްޓުން.
9. ކުނި އަންދާއިރު ވައި ހުރިގޮތަށް ބަލާ (ރަށު ތެރެއަށް ދުން ނުދާނެގޮތަށް) އަލިފާން ރޯކުރުން.
10. ކުނި އެންދުމަށް އަލިފާން ޖަހާފައިވަނިކޮށް ވައި ބަދަލުވެ ރަށުތެރެއަށް ދުން ދާނަމަ އެހެން

   މުވައްޒަފުންގެ އެހީތެރިކަމާއިއެކު، އަލިފާންގަނޑު ނިންވާލުން.

1. ކުނި ކޮށީގައި ބޭނުންކުރުމަށް ދޫކޮށްފައިވާ ތަކެތި ޤަވާޢިދުން ބެލެހެއްޓުން، އަދި ތަކެއްޗަށް ލިބޭ

   ގެއްލުމުގެ މަޢުލޫމާތު ކައުންސިލާއި ހިއްސާ ކުރުން.

1. އިޖުތިމާޢީ ގޮތުން ކުރާ މަސައްކަތްތަކުގައި ޙަރަކާތްތެރިވުން.
2. ޚާއްސަ މުނާސަބާތްތަކާއި، މުބާރާތްތަކާއި، އެހެނިހެން ޙަރަކާތްތަކުގައި ފުރިހަމަ އެހީތެރިކަމާ އެއްބާރުލުން ދިނުން. އަދި އެފަދަ މުނާސަބަތު ތަކުގައި އުފެދޭ ކުނި ނަގާ ސާފުކުރުން.
3. ކައުންސިލުން އެދޭ ކަންކަމުގައި ފުރިހަމައަށް އެއްބާރުލެއްވުމާއި އެހީތެރިކަން ދިނުން.

މަޤާމުގެ ޝަރުޠު

1. އަސާސީ ތަޢުލީމް ފުރިހަމަކޮށްފައިވުން.
2. ގިނަ ވަގުތު މަސައްކަތުގައި އުޅެވޭނެ އަދި ފުރިހަމަ ޞިއްޙަތެއްގައި ހުރި މީހަކަށްވުން.

ހުށަހަޅަންޖެހޭ ލިޔުންތައް

1. ފުރިހަމަ ކޮށްފައިވާ ވަޒީފާއަށް އެދޭ ފޯމު (މި ފޯމު ސިވިލް ސަރވިސް ކޮމިޝަނުގެ ވެބްސައިޓުން އަދި ކައުންޓަރުން ލިބެންހުންނާނެއެވެ.)  
2. ވަޒީފާއަށް އެދޭ ފަރާތުގެ ވަނަވަރު (ގުޅޭނެ ފޯނު ނަންބަރާއި އީ-މެއިލް އެޑްރެސް ހިމެނޭގޮތަށް).
3. ވަޒީފާއަށް އެދޭ ފަރާތުގެ ދިވެހި ރައްޔިތެއްކަން އަންގައިދޭ ކާޑުގެ (މުއްދަތުހަމަވެފައިވީ ނަމަވެސް( ދެ ފުށުގެ ލިޔުންތައް ފެންނަ، ލިޔެފައިވާ ލިޔުންތައް ކިޔަން އެނގޭ ފަދަ ކޮޕީއެއް.
4. ލިބިފައިވާ ތަޢުލީމީ ސެޓުފިކެޓުތަކުގެ ކޮޕީ.

ވަޒީފާއަށް އެންމެ ޤާބިލު ފަރާތެއް ހޮވުމަށް ބެލޭނެ ކަންތައްތައް

ޤާބިލުކަން ކަށަވަރުކުރުމަށް އިންޓަރވިއުކޮށްގެން.

މަޤާމަށް އެދެންވީގޮތާއި ސުންގަޑި

މަޤާމަށް އެދި ހުށަހަޅަންޖެހޭ ތަކެތި ހުށަހަޅާނީ 14 އޮކްޓޫބަރު 2024 ވާ އަންގާރަ ދުވަހުގެ 14:00 ގެ ކުރިން ކެންދޫ ކައުންސިލް އިދާރާ އަށް ނުވަތަ އީމެއިލް ([email protected]) މެދުވެރިކޮށެވެ. އަދި އިޢުލާންގެ ސުންގަޑި ހަމަވުމުގެ ކުރިން ސަރުކާރުން އަލަށް ބަންދު ދުވަހެއް ކަނޑައަޅައިފިނަމަ އެކަނޑައަޅާ ދުވަހެއްގެ ޢަދަދަށް ވަޒީފާއަށް އެދި ހުށަހަޅާ ލިޔުންތައް ބަލައިގަނެވޭނެއެވެ.

އިންޓަވިއު އޮންނާނެ ތަނާއި މުއްދަތު

މި މަޤާމަށް މީހަކު ހޮވުމަށް ބޭއްވޭ އިންޓަވިއު އޮންނާނީ  15 އޮކްޓޫބަރު 2024 އާއި 17 އޮކްޓޫބަރު 2024 އާއި ދެމެދުގައި ކެންދޫ ކައުންސިލް އިދާރާގައެވެ.

މި އިޢުލާނާއި ގުޅިގެން މަޢުލޫމާތު ސާފުކުރުމަށް ގުޅުއްވާނީ 6600004 ނަންބަރު ފޯނާއެވެ. އީމެއިލް ކުރައްވާނީ [email protected] އަށެވެ.