މުވައްޒަފުން ބޭނުންވެއްޖެ

މަޤާމު: ކޮމްޕިއުޓަރ ޓެކްނީޝަން  

ބޭނުންވާ އަދަދު : 1 ( އެކެއް )

މަސައްކަތްކުރުމަށް ހަމަޖެހިފައިވާތަން : މުޙްޔިއްދީން ސްކޫލް / މާލެ

ޝަރުޠު : ސިވިލް ސަރވިސްގެ ގަވާއިދުގައިވާ ގޮތުގެ މަތިން ތިރީގައި މިވާ ޝަރުޠުތަކުން ޝަރުޠެއް ފުރިހަމަވުން.

މަޤާމުގެ މަސްއޫލިއްޔަތު:

• ސްކޫލަށް އަލަށް ގެންނަ ކޮމްޕިއުޓަރތަކާއި، ޕްރިންޓަރުފަދަ ތަކެއްޗާއި، އެހެނިހެން އިލެކްޓްރޯނިކް އިކުއިޕްމަންޓްތައް ބަލައި ޗެކްކޮށް އެތަކެތި އިންސްޓޯލް ކުރުން.
• ކޮމްޕިއުޓަރާއި ޕްރިންޓަރު ފަދަ ތަކެއްޗާއި އެހެނިހެން އިލެކްޓްރޯނިކް އިކްއިޕްމަންޓްތަކަށް ދިމާވާ ހާޑްވެއަރއާއި ސޮފްޓްވެއަރ މައްސަލަތައް ޙައްލުކުރުން.
• ކޮމްޕިއުޓަރ ނެޓްވަރކާއި ޓެލެފޯން ނެޓްވޯރކަށް ދިމާވާ މައްސަލަތައް ޙައްލުކުރުން.
• ކޮމްޕިއުޓަރ ލެބްތަކުގައި ދިމާވާ މައްސަލަތައް ޙައްލުކުރުން.
• އިލްކްޓްރޯނިކް އިކްއިޕްމަންޓްތައް ބޭނުންކުރާ ފަރާތްތަކަށް ބޭނުންވާ ފަންނީ ސަޕޯޓް ފޯރުކޮށްދިނުން.
• ރަސްމީ ނޫން ގަޑިތަކުގައިވެސް މަސައްކަތު އުޅެވޭ ކެންޑިޑޭޓަކަށްވުން.
• ސްކޫލުގެ އިންފޮމޭޝަން ޓެކްނޮލޮޖީއާ ގުޅުން ހުރި އެންމެހާ ކަންކަން ކިޔަވައިދިނުމަށާއި އެހެނިހެން ޚިދުމަތްތައް ދިނުމަށް ދަތިނުވާނެގޮތެއްގެ މަތިން މޮނިޓަރކޮށް ބެލެހެއްޓުން.
• ސްކޫލުގެ ކޮމްޕިއުޓަރ ސިސްޓަމްސްތައް މުވައްޒަފުންނަށް ދަތިނުވާނޭ އުސޫލުގެ މަތިން ސިސްޓަމަށް ދިމާވާ މައްސަލަތައް ހައްލުކޮށް މުވައްޒަފަށް އެސިސްޓަމް ބޭނުންކުރެވޭ ހާލަތަށް ގެނެސް މުވައްޒަފަށް އެއްވެސް މައްސަލައެއްނެތި މަސައްކަތް ކުރެވޭތޯ ޔަގީން ކުރުން. 
• ސްކޫލުގެ ކްލާސް ރޫމް، ލެބޯރަޓަރީ، އޭވީ ރޫމް އަދި އެހެނިހެން ތަންތަނުގައި ހަރުކުރެވިފައިވާ ޕްރޮޖެކްޓްތައް މަސައްކަތް ކުރާ މިންވަރު ބަލައި، ޕްރޮޖެޓަރ ސެޓަޕް ހެދުމަށްފަހު ބޭނުންކުރެވޭ ހާލަތެއްގައި ބެހެއްޓުން.
• ސްކޫލުގައި ބޭނުންކުރާ ޕްރިންޓަރތައް ރަނގަޅަށް މަސައްކަތް ކުރޭތޯ ބަލައި، މުވައްޒަފުންނަށް ނެޓްވާރކް މެދުވެރިކޮށް ޕްރިންޓް ކުރެވޭގޮތް ހަދައި، ކުރެވޭތޯ ޗެކްކޮށް ބެލުން. އަދި ޕްރިންޓަރގެ ޓޯނަރ ހުސްވުން ސްޓޮކުން ޓޯނަރ ނެގުމަށްފަހު ޕްރިންޓަރަށް ލައްވައި ޕްރިންޓް ކުރެވޭނޭގޮތް ހެދުން.
• ސްކޫލުގައި ބޭނުންކުރެވޭ ސްކޭނަރުތައް މަސައްކަތް ކުރޭތޯ ބަލައި، އަބަދުވެސް މުވައްޒަފުންނަށް ސްކޭން ކުރެވޭނޭގޮތަށް ސެޓަޕް ހަދާފައި ބެލެހެއްޓުން.
• ޕްރިންޓަރ ، ސްކޭނަރ ، ކޮމްޕިއުޓަރ ސިސްޓަމް ، ލެޕްޓޮޕް ، ޕްރޮޖެކްޓަރ، ސްމާރޓް ބޯޑް އަދި ޑޮކްޓަރ ބޯޑުތައް ބެލެހެއްޓުމަށްޓަކައި ޗެކްލިސްޓް ހަދައި އެތަކެތި ޗެކްކޮށް، ދިމާވާ މައްސަތައް ހައްލުކޮށް އެތަކެތި ބޭނުން ކުރެވޭގޮތް ހެދުން. 
• ހުރިހާ ސިސްޓަމަކަށް އެއް ވަރޝަންގެ ސޮފްވެއަރ އަޅައި އެއްގޮތްކުރުމާއި ސޮފްޓްވެއަރ އަޕްޑޭޓް ކޮށް ބެލެހެއްޓުމާއި، ބަޖެޓް ތަންދިން މިންވަރަކުން އެންޓިވައިރަސް އަޅައި މެއިންޓެއިން ކުރުން.
• ހުރިހާ އައިޓީ މެޝިނަރީ އަދި އިކުއިޕްމަންޓް ފޮޅައި ސާފުކުރުން.
• ސައުންޑްރޫމްގައިވާ ޑީޕީރޫމްގައި ހުރި އިކުއިޕްމަންޓް ބެލެހެއްޓުން.
• ސައުންޑްރޫމް އަދި ޑީޕީރޫމްގައި ހުންނަންޖެހޭ އިކުއިޕްމަންޓް ހުރިތޯ ބަލައި ޗެކްކޮށް ޔަޤީންކޮށް، މިތަކެތި ރޫމުގައި ނެތްނަމަ އެތަކެތި ހުރިތަންތަނުން ގެނެސް އޭވީ ރޫމްގައި ސެޓަޕް ހެދުން، ސްޓޭންޑްބައިގައި ބެހެއްޓުން.
• ސައުންޑްރޫމްގައި އަދި ޑީޕީރޫމްގައި ހުރި ތަކެއްޗަށް ޖެހޭ މައްސަލަ ބަލައި، އެމައްސަލަތައް ރަނގަޅުކުރުން، އެތަކެތި މެއިންޓެއިންކޮށް ބެލެހެއްޓުން.
• ސައުންޑްރޫމް އަދި ޑީޕީރޫމްގައި ހުންނަ ތަކެތި ބާވެ ހަލާކުވެ ބޭނުން ނުކުރެވޭވަރުވުމުން އެތަކެތި ނީލަން ކިއުމަށްޓަކައި ސަރުދާރާ ހަވާލުކުރުން.  
• އޭވީ ރޫމްގައިވާ މެޝިންތަކާއި އިކުއިޕްމަންޓް ބެލެހެއްޓުން.
• އޭވީ ރޫމްގައި ހުންނަންޖެހޭ ޕްރޮޖެކްޓަރ، ލެޕްޓޮޕް ސައުންޑް ސިސްޓަމް ހުރިތޯ ބަލައި ޔަޤީންކޮށް މިތަކެތި ރޫމްގައި ނެތްނަމަ އެތަކެތި ހުރި ތަންތަނުން ގެނެސް އޭވީ ރޫމްގައި ސެޓަޕް ހަދައި ސްޓޭންޑްބައިގައި ބެހެއްޓުން.  
• އޭވީރޫމްގައި ހުރި ތަކެއްޗަށް ޖެހޭ މައްސަލަ ބަލައި އެމައްސަލަތައް ރަނގަޅުކުރުން އަދި އެތަކެތި މެއިންޓެއިންކޮށް ބެލެހެއްޓުން.
• އޭވީރޫމްގައި ހުންނަތަކެތި ބާވެ ހަލާކުވެ ބޭނުން ނުކުރެވޭވަރުވުމުން އެތަކެތި ނީލަން ކިއުމަށްޓަކައި ސަރުދާރާ ހަވާލުކުރުން.
• ސްކޫލުގެ މުވައްޒަފުންނަށް ސާވަރ ޑޮމެއިން ކްރިއޭޓްކުރުމާއި ސްކޫލް މެއިލް ކްރިއޭޓް ކުރުން.
• ސްކޫލަށް އަލަށް ވަޒީފާއަށް ނުކުންނަ މުވައްޒަފުންނަށް ސްކޫލް ސަވަރ ޑޮމެއިން ހެދުމާއި، ސްކޫލް މެއިލް ހަދައި އެމުވައްޒަފުންނަށް ލޮގިން އަދި މެއިލް ބޭނުންކުރެވޭކަން ޔަޤީން ކުރުން.
• ސްކޫލަށް ވަންނަ އިދާރީ މުވައްޒަފުންނަށް ވެރިއެއްގެ ލަފާގެމަތިން ޖެމްސް އެކައުންޓް ހަދައި، މުވައްޒަފަށް އެއެކައުންޓް ބޭނުންކުރެވޭކަން ޔަޤީން ކުރުން.
• ސްކޫލު މެއިލް އަދި ސްކޫލްގެ ޑޮއިމެއިން ލޮގިން އަދި ޖެމްސް ލޮގިންއަށް ޖެހޭ މައްސަލަތައް ރަނގަޅުކޮށް އެމުވައްޒަފުންނަށް އެތަކެތި ބޭނުންކުރެވޭގޮތް ހަދައި ބޭނުންކުރެވޭކަން ޔަޤީންކުރުން.
• ސްކޫލުން ވަކިވާ މުވައްޒަފުންގެ ޑޮމެއިން، މެއިލް، އަދި ގެމްސް ލޮގިން ބްލޮކް ކުރުން.
• ސްކޫލަށް ދަތިނުވާނޭހެން ސްކޫލުގެ ސަރވަރ ޑައުންވިޔަނުދީ ސަރވަރގެ ސެކިއުރިޓީ (އެންޓިވައިރަސް އަދި އެހެނިހެންގޮތް ގޮތުން) ބެލެހެއްޓުން.
• މުޙްޔިއްދީން ސްކޫލް ޕްރޮޕަރޓީގެ ދަށުގައިވާ އައިޓީ އާ ގުޅުންހުރި ސޮފްޓްވެއަރތައް ރައްކާތެރިކަމާއެކު ބެލެހެއްޓުމާއި ސޮފްޓްވެއަރ އަޕްގްރޭޑް ކުރުން.
• ސްކޫލުގައި ކޮމްޕިއުޓަރ ނެޓްވަރކް އެޅުމާއި ނެޓްވާރކަށް ދިމާވާ މައްސަލަތައް ބެލުމާއި ހައްލުކުރުން.
• ސްކޫލުގައި ކިޔަވައިދިނުމަށް ގެންގުޅޭ ސްމާރޓް ބޯޑް އަދި ޑޮކްޓަރ ބޯޑު ބެލެހެއްޓުން.
• ސްމާޓް ބޯޑް އަދި ޑޮކްޓަރ ބޯޑްގެ ސޮފްޓްވެއަރ ބެލެހެއްޓުމާއި އެތަކެތި ބޭނުންކުރެވޭ ގޮތަށް ސްޓޭންޑް ބައިގައި ބެހެއްޓުން.
• ސްމާޓް ބޯޑް އަދި ޑޮކްޓަރ ބޯޑްގެ ހާޑްވެއަރގެ ތެރޭގައި ހިމެނޭ ތަކެތި ހަމަކޮށް ބޯޑް ބޭނުންކުރެވޭ ގޮތަށް އެތަކެތި މުވައްޒިފުންނަށް ބޭނުންކުރެވޭނެ އިންތިޒާމު ހަމަޖެއްސުން.  
• ސްކޫލުގެ އެކިއެކި ހަރަކާތްތަކަށާއި، ޖަލްސާއާއި ވާރކްޝޮޕް އަދި އެސްމްލީގަޑީގައި ސައުންޑް އަދި ޕްރޮޖެކްޓަރ ސެޓަޕް ހެދުން.
• ކޮންމެ ދުވަހަކު ސްކޫލުގެ އެންސެމްބްލީ ގަޑިޖެހުމުގެ ކުރިން ސައުންޑް ރެޑީކޮށް އެސެމްބްލީ ގަޑީގައި ސައުންޑް ކަންކަން ހިނގަމުންދާގޮތް ބަލައި މައްސަލައެއް ދިމާވެއްޖެނަމަ އެކަން ހައްލުކޮށްދިނުން.
• ސްކޫލުގައި ބާއްވާ ހަފްލާތަކާއި މީޓިން، ވަރކްޝޮޕް އަދި އެކިއެކި ހަރަކާތްތަކަށް ސައުންޑް ހެދުމާއި ޕްރޮޖެކްޓަރ ސެޓަޕް ހެދުން.
• ސްކޫލުގެ ހަފްލާތަކާއި ޖަލްސާ އަދި މީޓިންގތަކުގައި ސައުންޑް ހެދުމަށްފަހު އެއިވެންޓެއް ނިމެންދެން ސައުންޑް އަދި ޕްރޮޖެކްޓަރގެ ކަންކަން ހިނގަމުންދާގޮތް ބަލައި މައްސަލައެއް ދިމާވެއްޖެ ހާލަތެއްގައި ހައްލުކުރުން.
• މަތީގައި ބަޔާންކުރެވިފައިވާ އިވެންޓްތައް ނިމުމުން އެރޭންޖް ކުރެވިފައިވާ ތަކެތި ނަގައި ހުންނަންޖެހޭ ތަންތަނަށް ލައި ރައްކާކުރުން.  
• ސްކޫލުގެ ވެބްސައިޓް ޓެކްނިކަލް ގޮތުން ދިމާވާ މައްސަލަތައް ހައްލުކުރުމާއި މޮނީޓަރކޮށް މެއިންޓެއިންކޮށް، ވެބްސައިޓް އަޕްޑޭޓްކުރުމަށް ހަވާލުކޮށްފައިވާ މުވައްޒަފަށް އެހީތެރިވެދީ ސްކޫލުގެ ވެބްޕޭޖް އަޕްގްރޭޑްކުރުން.
• ސްކޫލުގެ ސިސްޓަމްތަކަށް އެސް އޭޕީ ސިސްޓަމް އެޅުން.
• ސްކޫލުގެ ސިސްޓަމްތަކުގެ ތެރެއިން ސެޕް ބޭނުންކުރަންޖެހޭ މުވައްޒަފުންގެ ސިސްޓަމްތަކަށް ސެޕް އެޅުމަށްޓަކައި ރިއެސްޓް މިނިސްޓްރީ އޮފް ފިނޭންސަށް ފޮނުވުން.
• މިނިސްޓްރީ އޮފް ފިނޭންސުން ސެޕް އަޅަން އަންނަންދެން ފޮލޯއަޕް ހަދައި ސެޕް ސްކޫލުގެ ސިސްޓަމްތަކަށް އަޅައި ބޭނުންކުރެވޭތޯ ޔަޤީން ކުރުން.
• ސްކޫލުގެ ހުރިހާ މެޝިނަރީޒްތަކެއްގެ މާސްޓަރޝީޓް ހަދައި، ތިރީގައި ބަޔާން ކުރެވިފައިވާ މާސްޓަރޝީޓް ހަދައި، މަޢުލޫމާތު އެންޓަރކޮށް އަޕްޑޭޓްކޮށް ބެލެހެއްޓުން.
• މެޝިނަރީތަކުގެ މާސްޓަރ މަޢުލޫމާތުޝީޓެއް ތައްޔާރުކޮށް އަޕްޑޭޓް ބެލެހެއްޓުން.
• މުވައްޒަފުންގެ ޑޮމެއިން ލޮގިން އަދި މެއިލް ލޮގިންގެ ޑީޓެއިލް މަޢުލޫމާތުޝީޓު ތައްޔާރުކޮށް އަޕްޑޭޓް ބެލެހެއްޓުން.
• މަޤާމާ ގުޅޭގޮތުން މުޙްޔިއްދީން ސްކޫލުން ހަވާލުކުރާ މިނޫން ކަންތައްތައްވެސް ކުރުން.

o މިވަޒީފާއަށް މީހަކުހޮވުމުގައި ބަލާނެ އިތުރު ކަންތައްތައް:

  - ވަޒީފާއަށް އެންމެ ޤާބިލު މީހަކު ހޮވުމަށްޓަކައި ބޭއްވޭ އިންޓަވިޔުކުރުން.

  - މިމަޤާމަށް މީހަކު ހޮވުމަށް ބާއްވާ އިންޓަރވިއު އޮންނާނީ 03 މޭ 2015 އިން 07 މޭ 2015 އާ ދެމެދު މުޙްޔިއްދީން ސްކޫލްގައެވެ.

ހުށަހަޅުއްވަންޖެހޭ ތަކެތި:    

• ސިވިލް ސާރވިސްގެ ވަޒީފާއަށް އެދޭ ފޯމު
• ތަޢުލީމީ ސެޓުފިކެޓުތަކުގެ އެކްރެޑިޓް ކޮށްފައިވާ ކޮޕީ
• ތަޖުރިބާގެ ލިޔުންތައް
• މުއްދަތު ހަމަނުވާ އައިޑީ ކާޑުގެ ސާފު ފޮޓޯކޮޕީ (އަސްލާ އެއްގޮތްކަމަށް ރަސްމީ ފަރާތްތަކުން ނުވަތަ، ޤާނޫނީ ވަކީލެއްގެ އޮފީހުން ތައްގަނޑު ޖަހާފައިވާ އަސްލު)
• ވަޒީފާއަށް ކުރިމަތިލައްވާ ފަރާތުގެ ވަނަވަރު
• ސިވިލްސަރވިސްއަށް / ސަރުކާރަށް ޚިދުމަތްކުރުމުގެ އެއްބަސްވުމެއް އޮތް މުވައްޒަފުން، ކުރިމަތިލާ މަޤާމަށް ހޮވިއްޖެނަމަ، އަދާކުރަމުންދާ ވަޒީފާއިން ވީއްލުމާމެދު އިއުތިރާޒެއް ނެތްކަމަށް، އެ މުވައްޒަފު ވަޒީފާ އަދާކުރާ އޮފީހުގެ ލިޔުން.

ނޯޓް: ތަޖުރިބާގެ މުއްދަތު ގުނާނީ ސީވީގައި ބަޔާންކޮށްފައިވާ ތަންތާނގައި ވަޒީފާ އަދާކޮށްފައިވާ ކަމުގެ ރަސްމީ ލިޔުމެއް ހުށަހެޅުމުންނެވެ.

- ވަޒީފާއަށް އެދޭ ފޯމު މި ސްކޫލުގެ ކައުންޓަރުން ލިބެން ހުންނާނެއެވެ. އަދި www.muhyiddinschool.edu.mv އިން ޑައުންލޯޑް ކުރެއްވޭނެއެވެ.

އިތުރުގަޑީގެ ފައިސާ: މިމަޤާމުތަކަށް އިތުރުގަޑީގައި މަސައްކަތް ކުރަންޖެހޭނަމަ، ހަމަޖެހިފައި އޮންނަ އުސޫލެއްގެ މަތިން އިތުރުގަޑީގެ ފައިސާ ލިބޭނެއެވެ.

ސުންގަޑި: 03 މޭ 2015 ވާ އާދީއްތަ ދުވަހުގެ 12:00 ގެ ކުރިން ބަޔާން ކުރެވިފައިވާ ތަކެއްޗާއެކު މުޙްޔިއްދީން ސްކޫލަށް ހުށަހެޅުއްވުން އެދެމެވެ.

ނޯޓް: ޝަރުޠު ހަމަނުވާ އެޕްލިކޭޝަންތަކާއި، ހުށަހަޅަންޖެހޭ ތަކެތި ހަމައަށް ހުށަހަޅުއްވާފައި ނުހުންނަ އެޕްލިކޭޝަންތައް އަދި ފެކްސް މެދުވެރިކޮށް ފޮނުވާ އެޕްލިކޭޝަންތައް ބަލައިނުގަނެވޭނެ ވާހަކަ ދެންނެވީމެވެ.

އިތުރު މަޢުލޫމާތު ހޯއްދެވުމަށް: ފޯނު: 3390635