2023ވަނަ އަހަރުގެ ރިޔާސީ އިންތިޚާބުގެ ކުރިން އަދި އިންތިޚާބު އޮންނަ ދުވަހު އަތޮޅުތެރޭގެ ހާލަތު މޮނިޓަރ ކުރުމަށް ފޯކަލް ޕޮއިންޓުން ހޯދުން

މަސްޢޫލިއްޔަތު:

1. ފޯކަލް ޕޮއިންޓުންގެ ފަރާތުން މަޢުލޫމާތު އެއްކުރުމަށް ބޭނުން ކުރެވޭ 2 އޮންލައިން ސުވާލު ކަރުދާހެއް (ކަނޑައެޅިފައިވާ ވަކި ވަގުތު ތަކެއްގައި ފުރިހަމަ ކުރަންޖެހޭ "ހާލަތު ސުވާލު ކަރުދާސް" އާއި ރަށުގައި އިންތިޚާބާގުޅޭ ހާދިސާއެއް ހިގައިފިނަމަ ފުރަންޖެހޭ "ހާދިސާ ސުވާލު ކަރުދާސް") ފުރުން.
2. އިންތިޚާބު އޮންނަ ދުވަހުގެ ފޮށިތައް އޮބްޒަރވްކުރާއިރު ކޮމިޝަނުގެ އޮބްޒާވަރުންގެ ގޮތުގައި ކަނޑައެޅޭ ރަށެއްގެ އިންތިޚާބީ މަރުކަޒެއްގައި ޙަރަކާތްތެރިވުން.

ނޯޓު: ރިޔާސީ އިންތިޚާބާ ގުޅިގެން ހާލަތު މޮނިޓަރކުރާ ފޯކަލް ޕޮއިންޓުންނަށް އޮންލައިން ޓްރެއިނިންއެއް ދެވޭނެއެވެ.

ފޯކަލް ޕޮއިންޓުންގެ ގޮތުގައި ނަގާ ފަރާތްތަކުގެ ޝަރުތުތައް:

1. އުމުރުން 18 އަހަރުވެފައިވުން.
2. ސިޔާސީ ޕާޓީއެއްގެ ހަރާކާތްތަކުގައި ޢަމަލީގޮތުން ބައިވެރިވާ ފަރާތެއްކަމުގައި ނުވުން.  (ސިޔާސީ ޕާޓީއެއްގެ ރެޖިސްޓްރީގައި ނުހިމެނޭ ފަރާތްތަކަށް އިސްކަން ދެވޭނެ )
3. ހުކުމް ތަންފީޛުކުރަމުންދާ ފަރާތެއްކަމުގައި ނުވުން. 
4. ރިޔާސީ ކެންޑިޑޭޓެއްގެ ޢާއިލީ މެންބަރެއް ކަމުގައި ނުވުން.
5. އިރުޝާދުތަކަށް ޢަމަލުކުރުމާއި އެހެންމީހުންނާ ގުޅިގެން މަސައްކަތްކުރުމުގެ ޤާބިލްކަންހުރުމާއެކު  ގިނަ ވަގުތު މަސައްކަތުގައި އުޅެވޭނެ ފަރާތެއް ކަމުގައި ވުން.

ނޯޓު: ކުރީގެ އިންތިޚާބުތަކުގެ ތަޖުރިބާ (ވޯޓުލާ މަރުކަޒެއްގައި އޮފިޝަލެއްގެ ގޮތުގައި، އޮބްޒަރވަރެއްގެ ގޮތުގައި ނުވަތަ މޮނިޓަރެއްގެ ގޮތުގައި ޙަރަކާތްތެރިވުން) ލިބިފައިވާ ފަރާތްތަކަށް އިސްކަން ދެވޭނެއެވެ. 

ޢިނާޔަތްތައް:

1.  ފޯކަލް ޕޮއިންޓުން ފުރާ ކޮންމެ ފޯމަކަށް -/35 (ތިރީސް ފަހެއް) ރުފިޔާގެ އެލަވަންސެއް ދެވޭނެއެވެ.
2. ރިޔާސީ އިންތިޚާބު އޮންނަ ދުވަހުގެ ފޮށިތައް އޮބްޒަރވްކުރުމުގައި ޙަރަކާތްތެރިވާ ފަރާތްތަކަށް އެލަވަންސްގެ ގޮތުގައި -/1000 (އެއް ހާސް) ރުފިޔާ ދެވޭނެއެވެ.

ސުންގަޑި:

15 މޭ 2023 (ހޯމަ) ދުވަހުގެ 13:00 ގެ ކުރިން.

އެހެނިހެން:

1. މި މަސައްކަތަށް ޝައުގުވެރިވެވަޑައިގަންނަވާ ފަރާތްތަކުން ދީފައިވާ ސުންގަޑި ހަމަވުމުގެ ކުރިން މި ލިންކު (https://forms.office.com/r/nJvpZgUEbw) މެދުވެރިކޮށް ކޮމިޝަނަށް ހުށައެޅުއްވުން އެދެމެވެ.  

ނޯޓު: ފޯކަލް ޕޮއިންޓުން ހޮވާނީ ކޮމިޝަނުން ކަނޑައަޅާފައިވާ ގޮތެއްގެ މަތިން އިވެލުއޭޓްކުރުމަށްފަހު މި ކޮމިޝަނުންނެވެ.