ފިޝަރީޒް އެންޑް އެގްރިކަލްޗރ ޑައިވަރސިފިކޭޝަން ޕްރޮގްރާމް (ފަޑިޕް) ގައި ބައިވެރިވުމަށް ޝައުޤުވެރިކަން ފާޅުކުރުމުގެ ފުރުޞަތު ހުޅުވާލުން

އިންޓަނޭޝަނަލް ފަންޑް ފޯ އެގްރިކަލްޗަރަލް ޑިވެލޮޕްމަންޓް (އިފާޑު) ގެ ލޯނު އެހީގައި މިމިނިސްޓްރީން ހިންގަމުންގެންދާ ފިޝަރީޒް އެންޑް އެގްރިކަލްޗަރ ޑައިވަރސިފިކޭޝަން ޕްރޮގްރާމް (ފަޑިޕް) އިން ދަނޑުވެރިކަމާއި މަސްވެރިކަމުގެ އުފެއްދުންތައް އިތުރުކޮށް، މަސްވެރިކަމާއި ދަނޑުވެރިކަމުގެ ބާވަތްތަކުން ތަކެތި އުފައްދައި (ވެލިއު އެޑިޝަން) އިތުރުކުރުމަށް ޝައުޤުވެރިކަން ފާޅުކުރުމުގެ ފުރުޞަތު ހުޅުވާލަމެވެ. މިޕްރޮގްރާމުގެ އަމާޒަކީ ކުޑަ އާމްދަނީއެއް ލިބޭ ދަނޑުވެރިންނާއި މަސްވެރިން ގުޅިގެން އުފައްދާ ވެލިއު ޗެއިން ކުންފުނި ނުވަތަ ކޯޕަރޭޓިވް ސޮސައިޓީ ތަރައްޤީކޮށް، ދަނޑުވެރިންނަށާއި މަސްވެރިންނަށް ދެމެހެއްޓެނިވި ގޮތެއްގައި ފައިދާ ފޯރުކޮށްދިނުމާއެކު ރަނގަޅު އަގު ލިބޭ ރިޒޯޓު މާކެޓްތަކާ ގުޅުވައިދިނުމެވެ.

މި ޕްރޮގްރާމުގައި ބައިވެރިވުމަށް ޝައުޤުވެރިކަން ފާޅުކުރުމަށް ފުރާ ފޯމު މިމިނިސްޓްރީގެ ވެބްސައިޓް (www.fishagri.gov.mv) އަދި ރަސްމީގަޑިތަކުގައި މެރިން ރިސަރޗް ސެންޓަރގައި ހުންނަ މިމިނިސްޓްރީގެ ޕްރޮޖެކްޓް އިމްޕްލިމެންޓޭޝަން ޔުނިޓުން ލިބެން ހުންނާނެއެވެ. ވީމާ، މިކަމަށް ޝައުޤުވެރިވެލައްވާ ފަރާތްތަކުން، މިކަމަށް ތައްޔާރުކުރެވިފައިވާ EOI-A1 ފޯމު ފުރިހަމަކުރެއްވުމަށްފަހު 31 ޖަނަވަރީ 2014ގެ ކުރިން ހުށަހެޅުއްވުން އެދެމެވެ. މި ޕްރޮގްރާމުގައި ބައިވެރިވުމަށް ފުރުޞަތު ދިނުމުގައި މިހާރުވެސް މަސްވެރިކަމާއި ދަނޑުވެރިކަމުގެ އުފެއްދުންތައް (ވެލިއު އެޑިޝަން) ތައްޔާރު ކުރަމުންދާ އަދި މާރކެޓްކުރުމުގެ ތަޖުރިބާހުރި ވެލިއުޗެއިން ކުންފުނި ނުވަތަ ކޯޕަރޭޓިވް ސޮސައިޓީތަކަށް (މާލެ ފިޔަވައި) އިސްކަންދެވޭނެއެވެ.

މި ޕްރޮގްރާމުގައި ބައިވެރިވުމަށް ޝައުޤުވެރިކަން ފާޅުކޮށް ފޯމު ހުށަހަޅާ ފަރާތްތައް އިވެލުއޭޓް ކުރެވޭނެއެވެ. އަދި މި އިވެލުއޭޝަނުން ފާސްވާ ފަރާތްތަކުން ޕްރޮޖެކްޓުގައި ބައިވެރިކުރުމަށްޓަކައި ބިޒްނަސް ޕްލޭނެއް ތައްޔާރުކުރަން ޖެހޭނެއެވެ.  

ވީމާ، ކުންފުނި، ކޯޕަރޭޓިވް ސޮސައިޓީ ނުވަތަ ރަށުގެ ފަރާތްތަކަކާއެކު ގުޅިގެން މަތީގައި ދެންނެވިފައިވާ މަސައްކަތްތައް ކުރެއްވުމަށް ޝައުޤުވެރިވެލައްވާ ފަރާތްތަކުން މިކަމަށް ތައްޔާރުކުރެވިފައިވާ ފޯމު ފުރިހަމަކުރުމަށްފަހު މިމިނިސްޓްރީގެ ޕްރޮޖެކްޓް އިމްޕްލިމެންޓޭޝަން ޔުނިޓަށް ފޮނުއްވުން އެދެމެވެ. މިކަމާ ގުޅޭގޮތުން އިތުރު މަޢުލޫމާތު ބޭނުންފުޅުވާނަމަ މި މިނިސްޓްރީގެ ޕްރޮޖެކްޓް އިމްޕްލިމެންޓޭޝަން ޔުނިޓުގެ 3341836 ނަންބަރަށް ގުޅުއްވުން އެދެމެވެ.

14 ރަބީޢުލްއައްވަލް 1436