މި ޓްރައިބިއުނަލްގެ ތިންވަނަ ދައުރުގެ މެންބަރުންގެ ގޮތުގައި ޢައްޔަންކުރައްވާފައިވާ 5 މެންބަރުންގެ ތެރެއިން 4 މެންބަރަކު، ޤާނޫނު ނަންބަރު 2010/3 (ޓެކްސް ނެގުމާބެހޭ އިދާރީ ޤާނޫނު) ގެ 59 ވަނަ މާއްދާގެ (ހ) ގެ 4 ވަނަ ނަންބަރުގައިވާ ގޮތުގެ މަތިން 26 އޮގަސްޓު 2024 އިން ފެށިގެން މި ޓްރައިބިއުނަލްގެ މެންބަރުކަމުން ވަކިކުރައްވައިފިކަމަށް ރައީސުލްޖުމްހޫރިއްޔާގެ އޮފީހުން މި ޓްރައިބިއުނަލަށް އަންގަވާފައިވާތީ ދަންނަވަމެވެ.

ޓެކްސް އެޕީލް ޓްރައިބިއުނަލްގެ މަސައްކަތްތަކުގެ ތެރެއިން، ގަވާއިދު ނަންބަރު 2021/R-75 (ޓެކްސް އެޕީލް ޓްރައިބިއުނަލްގެ ގަވާއިދު 2021) ގައި ބަޔާންކޮށްފައިވާ މައްސަލަތަކުގެ އަޑުއެހުންތަކާއި، ޓްރައިބިއުނަލްގެ މެންބަރުންގެ މަޖިލީހުން، ނުވަތަ މައްސަލަ ބަލާ ބެންޗުން ނިންމަންޖެހޭ ނިންމުންތައް ފިޔަވައި، އެންމެހައި މަސައްކަތްތައް މެދުކެނޑުމެއް ނެތި ކުރިއަށްދާނެ ވާހަކަ މަޢުލޫމާތަށްޓަކައި ދަންނަވަމެވެ.