ނަންބަރ :(IUL)242/242/2024/38

އިޢުލާން

2024 ވަނަ އަހަރުގެ ގދ އަތޮޅު ކައުންސިލް ޤުރްއާން މުބާރާތުގެ ގަވާއިދަށް ގެނެވޭ ފުރަތަމަ އިޞްލާހު

ގަވާއިދު ނަންބަރ (PP)242/242/2024/1 (ގދ އަތޮޅު ކައުންސިލް ޤުރްއާން މުބާރަތް 2024 ) ގަވާއިދަށް އަންނަނިވި އިޞްލާހު ގެނައުން.

 1.  ބުނެވިދިޔަ ގަވާއިދުގެ 11.3  ވަނަ މާއްދާ އިތުރުކުރުން.

     11.3  މުބާރާތުގައި ބައިވެރިވާ ފަރާތްތަކުގެ ތެރޭގައި ޙާފިޡުކަމުގެ ސަނަދު ލިބިފައިވާ ފަރާތްތައް އަދި ޚާއްސަ އެހީއަށް ބޭނުންވާ ފަރާތަކުން (ބަލައިގެން ކިޔުވުމުން ގޮފި ނުވަތަ ނުބަލައި ކިޔެވުމުގެ ގޮފި) ކީސްޓޭޖުތަކުގައި  ބައިވެރިވެވިދާނެއެވެ. މިގޮތުން ބައިވެރިވެވޭނީ މުބާރާތުގައި އިންސާފުކުރެވޭ ގޮފިތަކުގެ ތެރެއިން އެއް ގޮތްޕެއްގައި، އެއް ގިންތި އެއްގައިއެވެ. 

  2.  ގަވާއިދުގެ 16.3 އިޞްލާޙުކުރުން

      16.3  ޤުރްއާން ކްލާސްތަކާއި ކްލަބު ޖަމްޢިއްޔާ ތަކުން ހޮވާ ވަނަތައް

  3.  20 ވަނަ މާއްދާއަށް އަންނަނިވި ގޮތަށް އިޞްލާޙުކުރުން.

     20.1  ޤައުމީ ޤުރްއާން މުބާރާތުގައި ބައިވެރި ކުރާނެ ދަރިވަރުންގެ ގޮތުގައި ހޮވާނީ އަތޮޅު ޤުރްއާން މުބާރާތުން ޖުމްލަ މާރކްސް 75% އަށް ވުރެ މަތިން މާރކްސް ހޯދާފައިވާ ދަރިވަރުންގެ ތެރެއިން އެންމެ މަތިން މާރކްސް ހޯދާ ދަރިވަރުންނެވެ. އެއީ ބަލައިގެން ކިޔެވުމުގެ ގޮފިން ކޮންމެ ކީސްޓޭޖަކުން 02 ދަރިވަރުންނާއި ނުބަލައި ކިޔެވުމުގެ ގޮފިން ކޮންމެ ކީސްޓޭޖަކުން 02 ދަރިވަރުންނެވެ. މީގެ ތެރޭގައި މުބާރާތުގައި ބައިވެރިވާ ކްލަބް ޖަމްޢިއްޔާތަކާއި ޤުރްއާން ކްލާސްތަކާއި އަމިއްލަ ފަރާތްތަކުގެ އިތުރުން ތިނަދޫ ސިޓީގެ ސްކޫލް/މަދަރުސާތަކުން ބައިވެރިވާ ފަރާތްތައް ނުހިމެނޭނެއެވެ)

     20.2  ޤައުމީ ޤުރްއާން މުބާރާތަށް ހޮވޭ ދަރިވަރުންގެ އަދަދު (ސްކޫލް/މަދަރުސާތަކުން ބައިވެރިވާ ދަރިވަރުން) ހަމަ ނުވެއްޖެނަމަ އެރަށެއްގެ ޤުރްއާން ކްލާސްތަކާއި ކްލަބު ޖަމްޢިއްޔާތަކާއި އަދި އަމިއްލަ ފަރާތްތަކުން ބައިވެރިވާ ދަރިވަރުންގެ ތެރެއިން (އެރަށަކަށް އަދި ސްކޫލް/މަދަރުސާ އަށް ނިސްބަތްވާ) ކީސްޓޭޖްތަކުން އެންމެ މަތީ މާރކްސް ހޯދާފައިވާ ދަރިވަރަކު ހުރިނަމަ އެ ސްކޫލް/މަދަރުސާ އަކުން އިޢުތިރާޒު ނުކުރާނަމަ އެފަދަ ދަރިވަރަކަށް އަތޮޅަށް ކަނޑައަޅާފައިވާ  24 (ސައުވީސް) ޖާގައިގެ ތެރެއިން ފުރުޞަތު ލިބިގެންދާނެއެވެ.

ވީމާ، 06 އޮކްޓޯބަރ 2024 ވަނަ ދުވަހުގައި މިއިދާރާއިން ޢާއްމުކޮށްފައިވާ ގަވާއިދަށް ގެނެވިފައިވާ އިސްލާހަށް އަމަލުކުރަން ފަށާނީ، މި އިސްލާޙް ދިވެހި ސަރުކާރުގެ ގެޒެޓުގައި ޝާއިޢުކުރާ ދުވަހުން ފެށިގެންނެވެ. އަދި މުބާރާތުގެ އިޞްލާޙްކުރެވިފައިވާ ގަވާއިދު މިއިޢުލާނާއިއެކު ޑައުންލޯޑް ކުރެވެން ހުންނާނެއެވެ. އިތުރު މަޢުލޫމާތު ސާފުކުރެއްވުމަށް 6841032 އަށް ގުޅުއްވުން އެދެމެވެ. ވީމާ މިކަން ޢާންމުކޮށް އެންގުމަށް އިޢުލާން ކުރީމެވެ.