އެއްގަމުއުޅަނދު ދުއްވުމުގެ ލައިސަންސް ދޫކުރުމަށްޓަކައި ޢަމަލީ ޓެސްޓް ކުރާނެ އެގްޒަމިނަރުން ބޭނުންވެއްޖެއެވެ.  މިމަސައްކަތަކީ އެހެން ވަޒީފާއެއްގައި އުޅެމުން ޕާޓްޓައިމްކޮށް ކުރެވިދާނެ މަސައްކަތެކެވެ.

• ·         ބޭނުންވާ ޢަދަދު: 02

ޝަރުޠު

• މަދުވެގެން A0, A1, B1, C1 ގިންތީގެ އުޅަނދު ދުއްވުމުގެ ލައިސަންސް ލިބިފައިވާ ފަރާތަކަށްވުން.
• ފާއިތުވި 5 އަހަރުގެ ދުވަހުގެ ތެރޭގައި ޓްރެފިކް ވައެލޭޝަން ކުށެއްކޮށްފައިވާކަން ސާބިތުވެފައި ނުވުން އަދި ޖިނާއީ ކުށެއްކޮށްފައިވާ މީހަކު ކަމުގައި ނުވުން.
• ދޫކުރި ތާރީޚުން ފެށިގެން  މަދުވެގެން 5 އަހަރު ދުވަސް ވެފައިވާ، އެއްގަމު އުޅަނދު ދުއްވުމުގެ ލައިސަންސް އޮތުން.
• ޢުމުރުން 55 އަހަރު ނުވާ މީހެއްކަމުގައިވުން.
• ޓްރާންސްޕޯޓް މިނިސްޓްރީގައި ނުވަތަ ތިލަދުންމަތީ އުތުރުބުރީ އިހަވަންދޫ ކައުންސިލްގެ އިދާރާގައި ނުވަތަ ޑްރައިވިނގ ސްކޫލެއްގައި ވަޒީފާއަދާކުރާ މީހެއްކަމުގައި ނުވުން.

އުޖޫރަ

• ޓެސްޓް ކުރާ ކޮންމެ 2 ފުރޮޅުލީ އުޅަނދަކަށް -/15 ރުފިޔާ.
• ޓެސްޓް ކުރާ ކޮންމެ 3 ފުރޮޅުލީ އުޅަނދަކަށް -/20 ރުފިޔާ.
• ޓެސްޓް ކުރާ ކޮންމެ 4 ފުރޮޅުލީ އުޅަނދަކަށް -/25 ރުފިޔާ.
• ޓެސްޓް ކުރާ ކޮންމެ ހެވީ ވެހިކަލަކަށް -/35 ރުފިޔާ.

އެގްޒަމިނަރުން ހޮވުމުގައި ގިނަ ގިންތީގެ ލައިސަންސް/އޮޕްރޭޓް ކުރުމުގެ ހުއްދަ ލިބިފައިވާ ފަރާތްތަކަށް އިސްކަން ދެވޭނެއެވެ. އަދި މި ކައުންސިލުން ހަމަޖައްސާ ގަޑިތަކުގައި އެކަން ކުރެވޭނެ ފަރާތްތަކަށް ވެސް އިސްކަންދެވޭނެއެވެ. 

ހުށަހަޅަންޖެހޭ ލިޔުންތައް

1. ވަޒީފާއަށް އެދޭ ފަރާތުގެ ވަނަވަރު (ގުޅޭނެ ފޯނު ނަންބަރާއި އީ-މެއިލް އެޑްރެސް ހިމެނޭގޮތަށް).
2. ވަޒީފާއަށް އެދޭ ފަރާތުގެ ދިވެހި ރައްޔިތެއްކަން އަންގައިދޭ ކާޑުގެ ދެފުށުގެ ކޮޕީ:
3. ޕޮލިސް ރިޕޯޓު (ދޫކުރި ތާރީޚުން ފެށިގެން 3 މަސް ނުވާ)
4. ހެވީ ވެހިކަލް ކެޓަގަރީ އަށް ހުށަހަޅާ ނަމަ އޮޕަރޭޓިންގ ޕަރމިޓުގެ ކޮޕީ:

ވީމާ، މިކަމަށް ޝައުޤުވެރިވެ ވަޑައިގަންނަވާ ބޭފުޅުން 11 ސެޕްޓެމްބަރ 2024 ވަނަ ދުވަހުގެ 14.00 ގެ ކުރިން މި އިދާރާއަށް ސިޓީ ފޮނުވުމަށް ދެންނެވީމެވެ. އަދި އިތުރު މަޢުލޫމާތު ސާފުކުރުމަށް ގުޅާނީ މި އިދާރާގެ ނަންބަރު  6500013 ފޯނާއެވެ. ހުށަހެޅުންތައް އީ-މެއިލް ކުރައްވާނީ،  [email protected]  އަށެވެ.

މިހެންވެ މިކަން އާންމުކޮށް އެންގުމަށްޓަކައި އިޢުލާން ކުރީމެވެ.