މޯލްޑިވްސ ނާރސިންގ ކައުންސިލްގެ ރެޖިސްޓްރޭޝަންއާ ބެހޭ

މޯލްޑިވްސް ނާރސިންގ ކައުންސިލްގައި ރަޖިސްޓްރޭޝަނެއް ނެތި އަދި ރެޖިސްޓްރޭޝަން އައުނުކޮށް ނަރުހުން މަސައްކަތް ކުރަމުން ދާކަން ފާހަގަކުރެވެއެވެ. މޯލްޑިވްސް ނާރސިންގ ކައުންސިލުގައި ރަޖިސްޓަރީނުކޮށް އަދި ރެޖިސްޓްރޭޝަން އައުނުކޮށް މަސައްކަތް ކުރުމަކީ މަނާކަމެއްކަމުގައާއި މިގޮތަށް ޢަމަލު ކުރައްވާ ފަރާތްތަކާމެދު ނާރސިންގ ކައުންސިލުން ފިޔަވަޅު އެޅޭނެކަން އެފަރާތްތަކަށް އަންގަމެވެ. ހަމައެފަދައިން، ރަޖިސްޓަރީ ނުކުރާ ނުވަތަ، ރަޖިސްޓްރޭޝަންގެ މުއްދަތު ހަމަވެފައިވާ، ނަރުހުން ލައްވައި މަސައްކަތް ކުރުވުމަކީވެސް މަނާކަމެއް ކަމުގައި ދަންނަވަމެވެ. ވީމާ، ރަޖިސްޓަރީނުކޮށް ނުވަތަ ރަޖިސްޓްރޭޝަން އައު ނުކޮށް މަސައްކަތްކުރާ ފަރާތްތަކަށް ނާރސިންގ ކައުންސިލުގައި ރަޖިސްޓަރީ ކުރުމަށް ދަންނަވަމެވެ. އަދި ކައުންސިލުގައި ރަޖިސްޓަރީނުކޮށް މަސައްކަތް ކުރާ ފަރާތްތަކާ މެދު ފިޔަވަޅު އެޅޭނެ ވާހަކަ އަންގައި އިޢުލާން ކުރީމެވެ.