މުވާޞަލާތީ ބޭނުންތަކަށް ބޭންކު އޮފް މޯލްޑިވްސް ފ.ނިލަންދޫ ބުރާންޗުގެ ހުޅަނގުން އޮތް ހުސް ބިމުން 600  އަކަފޫޓުގެ ބިން 01 ޖުލައި 2023 އިން ފެށިގެން 05 (ފަހެއް ) އަހަރު ދުވަހުގެ މުއްދަތަށް ކުއްޔަށް ދޫކުރުމަށް ނިންމައިފީމެވެ. މިބިމަށް ކުލީގެ ގޮތުގައި ހުށަހެޅޭނެ އެންމެ ކުޑަ އަގަކީ އަކަފޫޓަކަށް -/0.70 (ހަތްދިހަ) ލާރިއެވެ.

ބިން ކުއްޔަށް ހިއްޕަވަން ބޭނުންފުޅުވާ ފަރާތްތަކުން 2023 ޖޫން 18 ވަނަ ދުވަހުގެ 10:00 އަށް މިއިދާރާއަށް ވަޑައިގެން ސިޓީ ހުށަހެޅުއްވުން އެދެމެވެ. ސިޓީ ހުށަހަޅުއްވާނީ ބަންދު ކޮށްފައިވާ ސިޓީއުރައެއްގައެވެ. ސިޓީ އުރައިގެ ބޭރުގައި " މުވާޞަލާތީ ބޭނުންތަކަށް ބޭންކު އޮފް މޯލްޑިވްސް ފ.ނިލަންދޫ ބުރާންޗުގެ ހުޅަނގުން އޮތް ހުސްބިން ކުއްޔަށް ހިފުމަށް އެދި " މިހެން ލިޔެފައި އޮންނަންވާނެއެވެ. ބިންކުއްޔަށް ހިފުމަށް ސިޓީ ހުށަހެޅުމަށްޓަކައި ގަޑިޖެހިގެން ވަޑައިގަންނަވާ ފަރާތްތަކުން ހުށަހަޅާ ސިޓީތައް ބަލައެއް ނުގަނެވޭނެއެވެ.

އަދި ދަންނަވަމެވެ. މިބިމަށް އެދި ސިޓީ ހުށަހަޅުއްވާއިރު ބިން ތަރައްޤީ ކުރާނެ ގޮތުގެ ޕްލޭނާއި ، މުވާސަލާތީ ޚިދުމަތް ދިނުމުގެ ހުއްދައާއި ، ހުށަހަޅާ ފަރާތުގެ ވަނަވަރު ހުށަހަޅުއްވަން ވާނެއެވެ. ބިން ހަވާލުކުރާނެ ފަރާތެއް ކަނޑައެޅުމުގައި ބަލާނީ އެންމެ މަތީ އަގު ހުށަހަޅުއްވާ ފަރާތަކަށެވެ.

ވީމާ، މިކަން ޢާއްމުކޮށް އެންގުމަށްޓަކައި އިޢުލާނު ކުރީމެވެ.

19 ޛުލްޤައިދާ  1444

8 ޖޫން   2023

                                 ޢަލީ އަޙްމަދު

                                  ފ.ނިލަންދޫ ކައުންސިލްގެ ރައީސް