ގައްދޫގެ ގޮނޑުދޮށްތަކުން ވެލިނެގުމާއި ބެހޭ:

ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުމުގެ ޤާނޫނު '' ޤާނޫނު ނަންބަރު: 07/2010 ގެ 151 ވަނަ މާއްދާގެ ދަށުން ގައްދޫ ކައުންސިލަށް ލިބިދޭ ބާރުގެ ދަށުން ކައުންސިލުން ކަނޑައަޅާފައިވާ "ރަށްތަކުގެ ތިމާވެށި ޙިމާޔަތްކުރުމާއި ބެހޭ ގަވާއިދު" ގައި ބަޔާންކޮށްފައިވާ ގޮތުގެ މަތިން ގައްދޫގެ ގޮނޑުދޮށްތަކުން ވެއްޔާއި އަކިރި ނެގުމަކީ މަނާކެމެކެވެ.

މި ގަވައިދުގެ 09 ވަނަ މާއްދާގެ ދަށުން، ކައުންސިލުގެ ސަރަޙައްދުގެ ތެރޭގައި ހިމެނޭ ތަންތަނާއި އަދި ޤުދުރަތީ ގޮތުން ގަލާއި ވެއްޔާއި، އަކިރި އުފެދޭ ތަންތަނުން ގަލާއި، ވެއްޔާއި އަކިރި ނަގަންވާނީ ކައުންސިލުން ކަނޑައަޅާފައިވާ ތަންތަނުން ، މި ގަވައިދުގެ ދަށުން ކައުންސިލުން ހުއްދަ ހޯދައިގެންނެވެ.

އެހެންކަމުން، ރަށުގެ ގޮނޑުދޮށްތަކުން ގަލާއި، ވެއްޔާއި އަކިރި ފަދަ ތަކެތި ނުނެގުމަށް އާންމުކޮށް އިލްތިމާސްކުރަމެވެ. އަދި ރަށުގެ ގޮނޑުދޮށުން ގަލާއި، ވެއްޔާއި އަކިރި ނަގާތަން އެއްވެސް ފަރާތަކަށް ފެނިއްޖެނަމަ 7791755 އަށް ގުޅުއްވައި ރިޕޯޓުކުރުމަށް ދަންނަވަމެވެ.

މި ގަވައިދާއި ޚިލާފުވާ ފަރާތްތަކުން މި ޤަވައިދުގެ 15 ވަނަ މާއްދާގެ ދަށުން ޖޫރިމަނާކުރެވޭނެ ވާހަކަވެސް ދެންނެވީމެވެ.

                މިހެންވެ މިކަން ޢާންމުކޮށް އެންގުމަށްޓަކައި އިޢުލާން ކުރީމެވެ.