|
2024 ވަނަ އަހަރުގެ އެސް.އެސް.ސީ އިމްތިހާނަށް މާކަރުންނާއި ކްލެރިކަލް މުވައްޒަފުން ހޯދުމަށް ކުރި މި ޑިޕާޓްމަންޓްގެ ނަންބަރު: (IUL)120-C/1/2024/17،) 18 މާރިޗު 2024) ގެ އިޢުލާނަށް އެކަށީގެންވާ ވަރަށް ކްލެރިކަލް މުވައްޒަފުން ލިބިފައި ނުވާތީ، ކްލެރިކަލް މުވައްޒަފުން ހޯދުމަށް އަލުން އިޢުލާނުކުރަމެވެ. ކުރީގެ އިޢުލާނަށް އިޖާބަދެއްވައި ފޯމު ހުށަހެޅުއްވި ފަރާތްތަކުން މި އިޢުލާނަށް ފޯމު ހުށަހަޅުއްވަން ނުޖެހޭނެ ވާހަކަ ދަންނަވަމެވެ.
|
|
ޝަރުޠު:
|
މާކިންގެ އިދާރީ މަސައްކަތް ކުރުމަށް އެއްބަސްވާ އަހަރުގެ އިމްތިޙާނުގައި ތިމާ ނުވަތަ ތިމާގެ ދަރި ބައިވެރި ވެފައިނުވުން
- ސާނަވީ ނުވަތަ އެއަށްވުރެ މަތީ ސަނަދެއް އޮތުން.
ނުވަތަ މާކިންގެ އިދާރީ މަސައްކަތުގައި މަދުވެގެން 1 އަހަރު ދުވަހުގެ ތަޖުރިބާ ލިބިފައިވުން
|
|
މަސްޢޫލިއްޔަތު:
|
2024 ވަނަ އަހަރު އެޕްރީލްމަހުގައި އޮންނަ ސާނަވީ އިމްތިޙާނުގެ ނަތީޖާ ނެރުމަށްޓަކައި ޗީފް އެގްޒޭމިނަރުގެ ލަފަޔާ އިރުޝާދުގެ ދަށުން އިދާރީ އެންމެހާ މަސައްކަތް ކުރުން
|
|
މަސައްކަތް ކުރިއަށް ދާނެ ތާރީޚްތަކާއި ގަޑިތައް:
|
- މާކިންގ ވާރކްޝޮޕް:
07 މެއި 2024 އިން 09 މެއި 2024 އަށް (08:30 އިން 18:00 އަށް)
- މާކިންގ:
11 މެއި 2024 އިން 23 މެއި 2024 އަށް (08:30 އިން 18:00 އަށް)
|
|
އުޖޫރަ:
|
- މަސައްކަތް ކުރާ ކޮންމެ ގަޑިއަކަށް -/60ރ (ފަސްދޮޅަސް ރުފިޔާ)
- ކުލްރިކަލް މުވައްޒަފުން މާކިންގ މަސައްކަތް ވޭތުވެދިޔަ 5 އަހަރުގެ ތެރެއިން 3 އަހަރު ކޮށްފައިވާނަމަ، ކޮންޓިނިއުޓީ އެލަވަންސްގެ ގޮތުގައި 1,000.00 (އެއްހާސް) ރުފިޔާ އެވެ.
|
|
ހުށަހަޅަންޖެހޭ ތަކެތި:
|
- މާކިންގެ މަސައްކަތަށް އެދި ހުށަހަޅާ ފޯމު
- ވަނަވަރު (ސީ.ވީ)
- ދިވެހިރައްޔިތެއްކަން އަންގައިދޭ ކާޑުގެ ކޮޕީ
- ލިބިފައިވަ އެންމެ މަތީ ތަޢުލީމީ ސެޓްފިކެޓްގެ ކޮޕީ
- ވަޒީފާ އަދާކުރާނަމަ އެކަމުގެ ލިޔުން
|
|
ސުންގަޑި:
|
2024 އޭޕްރީލް 24 ބުދަ ދުވަހުގެ 13:00 ގެ ކުރިން
|
|
އެދެންވީ ގޮތް:
|
- ޝައުޤުވެރިވާ ފަރާތްތަކުން މިކަމަށް ޚާއްޞަ ކުރެވިފައިވާ "މާކުކުރުމުގެ މަސައްކަތަށް އެދޭ ފޯމު" ފުރިހަމަ ކުރެއްވުމަށްފަހު ހުށައަޅަންޖެހޭ ހުރިހާ ޑޮއިކުމަންޓްތަކެއް 01 ފައިލް އަކަށްވާ ގޮތަށް ޕީ.ޑީ.އެފް ކުރުމަށްފަހު، ފައިލު ނަމުގައި ފޯމުހުށަހަޅާ ފަރާތުގެ ފުރިހަމަ ނަން ލިޔުއްވުމަށް ދަންނަވަމެވެ.
- މާކުކުރުމުގެ މަސައްކަތަށް އެދޭ ފޯމު ފޮނުއްވާނީ ޑިޕާޓްމަންޓް އޮފް ޕަބްލިކް އެގްޒެމިނޭޝަންސް އަށް އީ-މެއިލް މެދުވެރިކޮށް [email protected] އަށެވެ. (ފޯމުތައް ބަލައިގަތުމަށް ހަމަޖެހިފައިވަނީ ހަމައެކަނި އީ-މެއިލް މެދުވެރިކޮށް)
- މާކުކުރުމުގެ މަސައްކަތަށް އެދޭ ފޯމު މި ޑިޕާޓްމަންޓް ގެ ވެބްސައިޓުން www.dpe.edu.mv ލިބެން ހުންނާނެއެވެ.
- އެސް.އެސް.ސީ/އެޗް.އެސް.ސީ އިމްތިޙާނު މާކު ކުރުމުގެ މަސައްކަތަށް މީހުންނެގުމުގެ އުސޫލު މި ޑިޕާޓްމަންޓް ގެ ވެބްސައިޓުން ލިބެން ހުންނާނެއެވެ.
- އިތުރު މައުލޫމާތު ހޯއްދެވުމަށް 4003999 ނުވަތަ 7957373 ގުޅުއްވުން އެދެމެވެ.
|
