ހުވަދޫ ވަތަބަނޑޭރި ވޮލީބޯލް ޗެލެންޖް 2024

2023 ވަނަ އަހަރު 'ގައްދޫ ވަތަބަނޑޭރި ވޮލީ ބޯލް ޗެލެންޖް 2023'  ގެ ނަމުގައި ގައްދޫ ކައުންސިލުން  ކުރިއަށްގެންދިޔަ ކާމިޔާބު މުބާރާތަށްފަހު މިއަހަރު ވެސް ފޯރިގަދަ ވޮލީބޯޅަ މުބާރާތެއް ބޭއްވުމަށް ކައުންސިލުން ވަނީ ނިންމާފައެވެ. މިއަހަރުގެ މުބާރާތް ބޭއްވުމަށް ރާވާފައިވަނީ މުޅި ހުވަދު އަތޮޅަށް (ގއ އަދި ގދ އަށް) ހުޅުވާލައިގެންނެވެ. މުބާރާތް ފަރުމާކުރެވިފައިވަނީ "މެންސް ޑިވިޝަން" އަދި "ވިމެންސް ޑިވިޝަން" އަށް ބާހާލައިގެންނެވެ. މިއަހަރުގެ މުބާރާތް ހުވަދު އަތޮޅުގެ ހުރިހާ ރަށްތަކަށް ހުޅުވާލާފައިވީ ނަމަވެސް، މުބާރާތުގެ ޚާއްސަ ދައުވަތެއްގެ ގޮތުގައި ފުވައްމުލަކު ސިޓީއާއި އައްޑޫ ސިޓީއިން ކޮންމެ ޑިވިޝަނަކުން އެއް ޓީމު ބައިވެރިކުރުމުގެ ފުރުޞަތު ދިނުމަށް ކައުންސިލުން ނިންމާފައިވެއެވެ.

މުބާރާތުގެ ދެ ޑިވިޝަންގެ ޗެމްޕިއަން ޓީމަށް 55،000.00 ރ ( ފަންސާސް ފަސް ހާސް ރުފިޔާ) ގެ ފައިސާގެ އިނާމް ކަނޑައަޅާފައިވާއިރު މުބާރާތުގެ ދެ ޑިވިޝަންގެ ރަނަރއަޕް ޓީމަށް 25،000.00ރ ( ފަންސަވީސް ހާސް ރުފިޔާގެ ) ފައިސާގެ އިނާމް ދިނުމަށް ކައުންސިލުން ވަނީ ނިންމާފައެވެ.

'ހުވަދޫ ވަތަބަނޑޭރި ވޮލީބޯލް ޗެލެންޖް 2024' ފެށުމަށް ހަމަޖެހިފައިވަނީ 23 ޑިސެމްބަރު 2024 ވާ ހޯމަ ދުވަހުއެވެ. މުބާރާތާއި ގުޅިގެން އިތުރު މަޢުލޫމާތު ސާފުކުރުމަށް 9111005 އަށް ގުޅުއްވުމަށް ދެންނެވީމެވެ. ވީމާ، މިކަން ޢާންމުކޮށް ޢިއުލާންކުރީމެވެ.