މަޤާމް:

 އެސިސްޓެންޓް ލީގަލް އޮފިސަރ (މިއީ ދާއިމީ މަޤާމެކެވެ.)

ބޭނުންވާ އަދަދު:

1

ކްލެސިފިކޭޝަން: އެސިސްޓެންޓް ލީގަލް އޮފިސަރ

ރޭންކް:

  އެލް.އެސް. 2

އަސާސީ މުސާރަ:

  -/9412 ރުފިޔާ

އެލަވަންސްތަކާއި ޢިނާޔަތްތައް:

- ސަރވިސް އެލަވަންސް: -/3000 ރުފިޔާ

- ޖުޑީޝަލް އެލަވަންސް: ކޯޓަށް ހަމަޖެހިފައިވާ ގޮތުގެ މަތިން، އަސާސީ މުސާރައިގެ %35 އަށްވާ ފައިސާގެ އިތުރަށް، މި މަޤާމަށް ކަޑައެޅިފައިވާ އާއެކު، ޖުމްލަ އަސާސީ މުސާރައިގެ %50 އަށްވާ ފައިސާ.

- އިތުރުގަޑީގައި މަސައްކަތް ކޮށްފިނަމަ، ހަމަޖެހިފައިވާ އުޞޫލުން އިތުރުގަޑީގެ ފައިސާ ލިބޭނެ.

އަސާސީ ޝަރުޠު:

މަޤާމުގެ މަސައްކަތްކުރުމުގެ ހުނަރާއި ޤާބިލުކަން އިންޓަވިއުގައި ސާބިތުކޮށްދިނުމާއެކު، ޝަރީޢާ ޤާނޫނު ނުވަތަ ޝަރީޢާ ނުވަތަ ޤާނޫނުން، ދިވެހިރާއްޖޭގެ ޤައުމީ ސަނަދުތަކުގެ އޮނިގަޑުގެ ލެވެލް 7 ނުވަތަ ލެވެލް 8 ގެ ސަނަދެއް ހާސިލުކޮށްފައިވުން.

މަޤާމުގެ މައިގަޑު މަސްއޫލިއްޔަތު:

1. ނިޔާ ކަނޑައަޅާ މައްސަލަތަކުގެ ޝަރީޢަތް ނިމުނުގޮތުގެ ރިޕޯޓް ޑްރާފްޓްކުރުން.
2. އިސް މެޖިސްޓްރޭޓް ހަވާލުކުރައްވާ (ކޯޓަށް ހުށަހެޅިފައިވާ ޤަޟިއްޔާތަކާ ގުޅޭ ފަރާތްތައް ފިޔަވައި އެހެން މީހުންގެ) ބަޔާން ނެގުން.
3. ޤާނޫނުތަކާއި ޤަވާޢިދުތައް އެއްކޮށް ހޯދާފައި ފަސޭހައިން ފެންނާނެހެން ބެހެއްޓުން.
4. ކޯޓުގެ މުވައްޒަފުންކުރާ މަސައްކަތްތަކާއި ހިންގާ ހަރަކާތްތަކާ ބެހޭގޮތުން ސ.ޖުޑީޝަލް ދާއިރާގެ އިސް މެޖިސްޓްރޭޓް ހައްދަވާ ޤަވާޢިދުތައް ޑްރާފްޓްކޮށް އެކުލަވައިލުމުގައި ސ.ޖުޑީޝަލް ދާއިރާގެ އިސް މެޖިސްޓްރޭޓަށް އެހީތެރިވެދިނުން.
5. ކޯޓަށް ހާޒިރުވުމަށް ފޮނުވަންޖެހޭ އަމުރު (ކޯޓަށް ހާޒިރުވުމުގެ އަމުރު) ތައްޔާރުކުރުވުމާއި، ރައްދުކުރަންޖެހޭ ފަރާތްތަކަށް އަމުރު ރައްދުކުރެވިފައިވޭތޯ ބެލުމާއި، ކޯޓަށް ހާޒިރުވުމުގެ އަމުރާ ހަވާލުނުވާ މީހުންނާއި، ފިލައިގެން އުޅޭ މީހުންގެ ގޭގައި، ކޯޓަށް ހާޒިރުވުމުގެ އަމުރު ތަތްކުރުވުމުގެ މަސައްކަތް މި ކޯޓުގެ މެޖިސްޓްރޭޓުން އަންގަވާ ގޮތެއްގެ މަތިން  ކުރުވުން.
6. ކޯޓަށް ހާޒިރުވުމުގެ އަމުރު ރައްދުކުރެވޭ ފަރާތްތައް ކޯޓަށް ހާޒިރުވޭތޯ ބެލުމާއި، ހާޒިރުނުވާނަމަ މެޖިސްޓްރޭޓްގެ މަޝްވަރާގެ މަތިން އެފަރާތްތަކާމެދު ފިޔަވަޅުއެޅުން.
7. ކުށެއްގެ ތުހުމަތުގައި ބަންދުކުރެވޭ މީހުންގެ ބަންދާމެދު ގޮތެއް ނިންމުމަށް އެދި ހުށަހަޅާ މައްސަލަތަކުގައި ކުރަންޖެހޭ އެންމެހައި ކަންތައްތައް، މެޖިސްޓްރޭ އަންގަވާ ގޮތެއްގެ މަތިން ކުރުން.
8. ތަޙްޤީޤީ އިދާރާތަކުން ބަލާފާސްކުރުމުގެ އަމުރުތަށް ހޯދަން އެދި ހުށަހެޅުމުން، އެކަމާ ގުޅިގެން ކުރަންޖެހޭ އެންމެހައި ކަންތައްތައް، މެޖިސްޓްރޭޓް އަންގަވާ ގޮތެއްގެ މަތިން ކުރުން.
9. ކޯޓަށް ހުށަހެޅޭ މައްސަލަތަކާއި، ވަރި ކާވެންޏާބެހޭ މައްސަލަތަކާއި، އެގްރިމެންޓް ރަޖިސްޓްރީކުރުމުގެ ފޯމް ބަލައިގަނެ، މަޢުލޫމާތު ފުރިހަމަތޯ ޗެކްކުރުމުގައި އެހީތެރިވެދިނުން.
10. ކޯޓުގައްޔާއި ކޯޓުން ބޭރުގައި ކުރަންޖެހޭ ކާވެނި ކޮށްދިނުން.
11. މީގެ އިތުރުންވެސް، ލީގަލް ސެކްޝަނުގެ މަސައްކަތްތައް، މެޖިސްޓްރޭޓް އަންގަވާ ގޮތެއްގެ މަތިން ކުރުން.

ވަޒީފާއަށް އެދޭ ފޯމާއިއެކު ހުށަހަޅަންޖެހޭ ތަކެތި:

- އެކްރެޑިޓްކޮށްފައިވާ ތަޢުލީމީ ސެޓްފިކެޓްތަކުގެ ފޮޓޯކޮޕީ (އިންޓަވިއުއަށް ހާޒިރުކުރެވޭއިރު، ސެޓްފިކެޓްތައް އަޞްލާ އެއްގޮތްތޯ ބެލޭނެއެވެ.)

- ދިވެހި ރައްޔިތެއްކަން އަންގައިދޭ ކާޑުގެ ކޮޕީ.   

- ވަޒީފާއެއްގައި އުޅެފައިވާނަމަ، ވަޒީފާ އަދާކުރިކަމުގެ ލިޔުމުގެ ކޮޕީ.

- ވަޒީފާ އަށް އެދޭފަރާތުގެ ވަނަވަރު.

 ސުންގަޑި:

14 ޖަނަވަރީ 2015 ގެ 15:00 ގެ ކުރިން.

އިތުރު މަޢުލޫމާތުު:

އިތުރު މަޢުލޫމާތު ހޯދުމަށް ގުޅާނީ، 6885571 ނަންބަރު ފޯނާއެވެ. ފެކްސް ނަންބަރަކީ 6885570 އެވެ.

މި މަޤާމަށް ކުރިމަތިލާ ފަރާތްތަކުގެ އަދަދު 10 އަށްވުރެ ގިނަވެއްޖެނަމަ، އިންޓަވިއުއަށް ހޮވޭނީ ހުށަހަޅާފައިވާ ލިޔުންތަކަށް ބަލައިގެން،  ލިބިފައިވާ  ތަޢުލީމާއި ތަޖުރިބާއަށް ދެވޭ މާކްސްތަކުން އެންމެ މަތީ މާކްސް ލިބޭ 10 ފަރާތެވެ.