|
ޕްރިންސިޕަލުން ތަމްރީނު ކުރުމުގެ ސްކޮލަރޝިޕް 2023
|
|
ޕްރިންސިޕަލުން ތަމްރީނު ކުރުމަށް މި މިނިސްޓްރީގެ ޚަރަދުގައި 10 ސްކޮލަރޝިޕްގެ ފުރުސަތަށް ކުރިމަތިލުމަށް ހުޅުވާލަމެވެ. މިސްކޮލަރޝިޕަށް ހޮވޭ ފަރާތްތަކަށް ތިރީގައިވާ އިނާޔަތްތައް ހަމަޖައްސައިދެވޭނެއެވެ.
- ކިޔެވުމަށްދާ ޚަރަދު
- މުސާރައާއި އެއްވަރުގެ އެލަވަންސް
- ދެކޮޅު ޓިކެޓް
މި ސްކޮލަރޝިޕްގެ ފުރުސަތު ލިބޭ ފަރާތްތަކާއެކު ވަކި މުއްދަތަކަށް، ކަނޑައެޅޭ ސަރުކާރުގެ ސުކޫލެއްގައި ޚިދުމަތްކުރުމަށް ބޮންޑުކުރެވޭނެއެވެ.
|
|
|
ސްކޮލަރޝިޕްގެ އަދަދު
|
10
|
|
ކޯހުގެ ދާއިރާ
|
ސްކޫލް އެޑްމިނިސްޓްރޭޝަން / ސްކޫލް މެނޭޖްމަންޓް/
އެޑިޔުކޭޝަނަލް މެނޭޖްމަންޓް / އެޑިޔުކޭޝަނަލް ލީޑަރޝިޕް އެންޑެ މެނޭޖްމަންޓް
|
|
ކޯހުގެ ލެވެލް
|
ލެވެލް 9 (މާސްޓަރސް)
|
|
ސްކޮލަރޝިޕް ދެވޭ ޤައުމު
|
މެލޭޝިއާ (ޔުނިވަރސިޓީ އޮފް މަލާޔާ/ އިންޓަރނޭޝަނަލް އިސްލާމިކް ޔުނިވަރސިޓީ އޮފް މެލޭޝިއާ)
|
|
|
ސްކޮލަރޝިޕަށް ކުރިމަތިލާ ފަރާތްތަކުގައި ހުންނަންޖެހޭ ޝަރުތުތައް:
|
- ތަޢުލީމީ ދާއިރާއިން ނުވަތަ ކިޔަވައިދިނުމުގެ ދާއިރާއިން ނުވަތަ ކިޔަވައިދޭ މާއްދާއަށް ޚާއްޞަ ކުރެވިފައިވާ ދާއިރާއަކުން ދިވެހިރާއްޖޭގެ ޤައުމީ ސަނަދުތަކުގެ އޮނިގަނޑުގެ ލެވެލް 7 ނުވަތަ 8 ގެ ސަނަދެއް ޙާޞިލުކޮށްފައިވުމާއި؛
- ސުކޫލެއްގައި ކިޔަވައިދިނުމުގައި މަދުވެގެން 2 އަހަރު ޚިދުމަތްކޮށްފައިވުމާއި؛
- ތަޢުލީމުދޭ ނުވަތަ މަތީ ތަޢުލީމުދޭ އިދާރާއެއްގެ ހިންގުމުގެ ދާއިރާގައި މަދުވެގެން 4 އަހަރު ޚިދުމަތްކޮށްފައިވުން.
- މި މިނިސްޓްރީއިން ކުރިން ކިޔެވުމަށް ލޯނެއް ނަންގަވާފައިވާނަމަ ޑީފޯލްޓެއް ނެތި އެ ލޯނެއް ޤަވާއިދުން ދައްކަވަމުންގެންދަވާ ފަރާތެއް ކަމުގައިވުން.
- ކޯހަށް ކަނޑައަޅާފައިވާ ދާއިރާއިން މާސްޓަރސް ޑިގްރީ (ލެވެލް 9) ފެންވަރުގެ ކޯހެއް ނިންމާފައިވާ ފަރާތެއްކަމުގައި ނުވުން.
|
|
ހުށަހަޅަންޖެހޭ ލިޔުންތައް:
|
- ސްކޮލަރޝިޕަށް އެދި ހުށަހަޅާ ފޯމް
- ތަޢުލީމީ ސަނަދުތަކުގެ ކޮޕީ
- ފުލް ޓްރާންސްކްރިޕްޓްގެ ކޮޕީ
- ދިވެހި ރައްޔިތެއްކަން އަންގައިދޭ ކާޑުގެ ކޮޕީ (2 ފުށް ފެންނަގޮތަށް)
- ކިޔަވައި ދިނުން އަދި ހިންގުމުގެ ދާއިރާގެ ތަޖުރިބާ ސާބިތުކޮށްދިނުމަށް ބޭނުންވާ ތަޖުރިބާގެ ލިޔުންތައް
|
|
ސްކޮލަރޝިޕަށް ހޮވޭ ފަރާތްތައް ކަނޑައެޅުން
|
- ސްކޮލަރޝިޕަށް ހޮވޭ ފަރާތްތައް ކަނޑައަޅާނީ ތިރީގައިވާ ކްރައިޓީރިއާ އާ އެއްގޮތަށް މާކްސް ދިނުމަށްފަހު އެންމެ މަތިން މާކްސް ހޯދާ ފަރާތްތައް ތަރުތީބުކޮށް އެއާ އެއްގޮތަށެވެ. މިގޮތަށް ތަރުތީބު ކުރުމުގައި މީގެކުރިން މާސްޓަރސް ޑިގްރީއެއް ހާސިލްކޮށްފައިނުވާ ފަރާތްތަކަށް އިސްކަންދެވޭނެއެވެ.
ކްރައިޓީރިއާ
- މަސައްކަތުގެ ތަޖުރިބާއަށް (ކިޔަވައި ދިނުން އަދި ހިންގުމުގެ ތަޖުރިބާގެ މުއްދަތުން ޝަރުޠު ހަމަކުރުމަށް ބޭނުންވާ މުއްދަތު އުނިކުރުމުން، އިތުރުވާ މުއްދަތަށް މާކްސްދޭ ގޮތަށް) - %20
- ޕްރެޒެންޓޭޝަނަށް - %30
- އިންޓަރވިއުއަށް - %50
|
|
ސްކޮލަރޝިޕަށް އެދެންވީގޮތާއި ސުންގަޑި:
|
- ސްކޮލަރޝިޕަށް އެދި ހުށަހަޅާނީ އެކަމަށް ހާއްސަކުރެވިފައިވާ ފޯމު އަދި ހުށަހަޅަންޖެހޭ ލިޔުންތަކާއެކު 11 ޖޫން 2023 ވާ އާދިއްތަ ދުވަހުގެ 14:00 ގެ ކުރިން، ތިރީގައިވާ ލިންކު މެދުވެރިކޮށެވެ.
https://forms.gle/6cvJyaudowkUKVRXA
- ސްކޮލަރޝިޕަށް އެދި ހުށަހަޅާ ފޯމު އިޢުލާނާއެކު އެޓޭޗް ކުރެވިފައިވާނެއެވެ.
ނޯޓް: އެޕްލިކޭޝަން ފޯމާއިއެކު ހުރިހާ ޑޮކިއުމަންޓެއް އެއް ފައިލްއަކަށް ޕީ.ޑީ.އެފް ކުރުމަށް ފަހު، އަޕްލޯޑް ކުރެއްވުމަށް ދަންނަވަމެވެ.
|
|
މި އިޢުލާނާ ގުޅިގެން މަޢުލޫމާތު ސާފުކުރެއްވުމަށް 3341467 އަދި 3341298 ނަންބަރަށް ގުޅުއްވުން އެދެމެވެ. ނުވަތަ [email protected] އަށް އީމެއިލް ކުރެއްވުން އެދެމެވެ.
|
