ދިވެހިރާއްޖެ
މަސްމާރުކޭޓުގެ 03 ޖާގައިގައި ރަޖިސްޓްރީ ވެގެން މަސްކެނޑުމުގެ ޚިދުމަތް ދިނުމުގެ ފުރުޞަތު ހުޅުވާލަމެވެ. އެގޮތުން އިޢުލާން ކުރެވޭ 03 ޖާގައަކީ އުތުރު އަށިން ޖާގަ ނަންބަރ 1،2 އަދި 3 އެވެ. މިކަމަށް ޝައުގުވެރިވެލައްވާ ފަރާތްތަކުން 05 ސެޕްޓެމްބަރ 2023 ވާ އަންގާރަ ދުވަހުގެ 14:00 ގެ ކުރިން "ކުޅުދުއްފުށި މަސްމާރުކޭޓުގައި މަސްކެނޑުމުގެ ޚިދުމަތް ދިނުމަށް އެދި ހުށަހަޅާ ފޯމް" މިއިދާރާއަށް ހުށަހެޅުއްވުމަށް ދަންނަވަމެވެ. މިކަމަށް އެދޭ ފޯމް ރަސްމީ ގަޑީގައި މިއިދާރާގެ ކައުންޓަރުން ލިބެން ހުންނާނެއެވެ. އަދި މިއިދާރާގެ ވެބްސައިޓުން ފޯމް ޑައުންލޯޑް ކުރެވެން ހުންނާނެއެވެ. މިޖާގަތައް ދޫކުރުމަށް ހަމަޖެހިފައިވަނީ ފޯމް ހުށަހަޅުއްވާ ފަރާތްތަކުގެ އަދަދު 03 (ތިނެއް) ވުރެން އިތުރުވެއްޖެނަމަ ފޯމް ހުށަހަޅުއްވާފައިވާ ފަރާތްތަކުގެ މެދުގައި ޤުރުއަތު ލައިގެންނެވެ. މިއިޢުލާނާއި ގުޅިގެން ކުރިމަތިލާ ފަރާތްތަކުގެ އެއްބަސްވުމުގެ މުއްދަތު ހަމަވުމުގެ ކުރިން އައު މަސްމާރުކޭޓަށް މަސްކެނޑުން ބަދަލުވާނަމަ އިޢުލާންކުރުމަކާ ނުލައި މިފަރާތްތަކަށް އައު މަސްމާރުކޭޓަށް ބަދަލުކުރެވޭނެއެވެ.
މަސްކަނޑާ އަށިތައް ދޫކުރުމާ ގުޅޭ އިތުރު މައުލޫމާތު މިއިދާރާގެ ވެބްސައިޓްގައި ޝާއިރު ކުރެވިފައިވާ "ކުޅުދުއްފުށީ މަސްމާރުކޭޓުގައި މަސްކެނޑުމުގެ ޚިދުމަތްދޭ ފަރާތްތަކާއި ވިޔަފާރި އުޞޫލުން މަސް ގަނެވިއްކާ ފަރާތްތަކުން ޢަމަލުކުރާ އުޞޫލު" އިން ލިބިލައްވާނެވެ. ތިރީގައިވާ ލިކުން ފޯމާއި އުސޫލް ޑައުންލޯޑް ކުރެވެން ހުންނާނެއެވެ.
- އުޞޫލު ލިންކް: https://kulhudhuffushicity.gov.mv/2021/02/7275/
- ފޯމްގެ ލިންކް: https://kulhudhuffushicity.gov.mv/forms/
ވީމާ، މިކަން އާންމުކޮށް އެންގުމަށްޓަކައި އިޢުލާންކުރީމެވެ.
