އިޢުލާން

ފަޔަރަވޯލް އަދި މައިކްރޯސޮފްޓް 365 ބިޒްނަސް ލައިސަންސް އައުކުރުން

       މި ބިއުރޯގަ ބޭނުންކުރަމުންދާ ފަޔަރވޯލް ލައިސަންސް އަދި މައިކްރޯ ސޮފްޓް 365 ބިޒްނަސް ލައިސަންސް 1 އަހަރު ދުވަހަށް އައުކުރަން ބޭނުންވެއްޖެއެވެ.  

       ވީމާ، މަސައްކަތްކޮށްދެއްވުމަށް ޝައުގެވެރިވެވަޑައިގަންނަވާ ފަރާތްތަކުން 2024 ޖުލައި 4 ވަނަ ދުވަހުގެ 13:30 އަށް މިބިއުރޯ ހިނގަމުންދާ އިމާރާތް " ދާރުލް އީމާން ބިލްޑިންގ" ގެ 8 ވަނަ ފަންގެފިލާއަށް ވަޑައިގެން އަގު ހުށަހެޅުއްވުން އެދެމެވެ.

       މި ބީލަމާއިބެހޭ މައުލޫމާތު ކަރުދާސް މިއިއުލާނާއިއެކު އެއްކަރުދާސް ކުރެވިފައިވާނެއެވެ. އަދި މިމަޢުލޫމާތު މިބިއުރޯގެ ވެބްސައިޓް  http://www.statisticsmaldives.gov.mv   އިންވެސް ލިބެން ހުންނާނެވާހަކަ ދެންނެވީމެވެ. ބީލަމްގައި ބައިވެރިވާ ފަރާތްތަކުން 2024 ޖުލައި 3 ވަނަ ދުވަހުގެ 14:00 ގެ ކުރިން ބީލަމްގައި ރަޖިސްޓްރީވުމަށް އެދޭފޯމް ފުރިހަމަ ކުރުމަށްފަހު  [email protected] އަށް އީމެއިލްކުރައްވައި ރަޖިސްޓްރިވިކަން ޔަގީން ކުރައްވަންވާނެއެވެ. ބީލަމުގައި ބައިވެރިވެވޭނީ ރަޖިސްޓްރީވެފައިވާ ފަރާތްތަކަށް އެކަންޏެވެ. އަދި  މިމަސައްކަތަށް ކޮށްދެއްވުމަށް ކުރިމަތިލެވޭނީ މިފަދަ ޚިދުމަތް ދެއްވާ އޮތޮރައިސްޑް ރީސެލަރއިންނަށް އެކަންޏެވެ.

       މިބީލަމާއި ގުޅޭގޮތުން އިތުރު މަޢުލޫމާތެއް އޮޅުންފިލުއްވަން ބޭނުންފުޅުވެލައްވާނަމަ މި ބިއުރޯގެ ފޯން ނަންބަރު. 3008400 އަށް ގުޅުއްވުން އެދެމެވެ.

            20 ޛުލްޙިއްޖާ 1445

            27 ޖޫން 2024