އިޢުލާން

މަގުގެ ދުވާރުކައިރީގައި ހަދާފައިވާ ގްރީން އޭރިޔާގައި ގަސްއިންދުން

             އައްޑޫސިޓީގެ ގިނަ މަގުތައް ރަނގަޅު ފެންވަރުގައި ހެދުމުގެ މަސައްކަތުގެ ތެރޭގައި ބޮޑެތި މަގުތައް ޑިޒައިން ކުރެވިފައިވަނީ މަގުގެ ދުވާރުކައިރީ ބަގީޗާ އިންދުމަށް ޚާއްސަ ކުރެވިފައިވާ ގްރީން އޭރިޔާ ހިމެނޭގޮތަށެވެ. މިތަނަކީ ކުދި ގަސްތައް އިންދުމަށް ޚާއްސަކުރެވިގެން ހަދާފައިވާ ތަނެކެވެ. ނަމަވެސް ބައެއްތަންތަނުގައި ބޮޑެތި ގަސްތައް ޖަހާފައިވާކަން ފާހަނގަ ކުރެވެއެވެ. އޭގެ ސަބަބުން އެގަސްތައް ބިޔަވުމުން މަގާއި މަގުގެ ދުވާރަށް ގަހުގެ މޫތަކުން ގެއްލުން ލިބޭނެ ކަމަކަށް ވާތީ އަމިއްލަ ފަރާތްތަކުން ކައުންސިލްގެ ހުއްދަނެތި ގްރީން އޭރިޔާގައި ގަސް އިންދުމަކީ މަނާކަމެއްކަމުގައި އެންގީމެވެ.

             މިދެންނެވިގޮތާއި ޚިލާފަށް ގްރީން އޭރިޔާގައި ހައްދާފައިވާ ގަސްތައް ނެގުމުގެ މަސައްކަތް މިއިދާރާއިން ކުރިއަށް ގެންދާނެ ވާހަކަވެސް އާއްމުކޮށް އަންގާ އިޢުލާންކުރީމެވެ.

02 ޞަފަރު 1446

06 އޮގަސްޓް 2024