އަންދާސީހިސާބު ބޭނުންވެއްޖެ.

މިސަރވިސް އަށް 6 އެއަރކޮންޑިޝަން (މިސަރވިސްއަށާއި، މިސަރވިސްގެ ދަށުން ގދ. ކާޑެއްދޫ ރީޖަނަލް އެއަރޕޯޓުގައި ހުންނަ ކާޑެއްދޫ މެޓްއޮފީހަށާއި، ލ. ކައްދޫ ރީޖަނަލް ވެދަރ ސަރވިސްގައި ހުންނަ ކައްދޫ މެޓްއޮފީހަށާއި، ހދ.ހަނިމާދޫ އިންޓަރނޭޝަނަލް އެއަރޕޯޓުގެ ހަނިމާދޫ މެޓްއޮފީހަށާއި، އަދި ސ.ގަން ރީޖަނަލް ވެދަރ ސަރވިސްއަށާއި އަދި ހުޅުލޭ އިބްރާހީމް ނާޞިރު އިންޓަރނޭޝަނަލް އެއަރޕޯޓްގައި ހުންނަ މޯލްޑިވްސް މީޓިއޮރޮލޮޖިކަލް ސަރވިސްގެ އިންޖިނިއަރިން ސެކްޝަނަށް) ސަޕްލައިކޮށްދީ، އެއޮފީހަކުން ދައްކާ ތަނެއްގައި އެއަރކޮންޑިޝަންތައް ހަރުކޮށްދޭނެ ފަރާތެއް ހޯދަން ބޭނުންވެއެވެ.

ވީމާ، މިކަމަށް ޝައުޤުވެރިވެލައްވާ ފަރާތްތަކުން 2015 ފެބުރުވަރީ 04 ވާ ބުދަ ދުވަހުގެ 11:00 އަށް ހުޅުލޭގައި (އިބްރާހީމް ނާޞިރު އިންޓަރނޭޝަނަލް އެއަރޕޯޓްގައި) ހުންނަ މިސަރވިސް (މޯލްޑިވްސް މީޓިއޮރޮލޮޖިކަލް ސަރވިސް) އަށް ވަޑައިގެން އަންދާސީހިސާބު ހުށަހެޅުއްވުން އެދެމެވެ. ގަޑިއަށް ވަޑައިނުގަންނަވާ ފަރާތްތަކުގެ އަންދާސީހިސާބުތައް ބަލައެއްނުގަނެވޭނެއެވެ.

އެއަރކޮންޑިޝަންގެ އަދަދާއި ތަފުސީލު:

• މަތީގައިވާ ގޮތަށް 07 އެއަރކޮންޑިޝަނަށް، ހަރުކުރުމުގެ އަގާއެކު އަންދާސީހިސާބު ހުށައެޅުއްވުން.
• އަންދާސީހިސާބު ހުށަހަޅުއްވާ އެއަރކޮންޑިޝަންތައް ވާންޖެހޭނީ ރާއްޖެއިން ސަރވިސްކުރުމުގެ ޚިދުމަތް ލިބެން ހުންނަ އިންވާޓަރ ތަކެއްޗަށެވެ.
• އެއަރކޮންޑިޝަން ގެންގޮސްދިނުމުގެ ޚަރަދާއި، ހަރުކޮށްދިނުމުގެ ޚަރަދު ތިރީގައިވާ ގޮތަށް އަންދާސީހިސާބުގައި ހިމަނާފައި އޮންނަންވާނެއެވެ.
• ގދ.ކާޑެއްދޫ ރީޖަނަލް އެއަރޕޯޓްގައި ހުންނަ ކާޑެއްދޫ މީޓއޮރޮލޮޖިކަލް އޮފީހަށް 01 އެއަރކޮންޑިޝަން (BTU 18000 ގެ ވޯލް މައުންޓް 01 އެއަރކޮންޑިޝަން) ގެންގޮސްދިނުމުގެ ޚަރަދާއި އަދި އޮފީހުން ދައްކާ ތަނެއްގައި އެ އެއަރކޮންޑިޝަން ހަރުކޮށްދިނުމުގެ އަގު ހިމަނާފައި އޮންނަންވާނެއެވެ.
• ލ.ކައްދޫ ރީޖަނަލް އެއަރޕޯޓްސްގައި ހުންނަ ކައްދޫ މީޓިއޮރޮލޮޖިކަލް އޮފީހަށް 01 އެއަރކޮންޑިޝަން (18000 BTU ގެ ވޯލް މައުންޓް 01 އެއަރކޯން) ގެންގޮސްދިނުމުގެ ޚަރަދާއި އަދި އެއޮފީހުން ދައްކާ ތަނެއްގައި އެ އެއަރކޮންޑިޝަން ހަރުކޮށްދިނުމުގެ އަގު ހިމަނާފައި އޮންނަންވާނެއެވެ.
• ހދ.ހަނިމާދޫ އިންޓަރނޭޝަނަލް އެއަރޕޯޓްސްގައި ހުންނަ ހަނިމާދޫ މީޓިއޮރޮލޮޖިކަލް އޮފީހަށް 01 އެއަރކޮންޑިޝަން (18000 BTU ގެ ވޯލް މައުންޓް 01 އެއަރކޯން) ގެންގޮސްދިނުމުގެ ޚަރަދާއި އަދި އެއޮފީހުން ދައްކާ ތަނެއްގައި އެ އެއަރކޮންޑިޝަން ހަރުކޮށްދިނުމުގެ އަގު ހިމަނާފައި އޮންނަންވާނެއެވެ.
• ސ.ގަން އިންޓަރނޭޝަނަލް އެއަރޕޯޓްގައި ހުންނަ ސ.ގަން ރީޖަނަލް ވެދަރ ސަރވިސް އޮފީހުގައި 02 އެއަރކޮންޑިޝަން (BTU 12000 ގެ ވޯލް މައުންޓް) ގެންގޮސްދިނުމުގެ ޚަރަދާއި އަދި އެއޮފީހުން ދައްކާ ތަނެއްގައި އެ އެއަރކޮންޑިޝަން ހަރުކޮށްދިނުމުގެ އަގު ހިމަނާފައި އޮންނަންވާނެއެވެ.
• ހުޅުލޭ- އިބްރާހީމް ނާޞިރު އިންޓަރނޭޝަނަލް އެއަރޕޯޓްގައި ހުންނަ މޯލްޑިވްސް މީޓިއޮރޮލޮޖިކަލް ސަރވިސްގެ އިންޖިނިއަރިން ސެކްޝަންގައި 02 އެއަރކޮންޑިޝަން (BTU 18000 ގެ ވޯލްމައުންޓް) ގެންގޮސްދިނުމުގެ ޚަރަދާއި އަދި އެއޮފީހުން ދައްކާ ތަނެއްގައި އެ އެއަރކޮންޑިޝަންތައް ހަރުކޮށްދިނުމުގެ އަގު ހިމަނާފައި އޮންނަންވާނެއެވެ.
• އަންދާސީހިސާބު ހުށަހަޅުއްވާއިރު، އެއަރކޮންޑިޝަންތަކުގެ ރޭޓް އަދި އަންދާސީހިސާބުގެ ޖުމްލަ އަގުގެ އިތުރުން ޖީ.އެސް.ޓީ ވަކިން ހިމަނަންވާނެއެވެ.
• ޑެލިވަރ ކޮށްދެވޭނެ މުއްދަތާއި ހަރުކޮށް ނިންމައިދޭނެ މުއްދަތު އެނގެން އޮންނަންވާނެއެވެ.
• އެއަރކޮންޑިޝަންތަކަށް މަދުވެގެން 01 އަހަރު ދުވަހުގެ މުއްދަތަކަށް ވޮރަންޓީ ދޭންވާނެއެވެ.
• އަންދާސީހިސާބާއެކު ތިރީގައި މިދަންނަވާ ލިޔެކިޔުން ހުށަހަޅުއްވަންވާނެއެވެ.
• ކުންފުނީގެ ޕްރޮފައިލް
• ކޮށްފައިވާ މިބާވަތުގެ މަސައްކަތުގެ ތަފުސީލު
• ކުންފުނީގެ ރަޖިސްޓަރީގެ ކޮޕީ
• ޖީ.އެސް.ޓީ ރަޖިސްޓްރޭޝަނުގެ ކޮޕީ
• ތައްޔާރުކުރާ އަންދާސީހިސާބަށް 02 މަސްދުވަހުގެ ވެލިޑިޓީއެއް ދެއްވަންވާނެއެވެ.
• މިކަމަށް ހޮވޭ ފަރާތުން ތަކެތި ގެންނައިރު އެއިން އެއްވެސް އެއްޗަކަށް ގެއްލުމެއް ލިބިފައިވާނަމަ އެތަކެތި ރިޕްލޭސް ކޮށްދެއްވަންވާނެއެވެ.
• ދެވިފައިވާ މަޢުލޫމާތާ ބެހޭގޮތުން އިތުރަށް ސާފުކުރައްވަން ބޭނުންފުޅުވާ މަޢުލޫމާތެއް އޮތްނަމަ، އެސިސްޓެންޓް އިންސްޓްރޫމަންޓް މެޓް ޓެކްނީޝަން މޫސާ ސަޢީދު 9178798 އާ ގުޅުއްވުން އެދެމެވެ. 

ބިޑް އިވެލުއޭޝަން ކްރައިޓީރިއާ

ހުށަހެޅޭ އަންދާސީހިސާބެއް ބާޠިލު (ޑިސްކޮލިފައި) ކުރެވިދާނެ ގޮތްތައް:

1. ހުށަހަޅާ އަންދާސީހިސާބުގައި މުއްދަތު ނެތުން.
2. ހުށަހަޅާ އަންދާސީހިސާބުގައި، އަގު ހުށަހަޅަންޖެހޭ ކަންކަމުގެ ތެރެއިން އެއްވެސް ކަމަކަށް އަގު ހުށަހެޅިފައި ނެތުން.
3. އަންދާސީހިސާބު ހުށަހަޅާއިރު ހުށަހަޅަންޖެހޭ މަޢުލޫމާތު ފުރިހަމަނުވުން.
4. އަންދާސީހިސާބު ހުށަހަޅާއިރު ހުށަހަޅަންޖެހޭ ލިޔުންތައް ހުށަހަޅާފައި ނުވުން.
5. މޯލްޑިވްސް މީޓިއޮރޮލޮޖިކަލް ސަރވިސްއިން ކޮށްފައިވާ އެއްބަސްވުމާ ޚިލާފުވެގެން، ނުވަތަ "ބްލެކް ލިސްޓް" ކުރެވިފައިވާ ފަރާތަކުން ނުވަތަ އެފަރާތާ ގުޅުންހުރި ( ބްލެކްލިސްޓް ކުރެވިފައިވާ ކުންފުނީގެ ހިއްސާދާރެއް ހިމެނޭ ކުންފުންޏެއް ފަދަ) ފަރާތަކުން ހުށަހަޅާ އަންދާސީހިސާބު.

01 ރަބީޢުލްއާޚިރު 1436