އިޢުލާން

              މިކައުންސިލްގެ ފަރާތުން "ހިންމަފުށި ފުޓްސަލް ޗެލެންޖް 2024" ނަމުގައި ފިރިހެން އަދި އަންހެން ޑިވިޝަން ހިމެނޭ ގޮތަށް ފުޓްސަލް މުބާރާތެއް ބޭއްވުމަށް ވަނީ ހަމަޖެހިފައެވެ. މިމުބާރާތަކީ ކައުންސިލުން ބާއްވާ ދެވަނަ ފުޓްސަލް މުބާރާތެވެ. މިއަހަރު ފުޓްސަލް ޗެލެންޖު ފެށުމަށް ހަމަޖެހިފައިވަނީ 10 އޮކްޓޫބަރ 2024 ގައެވެ.

              މި މުބާރާތް  ހިންމަފުށީގައި ދިރިއުޅޭ ރައްޔިތުންނަށް ހާއްސަކޮށްފައިވާއިރު އަންހެން ޑިވިޝަން އާއި ފިރިހެން ޑިވިޝަން، ދެ ޖިންސް އަށް ވަނީ ހުޅުވައިލެވިފައެވެ. ނަމަވެސް އެއްވެސް މުއައްސަސާއެއްގެ ނަމުގައި ބައިވެރިނުވެވޭނެއެވެ.  މިމުބާރާތުގައި ކުޅެވޭނީ އުމުރުން 16 އަހަރު ފުރިފައިވާ ކުޅުންތެރިންނަށެވެ. (އުމުރުން 16 އަހަރު ފުރިފައިވީނަމަވެސް ސުކޫލެއްގައި ކިޔަވާ ކުއްޖެއްނަމަ ކިޔަވާ ސްކޫލަކުން ހުއްދަ ދިންކަމުގެ ލިޔުން ހުށަހަޅަންވާނެއެވެ. އަދި 18 އަހަރުން ދަށުގެ ކުދިންގެ ބެލެނިވެރިޔާގެ ލިޔުން ހުށަހަޅަން ވާނެއެވެ.) އަދި މިމުބާރާތުގެ ޑިވިޝަން ތައް ކުރިއަށް ގެންދެވޭނީ މަދުވެގެން 3 ޓީމްބައިވެރިވާނަމައެވެ.

             ވީމާ މި މުބާރާތުގައި ބައިވެރިވާން އެދޭ ޓީމްތަކުން  15 އޯގަސްޓް 2024 ވާ ބުރާސްފަތި ދުވަހުގެ 12:00 ޖެހުމުގެ ކުރިން ރެޖިސްޓްރޭޝަން ފޯމް ކައުންސިލް އިދާރާ އަށް ހުށަހަޅާ ދެއްވުން އެދެމެވެ.

             މި އިޢުލާނާއެކު މުބާރާތުގެ ޤަވާޢިދު އަދި ޓީމްލިސްޓް ހުށަހާޅާ ފޯމް އާންމުކުރީމެވެ.