މާލޭގެ ބައެއް ސަރަޙައްދުތައް ހިނގާފައިއުޅޭ ސަރަޙައްދުތަކެއްގެ ގޮތުގައި ކަނޑައެޅުމާ ގުޅިގެން 15 ފެބުރުވަރީ 2015 ވަނަ ދުވަހުން ފެށިގެން ރަތްވިލާމަގު (ޖަނަވަރީ މަގުން އިރަށް ހީނާ ގޯޅިއާ ހަމައަށް،). ހީނާގޯޅި، ރަތްވިލާ ހިނގުން (ހިތިގަސްމަގުން އުތުރަށް ހީނާގޯޅިއާ ހަމައަށް،)، އަދި ބުރެވިމަގު ހުޅަނގު ކޮޅުގައި ދެކުނަށް އޮންނަ ހަނިގޯޅިއަކީ ހިނގާފައި އުޅޭ ސަރަހައްދެއްގެ ގޮތުގައި ވަނީ ހަމަޖައްސަވާފައެވެ. މިސަރަޙައްދުތަކުގައި ދިރިއުޅޭ ފަރާތްތަކަށް ޓްރާންސްޕޯޓް އޮތޯރިޓީން ހުއްދަދެވިގެން މިފަރާތްތަކުގެ ވެހިކަލްތައް ޖަނަވަރީ މަގާއި ބުރެވި މަގުގައި ޚާއްޞަ ކޮށްފައިވާ ޕާރކުކުރާ ސަރަހައްދުގައި ޕާރކް ކުރުމަށް ޚާއްޞަ ސްޓިކަރއެއް ދޫކުރުމަށް ވަނީ ހަމަޖެހިފައެވެ. މިދެންނެވި ސްޓިކަރ ދޫކުރުމަށް ހަމަޖެހިފައިވަނީ 16 ފެބުރުވަރީ 2015 ދުވަހުން ފެށިގެން ސަރުކާރު ބަންދުނޫން ކޮންމެ ދުވަހަކު ހެނދުނު 9:00ން ފެށިގެން މެންދުރުފަހުގެ 14:00އަށް މިނިސްޓްރީ އޮފް ހައުސިންގ އެންޑް އިންފްރާސްޓްރަކްޗަރުގެ، ޢާންމު ޚިދުމަތްތަކާބެހޭ ބައި (ތައިސޭކޮށި) ންނެވެ. ސްޓިކަރ ދޫކުރެވޭނީ ހަމައެކަނި މިދެންނެވި ހިނގާފައިއުޅޭ ސަރަޙައްދުގައި ދިރިއުޅެމުންދާ ފަރާތްތަކަށެވެ. ސްޓިކަރ ނަންގަވަން ވަޑައިގަންނަވާއިރު އެފަރާތަކުން އެގެއެއްގައި ދިރިއުޅޭ ކަމުގެ ލިޔުމާއި، އައި.ޑީ ކާޑު އަދި ސައިކަލްގެ ރަޖިސްޓަރީގެ ކޮޕީއެއް ހުށަހެޅުމުން ސްޓިކަރ ދޫކުރެވޭނެއެވެ.