ގެޓްސެޓް ޕްރޮގްރާމުގައި ބައިވެރިވުމަށް އެދި ހުށަހަޅާ އެޕްލިކޭޝަން ފޯމު އަދި ޕްރޮޕޯޒަލް ބަލައިގަތުން

މިމިނިސްޓްރީން ފަށާފައިވާ ޒުވާން ވިޔަފާރިވެރިން އުފެއްދުމުގެ ޕްރޮގްރާމް، "ގެޓްސެޓް" ޕްރޮގްރާމުގައި ބައިވެރިވުމަށް އެދި ހުށަހަޅާ އެޕްލިކޭޝަން ފޯމުތައް 01 ފެބުރުވަރީ 2015 ވަނަ ދުވަހުން 28 ފެބުރުވަރީ 2015 ވަނަ ދުވަހުގެ 15:00 އާ ހަމައަށް ބަލައިގަތުމަށް ވަނީ ހަމަޖެހިފައެވެ.

މިތަކެތި ބަލައިގަތުމަށް ހަމަޖެހިފައިވަނީ ގެޓްސެޓް އޮފީސް، (އޮލިމްޕަސް ކޮމްޕްލެކްސް، ހަނދުވަރުދޭ ހިނގުން) މިނިސްޓްރީ އޮފް ޔޫތު އެންޑް ސްޕޯޓްސްގެ މައިއޮފީސް (ވެލާނާގޭގެ ތިންވަނަ ފަންގިފިލާ)، މާފަންނު ޒުވާނުންގެ މަރުކަޒު އަދި ގެޓްސެޓްގެ އީމެއިލް [email protected] އިންނެވެ.

އަދި މޯލްޑިވްސް ޕޯސްޓް މެދުވެރިކޮށް، ތިރީގައިވާ މޯލްޑިވްސް ޕޯސްޓް ޚިދުމަތްދޭ އޮފީސްތަކަށްވެސް އެޕްލިކޭޝަން ފޯމު އެކަމަށް ޚާއްޞަކުރެވިފައިވާ ސިޓީއުރައަކުން ހުށަހެޅިދާނެއެވެ.

ހދ. ހަނިމާދޫ ޕޯސްޓް އޮފީސް

ހދ. ކުޅުދުއްފުށީ ޕޯސްޓް އޮފީސް

ނ. ވެލިދޫ ޕޯސްޓް އޮފީސް

ނ. މަނަދޫ ޕޯސްޓް އޮފީސް

ބ. އޭދަފުށީ ޕޯސްޓް އޮފީސް

ޅ. ނައިފަރު ޕޯސްޓް އޮފީސް

އއ. ރަސްދޫ ޕޯސްޓް އޮފީސް

ތ. ގުރައިދޫ ޕޯސްޓް އޮފީސް

ލ. ފޮނަދޫ ޕޯސްޓް އޮފީސް

ގއ. ވިލިނގިލި ޕޯސްޓް އޮފީސް

ގދ. ތިނަދޫ ޕޯސްޓް އޮފީސް

ޏ. ފުވައްމުލަކު ޕޯސްޓް އޮފީސް

ސ. ހިތަދޫ ޕޯސްޓް އޮފީސް

ސ. ފޭދޫ ޕޯސްޓް އޮފީސް

ހުށަހަޅާ ކޮންމެ ފޯމަކަށް 48 ގަޑިއިރުގެ ތެރޭގައި ޖަވާބުދިނުމަށް ވަނީ ހަމަޖެހިފައިކަމުން، މި 48 ގަޑިއިރު ގުނޭނީ މިފޯމުތައް ބަލައިގަނެވުނުކަން އެންގޭ ހަމައިން ފެށިގެންނެވެ.

ވީމާ، މިކަން އެންމެހާ ފަރާތްތަކުގެ ސަމާލުކަމަށްޓަކައި ދެންނެވީމެވެ.

06  ރަބީޢުލްއާޚިރު  1436