އިޢުލާން

މުވައްޒަފުން ބޭނުންވެއްޖެ:

މަޤާމް : ލައިބްރޭރިއަން

ބޭނުންވާ އަދަދު: 1 (އެކެއް)

މަސައްކަތްކުރުމަށް ހަމަޖެހިފައިވާ ތަން: މުޙްޔިއްދީން ސްކޫލް، މާލެ

މަޤާމުގެ ޝަރުޠު: ސިވިލް ސަރވިސްގެ ޤަވާއިދުގައިވާގޮތުގެމަތިން ތިރީގައިމިވާ ޝަރުޠުތަކުން ޝަރުޠެއް ފުރިހަމަވުން.

މަޤާމުގެ މަސްއޫލިއްޔަތު:

• ޓައިމްޓެބަލާ އެގޮތްވާގޮތުގެމަތިން، ލައިބްރަރީ ގަޑިތަކަށް ލައިބްރަރީ ތައްޔަރުކުރުން.
• ލައިބްރަރީ ގަޑީގައި، ޓީޗަރުންގެ ލަފާގެމަތިން ދަރިވަރުންނަށް ދޭންޖެހޭ މަޢުލޫމާތައި އެހީތެރިކަން ފޯރުކޮށްދިނުން.
• ލައިބްރަރީ ގަޑި ނިމުމުން، ދަރިވަރުން ބޭނުންކުރި ފޮތްތައް ތަރުތީބުކޮށް، ފޮތް ހަރުތަކުގައި އެތުރުން.
• ލައިބްރަރީގެ ޤަވާޢިދުތަކާއި އޫސޫލުތައް ދަރިވަރުންނަށް އޮޅުންފިލުވައިދީ، ދޭތެރެދޭތެރެއިން އެކަން ދަރިވަރުންނަށް ހަނދާންކޮށްދިނުން.
• ލައިބްރަރީން ޤަވާޢިދުން ދަރިވަރުންނަށް ފޮތް ނެގޭނެ އިންތިޒާމެއް ހަމަޖައްސާއިދިނުން.
• ދަރިވަރުންގެ ކިބައިގައި ކިޔުންތެރިކަން އަށަގެންނެވުމުގެ ޕްރޮގްރާމްތައް ހިންގުން.
• ލައިބްރަރީއަށް އަލަށް ގެންނަ ފޮތްތަކުގެ މަޢުލޫމާތު، ވީ އެންމެ އަވަސް މުއްދަތެއްގައި ދަރިވަރުންނަށް ފޯރުކޮށްދިނުން.
• ލައިބްރަރީގެ ޤަވާޢިދުތަކަށް ދަރިވަރުން ބޯލަނބާކަން ކަށަވަރުކުރުން.
• ލައިބްރަރީގެ ފޮތް ސްޓޮކް ތަފްޞީލްކޮށް ބެލެހެއްޓުން.
• ލައިބްރަރީގެ ފޮތްތަކާއި އެހެނިހެން ތަކެތީ ރައްކާތެރިކޮށް ބެލެހެއްޓުން.
• ލައިބްރަރީން ދަރިވަރުންނާއި އެހެނިހެން މުވަޒަފުންނަށް ދޫކުރާ ފޮތްތަކުގެ ތަފްޞީލް ބެލެހެއްޓުން.
• ލައިބްރަރީން ދަރިވަރުންނާއި އެހެނިހެން މުވަޒަފުންނަށް ދޫކުރާ ފޮތްތައް އަނބުރާ ދައްކާކަން ކަށަވަރުކުރުން.
• ލައިބްރަރީން ދަރިވަރުންނާއި އެހެނިހެން މުވައްޒަފުންނަށް ދޫކުރާ ފޮތްތައް އަނބުރާ ނުދައްކާނަމަ، އަޅަންޖެހޭ ފިޔަވަޅުއެޅުން.
• ލައިބްރަރީން ބާވެ ހަލާކުވާ ފޮތްތަކުގެ ތަފްޞީލް، ހަވަލުވެ ހުންނަ ސްޕަވައިޒަރަށް ޤަވާޢިދުން ދެމުން ގެންދިއުން.
• ލައިބްރަރީއަށް އާފޮތް ހޯދުމަށްޓަކާއި ދަރިވަރުންނާއި ޓީޗަރުންގެ ކިބައިން މަޢުލޫމާތު ހޯދައި، އެ މަޢުލޫމާތު ސްޕަވައިޒަރަށް ޤަވާޢިދުން ދެމުން ގެންދިއުން.
• ލައިބްރަރީގެ ޤަވާޢިދުތައް ޓީޗަރުންނަށް ފެންނާނެ އިންތިޒާމް ހަމަޖެއްސުން.
• ލައިބްރަރީގެ ޤަވާޢިދުތަކާއި އޫސޫލުތައް ޓީޗަރުންނަށް އޮޅުންފިލުވައިދީ، ދޭތެރެދޭތެރެއިން އެކަން ދަރިވަރުންނަށް ހަނދާންކޮށްދިނުން.
•  އެކުގައި މަސައްކަތްކުރާ ލައިބްރަރީ މުވައްޒަފުންގެ އެހީތެރިކަމާއެކު، ލައިބްރަރީގެ އަހަރީ ރިޕޯޓް، އަހަރު ނިމުމުން، ހަވާލުވެ ހުންނަވާ ސްޕަވައިޒަރަށް ހުށަހެޅުން.

މި ވަޒީފާއަށް މީހަކު ހޮވުމުގައި ބަލާނެ އިތުރު ކަންތައްތައް:

- ވަޒީފާއަށް އެންމެ ޤާބި ލުމީހަކު ހޮވުމަށްޓަކައި ބޭއްވޭ އިންޓަވިޔުކުރުން.

- މި މަޤާމަށް މީހަކު ހޮވުމަށް ބާއްވާ އިންޓަވިއު އޮންނާނީ، 11 ޖޫން 2015 އާއި 16 ޖޫން 2015 އާ ދެމެދު މުޙްޔިއްދީން ސްކޫލުގައެވެ.

ހުށަހަޅަންޖެހޭ ތަކެތި:    

• ސިވިލް ސަރވިސްގެ ވަޒީފާއަށް އެދޭ ފޯމް (ވަޒީފާއަށް އެދޭ ފޯމު، މި ސްކޫލުގެ ކައުންޓަރުން ލިބެން ހުންނާނެއެވެ. އަދި މި ސުކޫލުގެ ވެބްސައިޓުން (www.muhyiddinschool.edu.mv ން) މި ފޯމު ޑައުންލޯޑްވެސް ކުރެވޭނެއެވެ.)
• ތަޢުލީމީ ސެޓްފިކެޓްތަކުގެ އެކްރެޑިޓްކޮށްފައިވާ ކޮޕީ.
• ތަޖުރިބާގެ ލިޔުންތައް (ތަޖުރިބާގެ މުއްދަތު ގުނާނީ، ސީވީގައި ބަޔާންކޮށްފައިވާ ތަންތާނގައި ވަޒީފާ އަދާކޮށްފައިވާކަމުގެ ރަސްމީ ލިޔުމެއް ހުށަހެޅުމުންނެވެ.)
• މުއްދަތު ހަމަނުވާ އައިޑީ ކާޑުގެ ސާފު ފޮޓޯކޮޕީ (އަސްލާ އެއްގޮތްކަމަށް ރަސްމީ ފަރާތްތަކުން ނުވަތަ، ޤާނޫނީ ވަކީލެއްގެ އޮފީހުން ތައްގަނޑު ޖަހާފައިވާ އަޞްލު)
• ވަޒީފާއަށް ކުރިމަތިލާ ފަރާތުގެ ވަނަވަރު.
• ސިވިލް ސަރވިސްއަށް / ސަރުކާރަށް ޚިދުމަތްކުރުމުގެ އެއްބަސްވުމެއް އޮތް މުވައްޒަފުން، ކުރިމަތިލާ މަޤާމަށް ހޮވިއްޖެނަމަ، އަދާކުރަމުންދާ ވަޒީފާއިން ވީއްލުމާމެދު އިޢުތިރާޒެއް ނެތްކަމަށް، އެ މުވައްޒަފު ވަޒީފާ އަދާކުރާ އޮފީހުގެ ލިޔުން. 

އިތުރުގަޑީގެ ފައިސާ:     

މި މަޤާމުގައި އިތުރުގަޑީގައި މަސައްކަތް ކުރަން ޖެހޭނަމަ، ހަމަޖެހިފައި އޮންނަ އުސޫލެއްގެމަތިން އިތުރުގަޑީގެ ފައިސާ ލިބޭނެއެވެ.

ސުންގަޑި:

2015 ޖޫން 11 ވާ ބުރާސްފަތި ދުވަހުގެ 12:00 ގެ ކުރިން، ބަޔާންކުރެވިފައިވާ ތަކެއްޗާއެކު މުޙްޔިއްދީން ސްކޫލަށް ހުށަހެޅުން އެދެމެވެ.

ނޯޓް:

ޝަރުޠު ހަމަނުވާ އެޕްލިކޭޝަންތަކާއި، ހުށަހަޅަންޖެހޭ ތަކެތި ހަމައަށް ހުށަހަޅާފައި ނުހުންނަ އެޕްލިކޭޝަންތަކާއި، ފެކްސް މެދުވެރިކޮށް ފޮނުވާ އެޕްލިކޭޝަންތައް ބަލައެއް ނުގަނެވޭނެއެވެ.

އިތުރު މަޢުލޫމާތުު:

އިތުރު މަޢުލޫމާތު ހޯދުމަށް ގުޅާނީ، 3390635 ނަންބަރު ފޯނަށެވެ.

7 ޝަޢުބާން 1436