ނ. މަގޫދޫން ދިރިއުޅުމަށްޓަކައި ބަންޑާރަ ގޯތި ދޫކުރުމަށް ފާސްކުރެވިފައިވާ ސަރަހައްދުން 3000 އަކަފޫޓުގެ 51  ގޯތި ދޫކުރުމަށް، ގޯއްޗަށް އެދުމުގެ ފުރުޞަތު ހުޅުވާލައި މި އިދާރާއިން 2 އެޕްރީލް 2023 ވަނަ ދުވަހު ކުރެވުނު އިޢުލާނާއެކު ޢާއްމުކުރެވިފައިވާ "ދިރިއުޅުމަށްޓަކައި ބަންޑާރަ ގޯތި ދޫކުރުމުގެ އުސޫލު-2023" އިސްލާޙުކޮށް ގޯއްޗަށް އެދުމުގެ ފުރުޞަތު އަލުން ހުޅުވާލަމެވެ.

ވީމާ، މި ކައުންސިލުން އިސްލާޙުކޮށް އާއްމުކޮށްފައިވާ "ދިރިއުޅުމަށްޓަކައި ބަންޑަރާގޯތި ދޫކުރުމުގެ އުސޫލު-2023" ގައި ބަޔާންކޮށްފައިވާ ޝަރުތުތައް ފުރިހަމަވާ ފަރާތްތަކުން 18 އެޕްރީލް 2023 ން ފެށިގެން 18 މެއި 2023 ވަނަ ދުވަހުގެ 13:00 ށް މި އިޢުލާނާއެކު އެއްކަރުދާސް ކުރެވިފައިވާ "ނ. މަގޫދޫން ދިރިއުޅުމަށްޓަކައި ދޫކުރާ ބަންޑާރަ ގޯއްޗަށް އެދި ހުށަހަޅާ ފޯމު" ފުރިހަމަކޮށް ހުށަހެޅުއްވުން އެދެމެވެ.

ފޯމު ދޫކޮށް ބަލައިގަންނާނީ 18 އެޕްރީލް 2023 ން 18 މެއި 2023 އަށް ބަންދު ނޫން ކޮންމެ ދުވަހަކު  9:00 ން 13:00 އަށް މި އިދާރާގެ ކައުންޓަރުންނެވެ.

މި އިޢުލާނާއެކު ތިރީގައި މިވާ ލިޔުންތައް އެއްކަރުދާސް ކުރެވިފައި ވާނެއެވެ.

• ނ. މަގޫދޫން ދިރިއުޅުމަށްޓަކައި ބަންޑާރާ ގޯއްޗަށް އެދި ހުށައަޅާ ފޯމު
• ދިރިއުޅުމަށްޓަކައި ބަންޑާރަ ގޯތި ދޫކުރުމުގެ އުޞޫލު 2023
• ނުއުފުލޭ މުދަލުން ތަރިކައިން ލިބިގެން ބިމުން ލިބިފައިވާ ބައި ދޫކޮށްލުމުގެ އިޤްރާރު
• ބޯހިޔާވަހިކަން ދޫކޮށްލުމުގެ އިޤްރާރު
• އެކަނިވެރި މައިން/ބަފައިން ދަރިން ބަލަމުންދާކަމުގެ ލިޔުން.

ވީމާ، މިކަން ޢާންމުކޮށް އެންގުމަށްޓަކައި އިޢުލާނުކުރީމެވެ.