ދިވެހިރާއްޖެ
ކޮންސަލްޓެންސީ ޚިދުމަތް ދިނުމަށް އެދި ހުށަހެޅުމުގެ ދަޢުވަތު
ނޭޝަނަލް ކޮންސަލްޓެންޓް ފޮރ ޑިވެލޮޕްމަންޓް ޕޮލިސީސް
އިޤްތިޞާދީ ނިޒާމު އިތުރަށް ހަރުދަނާކުރުމުގެ ގޮތުން މިނިސްޓްރީ އޮފް ފިނޭންސް އެންޑް ޓްރެޜަރީގެ ފަރާތުން ޑިވެލޮޕްމަންޓް ކޮންސަލްޓެންޓެއްގެ ގޮތުގައި 1 އަހަރު ދުވަހު މަސައްކަތްކުރައްވާނެ މީހަކު ހޯދުމަށް ފުރުޞަތު ހުޅުވާލަމެވެ.
މަޤާމުގެ މައިގަނޑު މަސްއޫލިއްޔަތު:
- ނެޝަނަލް މެކްރޮ އިކޮނޮމިކް ޕޮލިސީސް އަދި ފައިނޭންޝަލް ޕޮލިސީސްތައް ބަލައި މި ޕޮލިސީތައް އެކުލަވާލުމުގައި އެހީތެރިވުން.
- މެކްރޯ އިކޮނޮމިކް ފްރޭމްވާރކް ޑިވެލޮޕްމަންޓްގެ މަސައްކަތް ކުރުމާއި އަދި އެކަމާ ގުޅޭ ކަންކަން ކުރުން
- ޤައުމީ ތަރައްޤީގެ އޮނިގަނޑާ އެއްގޮތަށް އެކިއެކި ސަރަޙައްދުތަކަށް ބަހާލެވިފައިވާ މަޝްރޫޢު/ޕްރޮގްރާމްތަކަށް ފައިސާ ބަޖެޓްކުރުމަށްޓަކައި އިސްކަންދޭންވާ ކަންކަމަށް އެހީތެރިވެދިނުން
- ބަޖެޓްގައި ހިމެނިފައިވާ މަޝްރޫޢު/ޕްރޮގްރާމްސް އަދި ދާއިރާތައް ހިމެނިފައިވަނީ ޤައުމީ ތަރައްޤީގެ އޮނިގަނޑާ އެއްގޮތްވާ ގޮތުގެ މަތީންކަން ޔަޤީންކުރުމުގެ ގޮތުން އެކަމަށް ބޭނުންވާ އުސޫލުތައް އެކަށައެޅުމަށް އެހީތެރިވުން
- މިނިސްޓްރީގެ އިކޮނޮމިކް އެންޑް ޑިވެލޮޕްމަންޓް ޕޮލިސީ ޑިވިޜަންގައި އަލަށް އުފައްދާފައިވާ އިކޮނޮމިކް ރިސާޗް ޔުނިޓް ޤާއިމުކޮށް ހަރުދަނާކުރުމަށް އެހީތެރިވުން.
- މަސައްކަތާ ގުޅޭ ތަޖުރިބާގެ އެހީގައި އެކި ގޮތްގޮތުން އެދާއިރާއެއްގައި މަސައްކަތްކުރާ މުވައްޒަފުންގެ ފެންވަރު މަތިކޮށް ތަރައްޤީ ކުރުމަށް އެހީތެރިވުން
- އެކި ޓެކްނީކްތައް ބޭނުންކޮށްގެން ލިބިފައިވާ ނޮލެޖް ހިއްސާކުރުން
ލިބިފައިވާ ތަޢުލީމާއި، މަސައްކަތުގެ ތަޖުރިބާ އަދި ޤާބިލުކަން:
- އެންމެ ދަށްވެގެން ދިވެހިރާއްޖޭގެ ޤައުމީ ސަނަދުތަކުގެ އޮނިގަނޑު ލެވަލް 9 ގެ ސަނަދެއް ހާސިލުކޮށްފައިވުން، ނުވަތަ ދިވެހިރާއްޖޭގެ ޤައުމީ ސަނަދުތަކުގެ އޮނިގަނޑު ލެވަލް 7، 8 ގެ ސަނަދެއް ހާސިލުކޮށްފައިވުމާއެކު، މަޤާމުގެ މަސައްކަތާ ގުޅޭ ދާއިރާއެއްގައި މަދުވެގެން 5 އަހަރު މަސައްކަތްކޮށްފައިވުން.
- ރާއްޖޭގެ އިޤްތިޞާދަށް އަންނަ ބަދަލުތަކާބެހޭ ފަންނީ ޤާބިލުކަން ހުރުމާއެކު އެންމެ ފަހުގެ އިޤްތިޞާދީ އޮއިވަރު އެނގުން.
- އިޤްތިޞާދީ ސިޔާސަތުތަކާގުޅޭ މަސައްކަތްކުރުމުގައި މީހުންނާ ގުޅިގެން މަސައްކަތްކުރުމުގެ ތަޖުރިބާ ލިބިފައިވުން.
މި މަޤާމަށް މީހަކު ހޮވުމުގައި އިސްކަންދެވޭނެ ކަންތައްތައް:
- މެކްރޯ އިކޮނޮމީއާ ގުޅުންހުރި ދާއިރާއެއްގައި 5 އަހަރު މަސައްކަތްކޮށް ތަޖުރިބާ ލިބިފައިވުން
- އިޤްތިޞާދީ ރިޕޯޓްތައް ތައްޔާރުކުރުމުގައި ޢަމަލީގޮތުން މަސައްކަތްކޮށްފައިވުން
ޝަރުޠު ހަމަވާ ފަރާތްތަކުން އެކަމަށް އެދިހުށަހަޅާ ސިޓީއާއެކު ހުށަހަޅަންޖެހޭ ލިޔުންތައް:
- މަތީގައި ދެންނެވިފައިވާ ޝަރުޠުތައް ހަމަވާކަން ސާބިތުކޮށްދޭ ވަނަވަރު (ގުޅުންހުރި ދާއިރާއިން ކޮށްފައިވާ މަސައްކަތްތަކާއި، މަސައްކަތުގެ ތަޖުރިބާ ސާބިތުކޮށްދިނުން)
- ލިބިފައިވާ ތަޢުލީމީ ސެޓުފިކެޓުތަކުގެ ކޮޕީ (އެކްރެޑިޓް ކޮށްފައިވާ ސެޓުފިކެޓުގެ ކޮޕީ) އަދި ޓްރާންސްކްރިޕްޓް. ސެޓުފިކެޓު ލިބިފައިނުވާނަމަ ކޯސް ފުރިހަމަ ކުރިކަމުގެ ލިޔުމާއެކު، މޯލްޑިވްސް ކޮލިފިކޭޝަން އޮތޯރިޓީން ދޫކުރައްވާ އެސެސްމަންޓް ރިޕޯޓް.
ފޮނުވާނީ:
މިނިސްޓްރީ އޮފް ފިނޭންސް އެންޑް ޓްރެޜަރީ
އަމީނީ މަގު، މާލެ، 20379، ދިވެހިރާއްޖެ
ފޯން: 3349335
އީމެއިލް:[email protected]
ސުންގަޑި: 21 މޭ 2015 (ބުރާސްފަތި) ދުވަހުގެ 14:30 ގެ ނިޔަލަށް.
އިތުރު މަޢުލޫމާތު ހޯއްދެވުމަށް ގުޅުއްވާނީ 3349339/3349335 ނަންބަރު ފޯނާއެވެ. އަދި ޝޯޓްލިސްޓް ކުރެވޭ ފަރާތްތަކަށް ފޯނުން ގުޅައި އެކަން އެންގޭނެއެވެ.
މަސައްކަތުގެ އުޖޫރަ:
- މި މަސައްކަތަށް ކަނޑައެޅިފައިވަނީ މަހަކު -/25,000 ރުފިޔާއެވެ.
އެއްބަސްވުމުގެ މުއްދަތު:
- މި މަޤާމަށް ހޮވޭ ފަރާތަކާއި މި މިނިސްޓްރީއާ ދެމެދު 1 އަހަރު ދުވަހުގެ ކޮންޓްރެކްޓެއް ހެދުމަށް ވަނީ ހަމަޖެހިފައެވެ. އަދި މުއްދަތު ހަމަވުމުން މަސައްކަތަށް ބެލުމަށްފަހު މިނިސްޓްރީން ބޭނުންވެއްޖެ ހިނދެއްގައި އެއްބަސްވުމުގެ މުއްދަތު އިތުރުކުރެވޭނެއެވެ.
