ވީޑިއޯ ތައްޔާރުކޮށްދޭނެ ފަރާތެއް ބޭނުންވެއްޖެ

ފުޑް އެންޑް އެގްރިކަލްޗަރ އޯގަނައިޒޭޝަންގެ ހިލޭ އެހީގައި ދިވެހިރާއްޖެއަށް ތައްޔާރުކުރަމުންދާ "ގުޑް އެގްލިކަލްޗަރަލް ޕްރެކްޓިސަސް ފޯ ފްރުޓްސް އެންޑް ވެޖިޓަބަލްސް" (ދަނޑުވެރިކަމުގެ ރަނގަޅު އާދަތައް) ސްކީމާ ގުޅޭ ވީޑިއޯތަކެއް ތައްޔާރުކުރުމަށް 30 އެޕްރީލް 2015 ގައި ކުރެވުނު މިމިނިސްޓްރީގެ ނަންބަރު: IUL)30-G/1/2015/51) އިޢުލާނާ ގުޅިގެން އެކަށީގެންވާ ފަރާތްތަކުން ކުރިމަތިލާފައިނުވާތީ، އެއިޢުލާން ބާޠިލުކޮށް، މިމަސައްކަތް ކޮށްދެއްވާނެ ފަރާތެއް ހޯދުމަށް އަލުން އިޢުލާންކުރަމެވެ.

ވީމާ، މިވީޑިއޯތައް ތައްޔާރުކޮށްދިނުމަށް ބޭނުންފުޅުވާ ފަރާތްތަކުން 17 މޭ 2015 ވާ އާދީއްތަ ދުވަހުގެ 11:00 އަށް ވެލާނާގޭގެ 4 ވަނަ ފަންގިފިލާގައިވާ މިމިނިސްޓްރީގެ މީޓީންގރޫމަށް ވަޑައިގެން މަޢުލޫމާތު ސާފުކުރެއްވުމަށްފަހު، 20 މޭ 2015 ވާ ބުދަ ދުވަހުގެ 11:00 އަށް އަންދާސީހިސާބު ހުށަހެޅުއްވުން އެދެމެވެ. ޕްރޮޕޯޒަލްތައް ހުޅުވޭނީ ހާޒިރުވެވަޑައިގަންނަވާ ބޭފުޅުންގެ ހާޒިރުގައެވެ. އަދި ދަންނަވަމެވެ. މަޢުލޫމާތު ސާފުކުރުމަށް ދަންނަވާފައިވާ ގަޑިއަށް ވަޑައިނުގަންނަވާ ފަރާތްތަކުގެ އަންދާސީހިސާބު ބަލައެއްނުގަނެވޭނެއެވެ. މިކަމާ ގުޅޭގޮތުން އިތުރު މަޢުލޫމާތު ސާފުކުރައްވަން ބޭނުންފުޅުވާނަމަ މިމިނިސްޓްރީގެ ނަންބަރު 3341836 އަށް ގުޅުއްވުން އެދެމެވެ.

25 ރަޖަބު 1436