ދިވެހިރާއްޖެ
26 އެޕްރީލް 2015 އިން 03 މޭ 2015 ގެ ނިޔަލަށް ފިލިޕިންސްގެ މެނީލާގައި ބޭއްވުމަށް ހަމަޖެހިފައިވާ އޭ.އެފް.ސީ ކޯޗިންގ އިންސްޓްރަކްޓަރ ކޯހުގައި ބައިވެރިވުމަށް ދިވެހިރާއްޖެއަށް 1 ޖާގަ ލިބިފައިވުމާއެކު، މިކޯހުގައި ބައިވެރިވެލައްވަން ބޭނުންވާ ފަރާތްތަކަށް އެފުރުޞަތު ހުޅުވާލަމެވެ. މިކޯހުގައި ބައިވެރިވުމުގެ ޝަރުޠު ތިރީގައި މިވަނީއެވެ.
ޝަރުޠު:
- އޭ.އެފް.ސީ "A" ލައިސަންސް ސެޓުފިކެޓު ހާސިލުކޮށްފައިވާ ފަރާތަކަށްވުން.
- އިނގިރޭސިބަހުން ފަރިތަކަމާއެކު މުޢާމަލާތު ކުރަން (ލިޔުމާއި، ވާހަކަ ދެއްކުން) އެނގުން.
- އައިޓީ ދާއިރާ ނުވަތަ ކޮމްޕިއުޓަރަށް އަހުލުވެރި ފަރާތެއް ކަމުގައިވުން.
ވީމާ، މިކޯހުގައި ބައިވެރިވެލެއްވުމަށް ޝައުޤުވެރިވާ ފަރާތްތަކުން މިހިނގާ ފެބްރުއަރީ މަހުގެ 09 ވާ ހޯމަ ދުވަހުގެ 14:00 ގެ ކުރިން ކޯހުގައި ބައިވެރިވުމަށް އެދި ސިޓީއާއެކު ސީވީ މިއެސޯސިއޭޝަނަށް ހުށަހެޅުއްވުމަށް ދެންނެވީމެވެ.
އަދި ދަންނަވަމެވެ. މިކޯހަށް ހޮވޭ ފަރާތުން، ކޯސް ނިންމެވުމަށްފަހު އެނބުރި މާލެ އައިސް، އެފް.އޭ.އެމް އިން ރާވާ ހިންގާ ކޯޗިންގކޯސްތަކުގައި، 2 އަހަރު ދުވަހުގެ މުއްދަތަށް، އަގަކާ ނުލައި ކިޔަވައިދޭންޖެހޭނެކަން މަޢުލޫމާތަށްޓަކައި ދެންނެވީމެވެ.