މަޤާމް:         އެސިސްޓަންޓް އެޑްމިނިސްޓްރޭޓިވް އޮފިސަރ (ވަގުތީ)

ބޭނުންވާ ޢަދަދު:      01 (އެކެއް)

ބޭނުންވާ މުއްދަތު:      06 މަސް

އުޖޫރަ:          ގަޑިއަކަށް -/60 ރުފިޔާ

މަސައްކަތް ކުރަންޖެހޭ ވަގުތު:  ދުވާލަކު 7 ގަޑިއިރު

މަސައްކަތް ކުރަންޖެހޭ ތަން:   މާލެ

މަޤާމުގެ މައިގަނޑު މަސްއޫލިއްޔަތު: 

1- ސަރުކާރުގެ އޮފީސްތަކުންނާއި މުއައްސަސާތަކުން ރެކޯޑު ސާފުކުރުމަށް ފޮނުވާ ސިޓީތަކާއި ފޯމުތަކަށް ޖަވާބު ތައްޔާރުކުރުމަށްފަހު ފޮނުވުން.

2- މި ސެކްޝަނުން ޑިސްޕެޗްކުރެވޭ ސިޓީތަކުގެ ރަޖިސްޓްރީ އަޕްޑޭޓްކުރުމާއި ރެކޯޑު ބެލެހެއްޓުމުގައި އެހީތެރިވެދިނުން.

3- އާންމު ފަރާތްތަކުން ގެންނަ ކުށުގެ ރެކޯޑު ފޯމު ދުވަހުން ދުވަހަށް ސާފުކުރުމަށްފަހު އެފަރާތްތަކާއި ޙަވާލުކުރުމުގައި އެހީތެރިވެދިނުން.

4- ކުށުގެ ރެކޯޑު ސާފުކުރުމަށް އާންމު ފަރާތްތަކުން ހުށަހަޅާ ސިޓީތަކަށް ރެކޯޑު ސާފުކޮށްދިނުމުގައި އެހީތެރިވެދިނުން.

5- ކުށުގެ ރެކޯޑު ސާފުކޮށްދެވޭ ފޯމުތަކުގެ ތަފާސްހިސާބު ދުވަހުން ދުވަހަށް އަޕްޑޭޓްކުރުމުގައި އެހީތެރިވެދިނުން.

6- މިއޮފީހުގެ ފައިލިންގ ސިސްޓަމް ޤާއިމުކުރުމުގެ މަސައްކަތްކޮށް، އޮފީހުގެ ހުރިހާ ރެކޯޑުތަކެއް ތަރުތީބުން އާކައިވްކުރުމުގެ އެންމެހައި މަސައްކަތްކުރުމުގައި އެހީތެރިވެދިނުން.

7- އޮފީހުގެ މަސައްކަތްތަކާ ގުޅިގެން އެއްކުރަންޖެހޭ ތަފާސްހިސާބު އެއްކުރުމުގެ އެންމެހައި މަސައްކަތްކުރުން.

8- އޮފީހުން އާންމުކުރަން ބޭނުންވާ ތަފާސްހިސާބުތައް ތައްޔާރުކުރުމުގެ އެންމެހައި މަސައްކަތްކުރުން.

9- މީގެ އިތުރުންވެސް އޮފީހުގެ މަސައްކަތާ ގުޅިގެން ކުރަންޖެހޭ އެންމެހައި މަސައްކަތެއް ކުރުން.

ފެންވަރު ނުވަތަ ޝަރުޠު: ޖީ.ސީ.އީ. އޯ ލެވެލް ނުވަތަ އެފެންވަރުގެ އިމްތިޙާނަކުން 3 މާއްދާއިން ދަށްވެގެން "ސީ" ގްރޭޑް ލިބިފައިވުމާއެކު، އެސް.އެސް.ސީ އިމްތިޙާނުން "ދިވެހި" މި މާއްދާއިން ދަށްވެގެން "ސީ" ގްރޭޑް ލިބިފައިވުން.

ވީމާ، މި މަޤާމަށް އެދިވަޑައިގަންނަވާ ފަރާތްތަކުން 15 އޮކްޓޫބަރު 2023  ވަނަ ދުވަހުގެ މެންދުރު 12:00 ގެ ކުރިން ވަޒީފާއަށްއެދޭ ފޯމް ފުރިހަމަކުރެއްވުމަށްފަހު، މި އޮފީހަށް ހުށަހެޅުއްވުން އެދެމެވެ. އިތުރު މަޢުލޫމާތު ސާފުކުރެއްވުމަށް މިއޮފީހުގެ ނަންބަރު: 3003289 ފޯނާ ގުޅުއްވުން އެދެމެވެ.

ނޯޓް: 1- މަޢުލޫމާތު ފުރިހަމަނުވާ ފޯމްތަކާއި މަޤާމުގެ ޝަރުޠު ފުރިހަމަނުވާ ފޯމުތައް ބަލައިނުގަނެވޭނެ ވާހަކަ ދެންނެވީމެވެ. މިއޮފީހުގެ ކައުންޓަރުން ފޯމު ބަލައިގަންނާނީ ރަސްމީ ބަންދުނޫން ކޮންމެ ދުވަހެއްގެ 11:00 އިން 12:00 އަށެވެ.

2- މިއޮފީހުގެ އީމެއިލް [email protected] މެދުވެރިކޮށްވެސް އެޕްލިކޭޝަން ފޯމް ބަލައިގަނެވޭނެއެވެ. މި އިޢުލާނާއި ގުޅިގެން އީމެއިލް މެދުވެރިކޮށް ފޮނުވާ ފޯމްތައް ބަލައިގަނެވޭނީ އެއް ޑޮކިއުމަންޓެއްގެ ގޮތުގައި ފީ.ޑީ-އެފް (PDF) ފޯމެޓްގައި ފޮނުވާ ފޯމްތައް އެކަނި ކަމުގައި ދެންނެވީމެވެ.

3- މި މިމަޤާމަށް މީހަކު ހޮވުމަށް ބޭއްވޭ އިންޓަވިއު އޮންނާނީ 16 އޮކްޓޫބަރު 2023 – 31 އޮކްޓޫބަރު 2023 ދެމެދު މާލޭގައެވެ.

ފޯމާއެކު ހުށަހަޅަންޖެހޭ ތަކެތި:

1- މަޢުލޫމާތު ފުރިހަމަކޮށްފައިވާ ޕްރޮސިކިއުޓަރ ޖެނެރަލްގެ އޮފީހުގެ ވަޒީފާއަށް އެދޭ ފޯމު (ވަޒީފާއަށް އެދޭ ފޯމު މިއޮފީހުގެ ކައުންޓަރުންނާއި ވެބްސައިޓް www.pgoffice.gov.mv  އިން ލިބެންހުންނާނެއެވެ.)

2- ތަޢްލީމީ ސެޓްފިކެޓްތަކުގެ ކޮޕީ ޓްރާންސްކްރިޕްޓާއެކު (ރާއްޖެއިން ބޭރުގެ ޔުނިވަރސިޓީއަކުންނަމަ މޯލްޑިވްސް ކޮލިފިކޭޝަން އޮތޯރިޓީއިން އެކްރެޑިޓް ކުރެވިފައިވާ ކޮޕީ) ނުވަތަ: ސެޓްފިކެޓު ނެތް ހާލަތްތަކުގައި، ކޯސް ފުރިހަމަކުރިކަމުގެ ލިޔުމުގެ ކޮޕީއާއި، މޯލްޑިވްސް ކޮލިފިކޭޝަންސް އޮތޯރިޓީން ދޫކޮށްފައިވާ އެމް.ކިއު.އޭ އެސެސްމެންޓް ރިޕޯރޓްގެ ކޮޕީ އަދި ޓްރާންސްކްރިޕްޓްގެ ކޮޕީ

3- މަތީ ތައުލީމުދޭ ރާއްޖޭގެ މަރުކަޒަކުން ދޫކޮށްފައިވާ ތައުލީމީ ސެޓުފިކެޓުތަކުގެ ކޮޕީއާއި ޓްރާންސްކްރިޕްޓްގެ ކޮޕީ؛ ނުވަތަ ކޯސް ފުރިހަމަކުރިކަމުގެ ލިޔުމުގެ ކޮޕީއާއި ޓްރާންސްކްރިޕްޓްގެ ކޮޕީ.

4- ވަނަވަރު

5- ދރއ. ކާޑުގެ ކޮޕީ

6- ލިބިފައިވާ މަސައްކަތު ތަޖުރިބާ ދަލީލުކޮށްދޭ ލިއުން

23 ރަބީޢުލްއައްވަލް 1445